लुका 6:12 - ल्होमी

¹² हुनी ङीन् च्‍यीक् येशु लदोक् च्‍यीक्‍ल जेन हुदु छेङ्‌गङ् को़न्‍ज्‍योक्‍ल ॱसुव तोप्‍कीन् देप्‍प बेत्।

लुका 6:12 Iomraidhean Croise

मत्‍ती 5:1

येशुगी रोरङ् झ्‍यीस्‍से ॱसने दीदु मी छेत्‍मीत् यो़प्‍प थोङ्‌नी, खोङ्‌गी ॱलोप्‍टुक् दीबरङ् ठीक्‍न लदोक् च्‍यीक्‍ल जेन देप्‍प बेत्। ॱनी ॱलोप्‍टुक् दीब खोङ्‌गी लोनल देप्‍प बेत्।

मत्‍ती 6:6

हीगो डस्‍सी मेम्‍ब, ॱसुव तोबे यङ्‌ल रङ् खीम्‍ल स्‍युन गोच्‍च थम् च्‍येत्‍न, हुनी ॱमीक्‍की ॱमीत् थोङ्‌सल स्‍युगेन् रङ्‌गी यप्‍ल ॱसुव तोप्‍च्‍यीत्। ढुज्‍युक्‍नी ॱसुव तब दी रङ्‌गी यप्‍की थोङ्‌न खोङ्‌गी हुगी लेन् दी रङ्‌ल ॱनङ्‌गेन् बेत्।

मर्कुस् 1:35

ॱनी हुगी नेम्‍बेत् दी येशु ॱङेन्‍ज्‍याल नम् मत् लोङल लोङ्‌न छ्‌यील थो़न्‍न मी मीस्‍स पक्‍कल ॱसुव तोप्‍तु फीम्‍ब बेत्।

मर्कुस् 3:13

हुनी येशु लदोक् च्‍यीक्‍ल जेन फीम्‍ब बेत्। हुनी खोङ्‌गी रोरङ्‌गी थुल ॱमीन दम्‍ब घयेत् दील ॱस्‍योक् सीन्‍न भो़ब बेत्। हुनी हुब युङ बेत्।

मर्कुस् 6:46

हुनी खोङ् रोरङ्‌रङ् च्‍यीक्‍पु लदोक् च्‍यीक्‍ल ॱसुव तोप्‍तु जेन फीम्‍ब बेत्।

लुका 5:16

ॱनी येशु यरी हुगी मी दीबदङ् भीन मी मीस्‍स पक्‍क झ्‍यङ्‌दङ्‌ल रोरङ् च्‍यीक्‍पु ॱसुव तोप्‍तु डोगो़प्‍प बेत्।

लुका 6:11

हुनी हुब घयेत् खोङ्‌डोक्‍की मी बर्न, रोरङ्‌सो ॱनम्‍बु ह हज्‍यरङ् हुल घन्‍ड झ्‍यीक्‍केन्? सीन्‍न ढो़ झ्‍यीब बेत्।

लुका 6:17

हुनी ठीक्‍नल च्‍युन्‍नीबु दीदङ् दल खोङ् हुगी लदोक् दीनी मल्‍ल भप्‍न हुदु थङ्‌ग च्‍यीक्‍तु टङील स्‍युब बेत्। ॱनी उन खोङ्‌गी ॱलोप्‍टुक् ॱयोङ्‌म आक् गज्‍येन् यो़प्‍प बेत्। ॱनी यहुदीयानी, यरुशलेम्‍नी धङ् छ्‌यु ज्‍यम्‍जो छ्‌यीम्‍मी़ छीगल ॱनेगेन् टायर् धङ् सीदोन्‍गी लुङ्‌बनी इक् मी छेत्‍मीत्

लुका 9:18

ॱनी लेन् च्‍यीक् येशु ॱसुव तोबे यङ्‌ल खोङ्‌दङ् दल ॱलोप्‍टुक् दीबरङ् यो़प्‍प बेत्। ॱनी खोङ्‌गी ॱलोप्‍टुक् दीबल मी घयेक्‍की ङल ॱसु बेत् सीन्‍न सीगुक्‍क? सीन्‍न ढीब बेत्।

लुका 9:28

हीनी झ्‍यीनी स्‍यक्‍पु ज्‍येच्‍चो़त् च्‍यीक् ॱसोङ्‌नी, येशुगी पत्रुस्, युहन्‍ना, याकुब् झ्‍यीब ठीक्‍न लदोक् च्‍यीक्‍ल ॱसुव तोप्‍तु जेन फीम्‍ब बेत्।

लुका 9:29

ॱनी हुगी लदोक् दीदु खोङ्‌गी ॱसुव तोबे यङ्‌ल खोङ्‌गी दोङ्‌ब दी ज्‍युर्न घो़ दी इक् ओ़त् छ्‌यीम् छ्‌यीम् झ्‍यीक्‍केन् कप्‍पु च्‍यत् थीङीयल ॱसोङ बेत्।

युहन्‍ना 6:3

ॱनी येशु धङ् ॱलोप्‍टुक् दीब उन यो़क्‍केन् पोर्तोक् च्‍यीक्‍ल जेन देप्‍प बेत्।

कलस्‍सी 4:2

खीत्‍रङ् धु च्‍यङ्‌न को़न्‍ज्‍योक्‍ल ॱसुव तप् तब झ्‍यीज्‍यीत्। को़न्‍ज्‍योक्‍ल थु छ्‌यी पु पुब झ्‍यीन च्‍यङ्‌जो़त् झ्‍यीन दो़च्‍च्‍यीत्।

हीब्रु 5:7

ॱनी खोङ् हीदु कोलीमील कीन यो़प्‍पे यङ्‌ल ॱस्‍यीये लक्‍नी छ्‌यी छुगेन् को़न्‍ज्‍योक्‍ल खोङ्‌गी ङी़गेत् थोन ॱमीक्‍च्‍यु तोङ्‌गीन् तोङ्‌गीन् ॱसुव तप्‍न स्‍युदेन् ज्‍यब बेत्। को़न्‍ज्‍योक्‍की ॱवङ्‌गी होक्‍ल गो घुक्‍न युङ्‌नी, खोङ्‌ल लेम्‍बु ॱलोक्‍प बेत्।