लुका 4:40 - ल्होमी

⁴⁰ ॱनी गोङ्‌ज्‍यो दी येशु च्‍येल्‍ल नज ॱनजो गुजो च्‍येम्‍मे नेप्‍प गज्‍येन् ठीक्‍न युङ बेत्। ॱनी खोङ्‌गी हुब रीदङ् रील छ्‌यक्‍वङ् केन कुरीक् ढक्‍तु ची़प्‍प बेत्।

लुका 4:40 Iomraidhean Croise

मत्‍ती 11:5

स्‍यरीय घयेत् थोङ्‌गेल्‍ल सोगुक्। घोङ्‌रीय घयेत् लोङ्‌न छ्‌यम्‍गुक्। जीस्‍सो़ घयेत् ढक्‍न चङ्‌मल सोगुक्। ओ़न्‍ज्‍यङ घयेक्‍की घो डोगुक्। ॱस्‍यीनर घयेत् ॱसोम्‍बुल ॱलोङ्‌गुक्। मी दुक्‍च्‍या घयेत्‍ल केच्‍च्‍य ॱनेम्‍बु ॱस्‍यो़क्‍कुक्।

मत्‍ती 14:13

ॱनी हीगी केच्‍च्‍य हीगो येशुगी घोनी खोङ् ढुल स्‍युन ॱयोङ्‌ल मी मीस्‍से ॱसने च्‍यीक्‍ल फीम्‍ब बेत्। हुनी खोङ् ढुल स्‍युन डोव दी मी घयेत् दीगी ॱह घोनी सार् ख ख ॱसोस्‍सोनी मी गज्‍येन् खोङ्‌गी तीङ्‌ल तीङ् दीत्‍न छो़ छीगनी छुल्‍ल कङ्‌दङ् कोर्न युङ बेत्।

मर्कुस् 3:10

घन्‍ड हीन् सीन्‍न खोङ्‌गी नेप्‍प गज्‍येन् ढक्‍तु ची़त्‍नी ॱनी, हुनी नज यो़प्‍प च्‍येम्‍म घयेत् कुरीक् खोङ्‌ल रेक्‍तु सीन्‍न रुप्‍न युङ बेत्।

मर्कुस् 5:23

हीन्‍दुक् झ्‍यीब बेत्। ङे झ्‍यम्‍बे भुमु दी ॱस्‍यीज्‍येम ॱयेङ्‌न यो़त्। नीज्‍यरङ् झ्‍यो़न्‍न ङे भुमु हुल छ्‌यक्‍वङ् केन ढक्‍तु ची़त्‍न ॱसो़दु ची़त्‍रो झ्‍यी सीन्‍न स्‍युव पुब बेत्।

मर्कुस् 6:5

खोङ्‌गी हुदु नेप्‍प यरी यरीलरङ् छ्‌यक्‍वङ् केन ढक्‍तु ची़प्‍प बेत्। ॱनी ॱस्‍यीक् छ्‌यीम्‍मी़ ले ॱयोङ्‌म झ्‍यीत् ॱमत् छुब बेत्।

ठीक्‍नल 19:12

पावल्‍की रुमल् हीन्, ली़गी घो़ हीन्‍न अक्, हुगो मी ॱयोङ्‌म घयेक्‍की लीन्‍न नेप्‍प घयेत्‍ल रेक्‍तु ची़त्‍नी, नज ढक्‍नर बेत्। ॱनी ॱनो़प्‍प अयेक्‍प स्‍यीन्‍न यो़प्‍प घयेत् एत् थो़न्‍नर बेत्।

ठीक्‍नल 5:15

ॱनी हीन्‍दुक् झ्‍यीब अक् झ्‍युङ बेत्। मी यरीबे नेप्‍प घयेत् यरी पलङ्‌ल धङ् यरी तेन्‍दङ् डक्‍च्‍यक्‍ल खुर्न युङ्‌न, पत्रुस् डोये यङ्‌ल खोङ्‌गी ढीक्‍मक् च्‍यीक् ॱयम्‍ल फोक्‍न आक्, ढक्‍को़ट्‌टो ॱनो़ब ॱसम्‍न नेप्‍प घयेत् ॱसट्‌टक्‍तु च्‍यो़गो़प्‍प बेत्।