लुका 23:41 - ल्होमी

⁴¹ ॱनी हज्‍यरङ् ॱङीबुल त हज्‍यरङ्‌गी घङ् झ्‍यीबे लेगी लेल्‍ल छ्‌येप्‍प फोक्‍न यो़क्‍केन् बेत्। ॱनी हीगी मी हीगी घन्‍डे ङीब दी झ्‍यीदुक् सीक्‍केन्? सीन्‍न झ्‍यीब बेत्।

लुका 23:41 Iomraidhean Croise

मत्‍ती 27:19

पीलातस् पो़न् स्‍युडील देत्‍न यो़प्‍पे यङ्‌ल रोरङ्‌गी नङ्‌जङ् दीगी केच्‍च्‍य च्‍यीक् तङ्‌न युङ बेत्। हुगी केच्‍च्‍य दील हुगी मी ढङ्‌बु हुल घन्‍ड अक् मत् झ्‍यीत्। हरीङ् ङे ॱङीनम्‍ल हुगी मी हुगी ढीक्‍ल दो़न्‍दो़त् ॱसीम्‍दुक् गुरेन् सीन्‍न तङ बेत्।

मत्‍ती 27:24

हुन्‍दुक् झ्‍यीन ॱस खो़न युङ थोङ्‌नी पीलातस्‍की ॱसीम्‍ल घन्‍ड झ्‍यीन अक्, मीत् युङेत् ॱनो़ब झ्‍युङ्‌न, मी कुरीक्‍की दोङ्‌दु रोरङ्‌गी लक्‍प दी टी़न मी घयेत् दील हीगी मी हीगी ठक्‍की तुङ ङल ॱमीत् तोङ यो़त्। खीत्‍रङ् घन्‍ड झ्‍यीन अक्, झ्‍यी झ्‍यीब बेत्।

मत्‍ती 27:4

हुबल हीन्‍दुक् सीन्‍न झ्‍यीब बेत्। ङीबे ज्‍यी़त् मीप्‍पे मी ङे डलक्‍ल तङ्‌न ॱसो़त्‍तु ची़क्‍केङ्‌गी दीक्‍प ङे झ्‍यीबेन् झ्‍यीब बेत्। ॱनी हील हुबे ङीत् घन्‍ड दी, रङ्‌गी लेल झ्‍यीब बेत्।

मत्‍ती 27:54

ॱनी उन येशु ॱरुङ्‌गेन् ॱमक्‍पो़न् दी धङ् हुगी होक्‍की गोराब दीबे ॱसेर ज्‍यक्‍प धङ् हुदु घङ् झ्‍युङ दी थोङ्‌नी गन्‍दीक्‍म ज्‍यीबे, हुबे हीगी मी हीगो गन्‍दीय को़न्‍ज्‍योक्‍की ॱरेबु दीरङ् हीङ्‌गो़प्‍पेत् सीन्‍न झ्‍यीब बेत्।

लुका 23:40

ॱनी हीगोल नक्‍पो़न् च्‍यीक्‍पु दीगी खो़त् को़न्‍ज्‍योक्‍ल आक् ज्‍यीब मीत् झ्‍यीक्‍केन्? रङ्‌ल अक् त छ्‌येप्‍प च्‍यीक्‍प फोक्‍न यो़क्‍केन् बेत्।

लुका 23:42

हुनी हुगी येशुल व येशु, नीज्‍यरङ्‌ल नीज्‍यरङ्‌गी ज्‍यागक् च्‍योङ्‌ज्‍येमे ॱवङ् दी झ्‍युङ्‌न स्‍युबे यङ्‌ल ङ मत् ज्‍यीब, ढेन्‍सो़ झ्‍यीत्‍रो झ्‍यी सीन्‍न झ्‍यीब बेत्।

१ थीस्‍सलोनीका 2:10

खीत्‍रङ् छ्‌य स्‍योक्‍केन् घयेक्‍की घुङ्‌दु ङीक्‍की ॱसीम् चङ्‌म खुर्न ङीबे ज्‍यी़त् घन्‍ड अक् मत् झ्‍यीब, ढङ्‌बु झ्‍यीन देप्‍पेन्। हील खीत्‍रङ् धङ् को़न्‍ज्‍योक् पङ्‌बु यो़क्‍केन् बेत्।

याकुब् 4:7

हुगो झ्‍यीनी खीत्‍रङ् को़न्‍ज्‍योक्‍की ॱवङ्‌गी होक्‍ल दो़च्‍च्‍यीत्। ॱनी दी़क्‍की चो हुल ड झ्‍यीन थुक्‍च्‍यीत्। हुनी हुगो खीत्‍रङ् च्‍यानी ढो़ डोगेन् बेत्।

१ पत्रुस् 2:23

खोङ्‌ल ॱमो़म्‍बी़त् तोङ्‌गेल्‍ल खोङ्‌गी ङेल्‍लेन् ॱमत् ॱलोक्‍प बेत्। खोङ्‌ल दुक्‍स्‍यी तोङ्‌गेन् घयेत्‍ल खोङ्‌गी तच्‍च्‍यीक् सीन्‍न ङेङ्‌गु मत् स्‍यक्‍प, ठीम् ढङ्‌बु च्‍यो़क्‍केन् को़न्‍ज्‍योक्‍की छ्‌यक्‍ल च्‍योन स्‍यक्‍प बेत्।