लुका 23:4 - ल्होमी

⁴ हुनी पीलातस्‍की छ्‌यो़प्‍पो़न् चो छ्‌यीया घयेत् धङ् मी घयेत् दील हीगी मी हील ङीब च्‍यो़न् घन्‍ड अक् मीन्‍दुक् झ्‍यीब बेत्।

लुका 23:4 Iomraidhean Croise

मत्‍ती 27:19

पीलातस् पो़न् स्‍युडील देत्‍न यो़प्‍पे यङ्‌ल रोरङ्‌गी नङ्‌जङ् दीगी केच्‍च्‍य च्‍यीक् तङ्‌न युङ बेत्। हुगी केच्‍च्‍य दील हुगी मी ढङ्‌बु हुल घन्‍ड अक् मत् झ्‍यीत्। हरीङ् ङे ॱङीनम्‍ल हुगी मी हुगी ढीक्‍ल दो़न्‍दो़त् ॱसीम्‍दुक् गुरेन् सीन्‍न तङ बेत्।

मर्कुस् 15:14

ॱनी पीलातस्‍की हुब घयेत्‍ल घन्‍डल ॱसो़त् सीक्‍केन्? हीगी घन्‍डे ङीब झ्‍यीदुक् सीक्‍केन्? सीन्‍न ढीब बेत्। हुनी हुगी मी घयेत् दीगी हरुङ् केत् छ्‌यीदु तो़न्‍न हीगो कुरुस्‍ल तान ॱसो़त्‍रो झ्‍यी झ्‍यीब बेत्।

लुका 23:22

ॱनी पीलातस्‍की हीगोदङ् लेम्‍म ॱसुम् मी घयेत् दील तम् ॱस्‍येप्‍प बेत्। घन्‍डल ॱसो़त् सीक्‍केन्? हीगी घन्‍डे ङीब झ्‍यीदुक्‍क? हीगो ॱसो़त् गोगेङ्‌गी छ्‌येप्‍परङ् फोक्‍पे ङीब ङे घन्‍ड अक् थोङ्‌मोङ्। हील डेङ्‌ज्‍यक् बेन्‍दु ची़त्‍न हुनी तोङ्‌गेन् सीन्‍न ॱस्‍येप्‍प बेत्।

युहन्‍ना 18:38

ॱनी पीलातस्‍की खोङ्‌ल दीम्‍ब सीक्‍केन् घन्‍ड हीन्, घन्‍ड हीन्? सीन्‍न झ्‍यीब बेत्। हुनी पीलातस् छ्‌यील थो़न्‍न फीन्‍न यहुदी घयेत् दील ङे ॱनी हुल घन्‍डे ङीब अक् थोङ्‌मोङ्।

ठीक्‍नल 25:25

ॱनी ङे हील ॱसो़च्‍च्‍येमे छ्‌येप्‍परङ् फोक्‍च्‍येमे नक् घन्‍ड अक् थोङ्‌मोङ्। ॱनी हीगी इक् ङे खम्‍ज्‍यु हीगो सीजर् ज्‍याबु च्‍याल पो़न तोङ्‌रो झ्‍यी सीन्‍नी ॱनी, ङे एक् हुदु तोङ्‌ज्‍येलरङ् ठोक्‍क झ्‍यीन स्‍यक्‍पेन्।

ठीक्‍नल 3:13

मेम्‍बेत्। हीगो हज्‍यरङ्‌गी पुबु ॱमुमु अब्राहाम्, इसहाक् धङ् याकुब्‍गी को़न्‍ज्‍योक्‍की खोङ् रोरङ्‌गी ॱयोक्‍पु येशु तो़त्‍वङ् च्‍येम्‍मे ओ़च्‍च्‍यल तो़म्‍ब बेत्। ॱनी येशु हुगो पीलातस्‍की तोङ्‌ज्‍ये ॱनो़ब झ्‍यीन अक्, खीत्‍रङ् घयेक्‍की पीलातस्‍ल मीत् युङेत् सीन्‍न येशु ॱसो़त्‍तु ची़प्‍प बेत्।

हीब्रु 7:26

खोङ् डस्‍सीगी छ्‌यो़प्‍पो़न् चो छ्‌यीस्‍स्‍यो दी क हज्‍यरङ्‌ल गो़ब यो़क्‍केन् बेत्। खोङ् धक्‍पर् च्‍येम्‍म च्‍यत् थीङीय ङीबे जी मीप्‍प, दीक्‍च्‍येन् घयेत्‍तङ् भीन इगी तेङ् यी़ले थोवाल खोङ् तो़त्‍न यो़क्‍केन् बेत्।

१ पत्रुस् 2:22

खोङ्‌गी दीक्‍पे ज्‍यी़त् मत् झ्‍यीब बेत्। खोङ्‌गी खनी ॱएलमे तम् छीक् च्‍यीक् इक् मत् लब बेत्। (यशैया ५३:९)

१ पत्रुस् 3:18

हुगो डस्‍सी ख्रीष्‍ट्‌की इक् दुक्‍स्‍यी गुर्न, हज्‍यरङ् मी घयेक्‍की दीक्‍पे ढीक्‍ल धङ् हज्‍यरङ्‌ल फु काब तोङ्‌ल फेम्‍ब युङे ढीक्‍ल खोङ् लेन् च्‍यीक् ढोङ बेत्। हीगो हज्‍यरङ् को़न्‍ज्‍योक् च्‍याल ठीक् छुज्‍ये यो़प्‍पल खोङ् ढङ्‌बु हीन्‍ज्‍यङ्, हज्‍यरङ् मत् ढङा घयेक्‍की छप्‍पुल ढोङ बेत्। खोङ् ॱस्‍यस्‍सी़ल यो़प्‍पे यङ्‌ल मी घयेक्‍की ॱसेत्‍न आक्, यङ् धम्‍बे थुगी खोङ् ॱसोम्‍बुल ॱलोङ बेत्।