लुका 19:21 - ल्होमी

²¹ नीज्‍यरङ् चुप्‍पोक्‍म यो़क्‍केन् झ्‍यीनी, ङ ज्‍यीज्‍युङ्। नीज्‍यरङ्‌गी घन्‍ड अक् झ्‍यीन स्‍यक्‍पे ॱलम् मीप्‍पे हुगो खुर्लेत् सीक्‍केन् बेत्। ॱसो़न्‍दोक् च्‍यीक् इक् ॱमत् तबे तो़न्‍दोक् लीन्‍दु युङ्‌गेन् बेत् झ्‍यीब बेत्।

लुका 19:21 Iomraidhean Croise

लुका 19:20

हुनी ॱयोक्‍पु ॱयोङ्‌म च्‍यीक् युङ्‌न हुगी खोङ्‌ल ज्‍यीन्‍दक् ॱय हीन नीज्‍यरङ्‌गी टङ्‌ग दी। हीगो ङे घुलक्‍की तुम्‍न स्‍यक्‍पेन्।

लुका 19:22

ॱनी हुल खोङ्‌गी रङ्‌गी तम्‍गी झ्‍यीत् झ्‍यीक्‍की रङ्‌ल छ्‌येप्‍प को़गेन्। रङ् दी़त्‍ङेङ्‌गी ॱयोक्‍पु च्‍यीक् दुक्। ङ चुप्‍पोक्‍म घन्‍ड अक् झ्‍यीन स्‍यक्‍पे ॱलम् मीप्‍पे हुगो खुर्लेत् सीक्‍केन् धङ् ॱसो़न्‍दोक् च्‍यीक् इक् ॱमत् तबे तो़न्‍दोक् लीन्‍दु युङ्‌गेन् हीम्‍ब रङ्‌ल ॱस्‍यो़च्‍च्‍ये दुक् न ॱनी।

रोमी 8:15

खीत्‍रङ्‌ल धम्‍बे थु थोब हुगो रङ्‌मो़ मीप्‍पे ॱयोक्‍पु रोरङ्‌गी दक्‍पुल ज्‍यीब लङे लेमु डस्‍सी मेम्‍ब, खीत्‍रङ् को़न्‍ज्‍योक्‍की भीजल युङ्‌ज्‍येल बेत्। हुगो झ्‍यीनी धम्‍बे थुगी लम्‍नी हज्‍यरङ्‌गी को़न्‍ज्‍योक्‍ल ॱवे अब्‍बा सीन्‍न पब सीर् छुगेन् बेत्।

रोमी 8:7

कोलीमी रोरङ् रङ्‌स्‍यीगी ॱसीम् ङो़ल तोङ्‌गेन् हुगो को़न्‍ज्‍योक्‍की डल डोगेन् बेत्। हुगो को़न्‍ज्‍योक्‍की छ्‌यो़डीम्‍गी ॱवङ्‌गी होक्‍ल मीत् दो़क्‍केन् बेत्। म दीरङ् दो़त् ॱमीत् छुगेन् बेत्।

२ तीमोथी 1:7

घन्‍ड हीन् सीन्‍न को़न्‍ज्‍योक्‍की हज्‍यरङ्‌ल धम्‍बे थु ॱनङे धो़न् दी ॱङीङ् च्‍युङेत्‍मु युङ्‌ज्‍येल मेम्‍ब, ॱलोप्‍स्‍यीक् ॱङीच्‍च्‍येल, झ्‍यम्‍ब धङ् ॱसीम् खेजो़त् च्‍यङ्‌जो़त् झ्‍यीन युङ् छुबे ढीक्‍ल सीन्‍न ॱनङ बेत्।

याकुब् 2:10

घन्‍ड हीन् सीन्‍न मी ॱसी़ क च्‍यीक् पी़प्‍पे ॱयोङ्‌मा कुरीक्‍ल चीन युङ्‌न अक्, हुगी क च्‍यीक् ॱमत् चीय दीगी क कुरीक्‍ल ङीबल डोगेन् बेत्।

१ युहन्‍ना 4:18

हज्‍यरङ्‌गी ॱसीम्‍ल झ्‍यम्‍ब यो़त्‍न ॱनी, ज्‍यी मीत् गो़गेन् बेत्। झ्‍यम्‍ब दी छङ्‌देन् झ्‍युङ्‌न ॱनी, ज्‍यीब म दीरङ् ये डोगेन् बेत्। ॱनी ज्‍यीब झ्‍यीक्‍केङ्‌गी मी छ्‌येप्‍प के योङ् ॱनो़गेन् बेत्। हुन्‍दुक् झ्‍यीबल झ्‍यम्‍ब छङ्‌देन् मत् झ्‍युङ बेत्।