लुका 6:11 - ल्होमी

¹¹ हुनी हुब घयेत् खोङ्‌डोक्‍की मी बर्न, रोरङ्‌सो ॱनम्‍बु ह हज्‍यरङ् हुल घन्‍ड झ्‍यीक्‍केन्? सीन्‍न ढो़ झ्‍यीब बेत्।

लुका 6:11 Iomraidhean Croise

मत्‍ती 16:7

ॱनी ॱलोप्‍टुक् दीब रोरङ्‌सो नङ्‌दु खोङ्‌गी हीगो हज्‍यरङ्‌ल ढोप्‍ची ॱमत् खुरे ढीक्‍ल सीक्‍केन् हीम्‍ब न घन्‍ड ब अक्? झ्‍यीब बेत्।

मत्‍ती 21:45

ॱनी येशुगी ॱस्‍येप्‍पे ॱलीङ्‌दम्‍गी केच्‍च्‍य घयेत् हीगो उन यो़क्‍केन् छ्‌यो़प्‍पो़न् चो छ्‌यीया धङ् फरीसी घयेक्‍की रोरङ्‌सो़ ढीक्‍ल ॱस्‍येच्‍च्‍युङ् ॱनो़ब ॱह घोव बेत्।

लुका 4:28

ॱनी हीगो घोनी, छोगङ्‌न यो़प्‍पे मी घयेत् दी खोङ्‌डोक्‍की मी बर बेत्।

लुका 6:10

खोङ्‌गी हुबल फोरी तेब बेत्। हुनी हुगी लक्‍प ॱस्‍योर्नर दील रङ्‌गी लक्‍प दी च्‍योङ् झ्‍यीब बेत्। हुनी हुगी लक्‍प दी च्‍यङ्‌नी, ॱस्‍युम् थोगी ढक्‍नर बेत्।

लुका 6:12

हुनी ङीन् च्‍यीक् येशु लदोक् च्‍यीक्‍ल जेन हुदु छेङ्‌गङ् को़न्‍ज्‍योक्‍ल ॱसुव तोप्‍कीन् देप्‍प बेत्।

युहन्‍ना 11:47

हीगो ॱस्‍येत्‍नी, फरीसी घयेत् धङ् छ्‌यो़प्‍पो़न् चो छ्‌यीया घयेत् ॱयप्‍न छ्‌यो़गी छोक्‍तेन् छ्‌यीम्‍मु छुन, हुबे हीन्‍दुक् झ्‍यीबे ढो़ झ्‍यीब बेत्। हज्‍यरङ् ह घन्‍ड झ्‍यीक्‍केन्? हुगी मी हुगी ॱनी यीक् छ्‌यीम्‍मी़ लेगी ता गज्‍येन् तो़ङ्‌गुक्।

युहन्‍ना 7:1

हीनी येशु गालीलागी लुङ्‌बे नङ्‌दुरङ् गीर्न देप्‍प बेत्। यहुदीयागी नङ्‌ल यहुदी छ्‌यीया घयेक्‍की येशु ॱसो़च्‍च्‍येल ॱयेङ्‌गेन् झ्‍यीनी, खोङ् हुदु डोगीन् ॱमत् थेप्‍प बेत्।

ठीक्‍नल 26:11

यहुदीगी छ्‌यो़गी छोगङ् घयेत्‍ल अक् छीगङ् फीन्‍न हुब घयेत्‍ल ङे ठीम् तङेन्। हुब घयेत्‍ल खेरक् तङ्‌न रोरङ्‌सो़ छ्‌य स्‍यक्‍पे लम् दील ॱमो़म्‍बी़त् तोङ्‌गेल्‍ल सो छुब झ्‍यीबेन्। खोङ्‌डोक्‍की गन्‍दीक्‍म मी बर्न, ङ ज्‍येङ्‌गम्‍गी लुङ्‌बे सार् घयेत्‍ल अक् गीर्न दुक्‍प अयेक्‍प तोङ्‌दु फीम्‍बेन्।

ठीक्‍नल 4:15

हुनी पत्रुस् धङ् युहन्‍ना हुगी छ्‌यो़गी छोक्‍तेन् छ्‌यीम्‍मु दीनी छ्‌यील तङ्‌न हुगी मी घयेत् दी रोरङ्‌सो छ्‌युवक्‍रङ् हीन्‍दुक् सीन्‍न ढो़ झ्‍यीब बेत्।

ठीक्‍नल 4:19

ॱनी पत्रुस् धङ् युहन्‍नागी लेम्‍बुल ङीत् खीक्‍की खल नेन्‍ज्‍ये न को़न्‍ज्‍योक्‍की खल नेन्‍ज्‍ये? को़न्‍ज्‍योक्‍की ढुङ्‌दु घङ्‌गो दीम्‍बा युङेक्‍क? हीगो खीत्‍रङ्‌गी ॱयुव पीक्।

ठीक्‍नल 5:33

हीगो ॱह घोनी, छ्‌यो़गी छोक्‍तेन् छ्‌यीम्‍मी़ सदस्‍यीय घयेत् दी खोङ्‌डोक्‍की म दीरङ् झ्‍येत्‍ङे दीरङ् ज्‍युर्न ठीक्‍नल दीब ॱसो़क्‍कीन् थेस्‍सी झ्‍युङ बेत्।

ठीक्‍नल 7:54

हीगो ॱह घोनी, हुगी छोक्‍तेन् छ्‌यीम्‍मी़ मी घयेत् दी खोङ्‌डोक्‍की मी बर्न स्‍यीदङ्‌गी ॱसो दर बेत्।

२ तीमोथी 3:9

हुबे ले हुगो धोबा च्‍यीक्‍नी ये डोगेन् बेत्। घन्‍ड हीन् सीन्‍न यान्‍नेस् धङ् याम्‍ब्रेस्‍ल झ्‍युङ डस्‍सी हुबे घुलोक्‍पे ले हुगो मी कुरीक्‍की ठस्‍सली थोङ्‌गेन् बेत्।