लुका 20:16 - ल्होमी16 ॱसप्तक्प दी युङ्न ॱस सगेन् घयेत् दी ॱसेत्न गोङ्गोङ्गी स्यीङ्ग दी ॱयोङ्म घयेक्की लक्ल टो़क्केन् बेत् सीन्न ॱसुङ बेत्। ॱनी हुगी मी घयेत् दीगी हीगो ॱह घोनी हुबे हीन्दुक् झ्यीबे लेमु झ्युङ्रो मत् झ्यीज्यीत् सीन्न झ्यीब बेत्। Faic an caibideil |
लुका 20:16
24 Iomraidhean Croise
हुनी पावल् धङ् बार्नाबास्की ज्यीक्टक् मीप्प, लेम्बु ॱलोक्न यहुदी घयेत् दील को़न्ज्योक्की केच्च्य हीगो गोम ॱएन्स्युक्ल खीत्रङ् यहुदी घयेत्ल ॱस्यो़त् गो़ ॱस्यर्च्युङ्। ॱनी खीत्रङ्गी हील मेम्बेत् सीन्न फु तक्पे छी थोबल खीत्रङ्गी खीत्रङ् मीत् ओ़बल सो़सोङ्। तेदे, ह ङीत् ॱनी ज्यी़त् ॱयोङ् ॱयोङ्गी मी घयेत्ल ॱस्यो़त्तु डोगेन्।
हुगो ॱस्युली मेम्बेत्। मी घयेत् म दीरङ् कुरीक् ॱएजङ च्यङ्ज्यङ् बेत्। ॱनी हीन्न अक्, को़न्ज्योक् धक्पर् च्येम्म यो़क्केन् बेत्। खोङ् धक्पर् च्येम्म हीम्बे ढीक्ल ॱसुङ्रप्ल नीज्यरङ्गी घङ् ॱसुङ घयेत् धक्पर् युङ्गेन् बेत्। नीज्यरङ्गी ढीक्ल ठीम् च्येत्न ॱनी, नीज्यरङ् धक्पर्ल थो़ङ्गेन् बेत् सीर थो़ङ्गेन् बेत्। (ॱसुङ्रप्की गुल्लु ५१:४)
ॱनी हुगो हीन्न ॱनी, छ्यो़डीम् हुल घन्ड सीक्केन्? हुगो दीक्पल डोगेन् बेक्क ॱनी? ॱस्युली मेम्बेत्। छ्यो़डीम् मीत्न ॱनी, दीक्प दी घङ्गो हीम्ब हुगो ङे ॱयुव पीक् दीरङ् ॱमीत् ॱस्यीगेन् बेत्। छ्यो़डीम्गी ङल ॱमीक् छक्प मत् झ्यीज्यीत् सीन्न ॱमत् ॱस्येत्न ॱनी, ङे हुगो घन्दुक् झ्यीन दीक्प हीम्ब ॱह घो छुगेन्? (थो़म्ब २०:१७)
ॱनी ङे तम्दो़त् दी हज्यरङ्गी चोव ज्यीन्दक् येशु ख्रीष्ट् कुरुस्तु ढोङे ढीक्की केच्च्ये ढीक्ल मेन्द, ॱयोङ् घन्डे ढीक्ल अक् मीत्। खोङ् कुरुस्तु ढोङे लेगी ङ ङो़नी जम्बुलीङ्गी ढङ् घयेत् कुरुस्ल ता छरदङ् छ्येत्मीत् बेत्। ॱनी जम्बुलीङ् ङो़नी यङ् ङ कुरुस्ल ता छरदङ् छ्येत्मीत् यो़त्।
Sanasan