लुका 3:3 - ल्होमी

³ ॱनी युहन्‍नागी यर्दन् चङ्‌बी़ छीग ॱनमुल गीर्न मी घयेत्‍ल दीक्‍प धक्‍च्‍ये यो़प्‍पल खीत्‍रङ् घयेत् ॱएङ्‌गी लम्‍नी ॱसीम् ज्‍युर्ल बप्‍तीस्‍ल स्‍यु सीन्‍न केच्‍च्‍य ॱस्‍येप्‍प बेत्।

लुका 3:3 Iomraidhean Croise

मत्‍ती 3:11

ङे त खीत्‍रङ् ॱएङ्‌गी लम्‍नी ॱसीम् ज्‍युर्न युङ घयेत् छ्‌यी़ बप्‍तीस्‍लरङ् क ॱलुक्‍को़त्। ॱनी ङे तीङ्‌ल ङले गज्‍येङ्‌गी ज्‍यीक्‍पा च्‍यीक् युङ्‌गेन् बेत्। ॱनी ङ खोङ्‌गी जुत्‍त खुर्केन्‍जो़त्‍ल आक् ॱमीत् ॱनेब यो़त्। ॱनी खोङ्‌गी क खीत्‍रङ् घयेत् धम्‍बे थु धङ् मी बरे बप्‍तीस्‍ल ॱलुक्‍केन् बेत्।

लुका 1:16

हुगी इस्राएल्‍की मी गज्‍येन् रोरङ्‌सो़ चोव ज्‍यीन्‍दक् को़न्‍ज्‍योक् छ्‌योल लोक्‍तु ची़क्‍केन् बेत्।

लुका 1:77

ॱनी खोङ्‌गी मीस्‍सीर् घयेत्‍ल छी थर्व दी दीक्‍प धक्‍पे लम्‍नी युङ्‌गेन् हीम्‍ब रङ्‌गी ॱस्‍यो़क्‍केन् बेत्।

लुका 4:1

ॱनी हुदु यर्दन् चङ्‌बुदु येशुल धम्‍बे थु स्‍युन घेङ्‌न, हुनी लोक्‍न युङे यङ्‌ल धम्‍बे थुगी खोङ् पक्‍क झ्‍यङ्‌दङ्‌ल डोदु ची़प्‍प बेत्।

युहन्‍ना 1:28

हीगी केच्‍च्‍य हीगो यर्दन् चङ्‌बी़ पारी बेथानीदु युहन्‍नागी मी घयेत् बप्‍तीस्‍ल ॱलुक्‍पे धी़गी यङ्‌ल झ्‍युङ बेत्।

युहन्‍ना 3:26

हुनी ॱलोप्‍टुक् दीब युहन्‍ना च्‍येल्‍ल युङ्‌न खोङ्‌ल रब्‍बी, नीज्‍यरङ्‌गी खच्‍चङ् यर्दन् चङ्‌बी़ पारीदु हज्‍यरङ् च्‍येल्‍ल युङे नीज्‍यरङ्‌गी ङीत्‍ल केच्‍च्‍य ॱस्‍येप्‍पे मी दीगी हुन्‍दो पीगीन बप्‍तीस्‍ल ॱलुक्‍कुक्। ॱनी मी घयेत् कुरीक् हुगो च्‍येल्‍ल टप् डोगुक् झ्‍यीब बेत्।

ठीक्‍नल 13:24

ॱनी खोङ्‌ले एल्‍ला युहन्‍ना थो़न्‍न इस्राएली घयेत्‍ल खीत्‍रङ् घयेत् ॱएङ्‌गी लम्‍नी ॱसीम् ज्‍युर्न छ्‌यी़ बप्‍तीस्‍ल स्‍यु सीन्‍न ॱस्‍येप्‍प बेत्।

ठीक्‍नल 19:4

ॱनी पावल्‍की यङ् हुबल युहन्‍नागी बप्‍तीस्‍ल स्‍युब हुगो ॱएङ्‌गी लम्‍नी ॱसीम्‍ब ज्‍युरे ढीक्‍लरङ् बेत्। युहन्‍नागी रोरङ्‌गी तीङ्‌ल थो़न्‍न युङ्‌गेन् दील छ्‌य स्‍योक् गोगेन् बेत् सीन्‍न मी कुरीक्‍ल ॱस्‍येत्‍न युङ बेत्। ॱनी हुगो दी क हस्‍सो़त् येशु बेत् सीन्‍न ॱस्‍येप्‍प बेत्।

ठीक्‍नल 22:16

ह घन्‍डल थोब यो़प्‍प। लोङ्‌ल खोङ्‌गी छेन् डेन् ज्‍योप्। हुनी बप्‍तीस्‍ल स्‍यु। हुनी रङ्‌गी दीक्‍प धक्‍केन् बेत् सीन्‍न ॱस्‍येच्‍च्‍युङ्।