लुका 4:1 - ल्होमी

¹ ॱनी हुदु यर्दन् चङ्‌बुदु येशुल धम्‍बे थु स्‍युन घेङ्‌न, हुनी लोक्‍न युङे यङ्‌ल धम्‍बे थुगी खोङ् पक्‍क झ्‍यङ्‌दङ्‌ल डोदु ची़प्‍प बेत्।

लुका 4:1 Iomraidhean Croise

मत्‍ती 3:16

ॱनी हुगी छ्‌यु दीनी येशु लोङ्‌नी, हुनी इगी तेङ् यी़ भीन, इगीनी मल्‍ल को़न्‍ज्‍योक्‍की थु पुक्‍मु डस्‍सील युङ्‌न खोङ्‌ल घप्‍न युङ खोङ्‌गी थोङ बेत्।

लुका 2:27

ॱनी छ्‌यो़डीम्‍गी क ॱङीबु हुगो डुप्‍तु युसुफ् धङ् मरीयम्‍गी येशु खुर्न छ्‌यो़गङ्‌गी च्‍यारीगी नङ्‌ल स्‍युन युङ बेत्। ॱनी हुगी यङ्‌ल धम्‍बे थुगी ज्‍यी़ तो़न्‍नी, शीमीयोन् दी इक् हुदु युङ बेत्।

लुका 3:3

ॱनी युहन्‍नागी यर्दन् चङ्‌बी़ छीग ॱनमुल गीर्न मी घयेत्‍ल दीक्‍प धक्‍च्‍ये यो़प्‍पल खीत्‍रङ् घयेत् ॱएङ्‌गी लम्‍नी ॱसीम् ज्‍युर्ल बप्‍तीस्‍ल स्‍यु सीन्‍न केच्‍च्‍य ॱस्‍येप्‍प बेत्।

लुका 3:38

केनान्‍गी पब एनोश्, एनोश्‍की पब शेत्, शेत्‍की पब आदम्, आदम्‍गी पब को़न्‍ज्‍योक् बेत्।

लुका 4:14

हुनी येशुल धम्‍बे थुगी ॱस्‍यीक् ॱङीत्‍न गालीलाल लोक्‍न युङ बेत्। ॱनी हुदु खोङ्‌गी ढीक्‍की केच्‍च्‍य घल अक् धर्नर बेत्।

लुका 4:18

ङे ज्‍यप्‍ल चोव ज्‍यीन्‍दक्‍की थु यो़त्। मी दुक्‍च्‍या घयेत्‍ल केच्‍च्‍य ॱनेम्‍बु ॱस्‍यो़च्‍च्‍येगी ढीक्‍ल ङे गोल ॱनुम् ॱही़न्‍न को़ज्‍युङ्। चो़ल्‍ल ॱस्‍योर्नर घयेत् तो़न्‍दु धङ् स्‍यर्च्‍योक् घयेत् थोङ्‌गेल्‍ल सोदु धङ् मी होक्‍ल ॱस्‍योर्नर घयेत् तो़न्‍दु

युहन्‍ना 1:32

ॱनी युहन्‍नागी हरुङ् पङ्‌बु झ्‍यीन ॱस्‍यो़क्‍केन् बेत्। इगी तेङ् यी़नी धम्‍बे थु पुक्‍मु डस्‍सील युङ्‌न खोङ्‌ल घप्‍न दो़प्‍प ङे थोङ्‌ज्‍युङ्। हुनी क खोङ् ख्रीष्‍ट् हीम्‍ब दी ङे ॱह घोज्‍युङ्।

युहन्‍ना 3:34

खोङ् म दीरङ् को़न्‍ज्‍योक्‍की तङ्‌न युङ झ्‍यीनी, खोङ्‌गी कङ्‌जु को़न्‍ज्‍योक्‍की ॱसुङ्‌स्‍येत् ॱस्‍यो़क्‍केन् बेत्। ॱनी को़न्‍ज्‍योक्‍की खोङ्‌ल धम्‍बे थु ॱस्‍यर्न छ्‌यक्‍चो़त् झ्‍यीन मेम्‍ब, नुक्‍रङ् ॱनङ्‌गेन् बेत्।

ठीक्‍नल 10:38

नासरत्‍की येशु हुगो को़न्‍ज्‍योक्‍की धम्‍बे थु धङ् ॱस्‍यीक् ॱनङ्‌न को़न तङ बेत्। ॱनी खोङ्‌गी दगुल को़न्‍ज्‍योक् झ्‍यीनी, खोङ्‌गी म दीरङ् गये ले गज्‍येन् झ्‍यीन दी़क्‍की चो हुगी ॱवङ्‌यो़त्‍ल ॱस्‍योर्नर घयेत् ढक्‍तु ची़त्‍न घल अक् गीर बेत्। हीगो ओक् कुरीक् खीत्‍रङ्‌ल ॱस्‍यो़च्‍च्‍ये यो़ट्‌टो।

ठीक्‍नल 8:39

ॱनी छ्‌यु दीनी थो़न्‍न युङ्‌नी, हुनी फीलीप् चोव ज्‍यीन्‍दक्‍की थुगी ॱरीप् घङ्‌ल ॱयोङ्‌ल ठीक्‍नर बेत्। हुनी पेम्‍बु दीगी फीलीप् ॱमत् थोङ बेत्। ॱनी हीन्‍न अक्, रोरङ् गेस झ्‍यीक्‍कील्‍ल लम् स्‍युन फीम्‍ब बेत्।