लुका 5:22 - ल्होमी

²² ॱनी हुबे ॱसम्‍ल ॱनो़बे केच्‍च्‍य दी येशुगी जेङ् ॱह घोनी खोङ्‌गी हुबल खीक्‍की घन्‍डल नुक्‍मे ॱनोक्‍सम् तोङ्‌गेन्।

लुका 5:22 Iomraidhean Croise

मत्‍ती 12:15

ॱनी हुगी ढो़ दी येशुगी ॱह घोनी खोङ् ॱयोङ्‌ल झ्‍यो़न्‍नर बेत्। ॱनी खोङ्‌गी तीङ्‌ल मी गज्‍येन् तीङ् दीत्‍न युङ्‌नी, हुबे घुङ्‌न यो़प्‍पे नेप्‍प घयेत् दी खोङ्‌गी कुरीक् ढक्‍तु ची़प्‍प बेत्।

मत्‍ती 12:25

हुबे ॱनो़बे केच्‍च्‍य हुगो येशुगी ॱह घोनी हुनी खोङ्‌गी हुबल ज्‍यागक् घङ्‌गोल अक् नङ्‌दु मत् डीक्‍प, गो ॱङील भीन ॱनी, हुगो रुम्‍न मीत्‍तल डोगेन् बेत्। सार् हीन्, ढोङ्‌ब हीन्‍न अक्, हुगो नङ्‌दु मत् डीक्‍प, गो ॱङील भीन ॱनी, हुगो घन्‍दुक् झ्‍यीन ॱने छुगेन्।

मत्‍ती 9:4

ॱनी हुबे ॱसम्‍ल दी येशुगी ॱह घोनी, खोङ्‌गी हुबल खीक्‍की घन्‍डल नुक्‍मे ॱनोक्‍सम् अयेक्‍प तोङ्‌गेन्।

मर्कुस् 8:17

ॱनी हीगो येशुगी ॱह घोनी खोङ्‌गी हुबल खीत् घन्‍डल ढोप्‍ची मीप्‍पे ढीक्‍ल केच्‍च्‍य लप्‍को़प्‍प? हुन्‍दो ओक् खीक्‍की ॱह मीत् घोयेक्‍क? खीत्‍ल धो़ल्‍ल ङामोङ? हुन्‍दो थुक्‍ल खीत्‍रङ्‌गी ॱसीम् दी मत् भीय हीङ्‌गो़प्‍पेत्।

लुका 24:38

हीगोल खोङ्‌गी खीत् घन्‍डल ज्‍यीक्‍टक् लङ्‌गुक्‍क। घन्‍डल मेन्‍डो ॱनो़ब खुर्केन्।

लुका 5:21

ॱनी हीगो हुगी चयेलम धङ् फरीसी दीबे घोनी हुबे ॱसीम्‍ल हीगी मी हीगी रोरङ् घन्‍ड हीन् ॱनो़ब ॱसम्‍गो़प्‍प ब अक्? हीगी केच्‍च्‍य हीगो को़न्‍ज्‍योक्‍ल ॱमो़म्‍बी़त् तोङ्‌गेङ्‌गी केच्‍च्‍यल डोगेन् बेत्। दीक्‍प धक्‍तु ची़त् छुगेन् को़न्‍ज्‍योक् मेन्‍द, ॱयोङ् ॱसु दी यो़प्‍प बेक्‍क? ॱनो़बे ॱसम्‍ल खुर बेत्।

लुका 5:23

रङ्‌गी दीक्‍प धक्‍सोङ् सीर धङ् घोङ्‌रीयल लोङ्‌ल छ्‌यम् सीर हीगो घङ्‌गो ले ॱल्‍हा बेक्‍क?

ठीक्‍नल 5:3

ॱनी हननीया दील पत्रुस्‍की घन्‍दुक् झ्‍यीन खोक्‍की ॱसीम् हुगो नुक्‍म शैतान्‍गी लक्‍ल ॱस्‍योर्च्‍युङ। खोक्‍की ॱसरीन् हुनी घन्‍डल फक् पी़त्‍न स्‍यक्‍न धम्‍बे थुल ॱएलम ज्‍यक्‍केन्।

हीब्रु 4:12

को़न्‍ज्‍योक्‍की ॱसुङ्‌रप् ॱसोम्‍बु धङ् ॱस्‍यीक् छ्‌यीम्‍मु यो़क्‍केन् बेत्। हुगो ढी पदङ् ख ॱङी च्‍येम्‍म कङ् धङ् छीमीक्‍ल ते छ्‌यो़क्‍केल्‍ले एक् ॱनोया झ्‍यीनी, हज्‍यरङ्‌गी ॱसीम्, ॱनो़रीक्, ॱनोक्‍सम् धङ् धेत्‍मो़ घयेत् इप्‍स्‍येङ् पीक्‍न तगेन् बेत्।

ॱसाल्‍केत् 2:23

ॱनी हुगी भी़मीक् हुगी खल नेङ्‌गेन् हुगी भीज डस्‍सी झ्‍यीब घयेत् दी ॱसो़क्‍केन्। हुनी क ङे मी घयेक्‍की ॱसीम्‍बे यीक्‍की ॱनोक्‍सम् घयेत्‍ल तेन जेङ् ॱह घोगुक् ॱनो़ब धङ् खीत्‍रङ् रीदङ् रीगी लेगी लेन् च्‍यो़गुक् ॱनो़ब छ्‌यो़ छो घयेत्‍ल ॱस्‍यो़च्‍च्‍ये युङ्‌गेन् बेत्।