लुका 19:8 - ल्होमी

⁸ हुनी जखायस् लोङ्‌न चोव ज्‍यीन्‍दक्‍ल हीन्‍दुक् झ्‍यीब बेत्। चोव ज्‍यीन्‍दक् ङल घङ् यो़प्‍पे नोर् घयेत्‍नी छ्‌यीक्‍क टङ्‌बु घयेत्‍ल गो़न तीक्‍केन्। ङे मी ॱसु ॱसी़ च्‍यानी गोप्‍नोक् तङ्‌न घन्‍ड लीन्‍न यो़दङ् हुल स्‍यीगोर् ॱल्‍हक्‍मु ॱलोक्‍न टो़क्‍केन् सीन्‍न झ्‍यीब बेत्।

लुका 19:8 Iomraidhean Croise

लुका 11:41

ॱअल खीत्‍रङ्‌गी फोप्‍पे नङ्‌ल यो़प्‍प घयेत् दी तो़न्‍न टङ्‌बु घयेत्‍ल हीन्‍दुक्‍रङ्‌ल टो़त्। हीनी क खीत्‍रङ् छ्‌यी धङ् नङ् चङ्‌बोक्‍म हीम्‍बल युङ् छुगेन् बेत्।

लुका 12:33

खीत्‍रङ्‌गी नोर् घयेत् दी चोङ्‌न टङ्‌बु घयेत्‍ल ॱङीङ् छय झ्‍यीन बीन्‍ज्‍यीत्। तोङ्‌ब मीत् लेगेङ्‌गी ज्‍यगुक्, मीत् सेक्‍केङ्‌गी तीर्कदङ् छ्‌येत्‍मीत् युङ्‌गेङ्‌गी नोर् इगी तेङ् यी़दु ॱसोज्‍यीत्। इगीदु की़न्‍नक्‍प ॱस्‍योरे टो मीप्‍प बेत्। मुक्‍प छ्‌येप्‍पे टो मीप्‍प बेत्।

लुका 16:9

ङे खीत्‍रङ्‌ल ॱस्‍येत् योङ्। खीत्‍रङ्‌गी जम्‍बुलीङ्‌गी ढङ्‌ज्‍ये मीप्‍पे नोर्की लम्‍नी खीत्‍रङ्‌ल दगु घयेत् सो़ज्‍यीत्। हुनी नोर् घयेत् दी सेप्‍पे ॱङेस्‍स्‍यो खीत्‍रङ्‌ल हुबे धी़ ज्‍यी़न्‍दु दो़क्‍केङ्‌गी खीम्‍ल ॱनेजङ् ॱयोर्केन् बेत्।

लुका 19:7

ॱनी उन यो़प्‍पे मी घयेत् दीगी हुगो थोङ्‌नी, हुल हुब मक्‍का लङ बेत्। हुबे खोङ्‌जो घन्‍दुक्‍म बेक्‍क? दीक्‍च्‍येङ्‌गी खीम्‍ल आक् दो़त्‍तु डोगुक् न झ्‍यीब बेत्।

लुका 7:13

ॱनी चोव ज्‍यीन्‍दक्‍ल हुगी आम दी ठेत्‍नी, ॱङीङ् छये, खोङ्‌गी हुल मत् ङु झ्‍यीब बेत्।

लुका 7:19

खीत्‍रङ् चोव ज्‍यीन्‍दक् च्‍याल ज्‍युक्‍ल खोङ्‌ल तीङ्‌ला झ्‍यो़ङ्‌गेन् बेत् सीक्‍केन् दी नीज्‍यरङ्‌रङ् हीम्‍ब न, न ङीत् ॱयोङ्‌ल गुक् गोगेन् बेक्‍क? सीन्‍न ढीलेत् सीन्‍न तङ बेत्।