9 मी यरीगी रोरङ् को़न्ज्योक्की मी ढङ्बु हीन् ॱनो़ब ॱसम्न ॱयोङ्ल यङ् गज्ये मीप्प छोर्केन् घयेत्ल खोङ्गी हीन्दुक् सीन्न केच्च्य च्यीक् ॱसुङ बेत्।
ॱनी हुगी मी दीगी रोरङ् दीम्बा हीम्ब तो़न्ज्येल खोङ्ल यङ् ङे लोल यो़क्केङ्गी मी सीक्केन् दी ॱसुल डोगेन् बेक्क? सीन्न ढीब बेत्।
ॱनी फरीसी घयेत् धङ् छ्यो़डीम्गी चयेलम घयेक्की हुगो थोङ्नी, हुब तव लङ्न खोङ्गी ढीक्ल हीगी मी हीगी दीक्च्येन् घयेत् युङ्दु ची़त्न हुबदङ् सम सगुक् झ्यीब बेत्।
ॱनी खोङ्गी हुबल खीत्रङ्गी मी घयेक्की थोङ्सदु ढङ्बु हीन्दोक्पे छ्यलु ज्येन्न तो़ङ्गेन् बेत्। खीत्रङ्गी ॱसीम्ब दी को़न्ज्योक्की ॱह घोगेन् बेत्। मी घयेक्की थोङ् छ्यीस्स्योल ॱसम्गेन् दील को़न्ज्योक् स्यीलोक्प झ्यीक्केन् बेत्।
ॱनी फरीसी दी टङील देत्न रोरङ्गी ॱसीम्ल हीन्दुक् सीन्न ॱसुव तब बेत्। को़न्ज्योक् नीज्यरङ् ङ ॱनी मी ॱयोङ् डस्सी झ्यक्पा, ठीम्ल ङीगेन्, ॱयोङ्गी नङ्जङ्दङ् ङीगेन्, हीगी गोलदर् हीगो डस्सी ङ मेन्। हीगी ढीक्ल ङ नीज्यरङ्ल थु छ्यी पुगेन्।
ॱनी उन यो़प्पे मी घयेत् दीगी हुगो थोङ्नी, हुल हुब मक्का लङ बेत्। हुबे खोङ्जो घन्दुक्म बेक्क? दीक्च्येङ्गी खीम्ल आक् दो़त्तु डोगुक् न झ्यीब बेत्।
ॱनी हुगी ॱनेजङ फरीसी दीगी हुगो थोङ्नी हुगी ॱसीम्ल हीगी येशु हीगो कलुङ् ॱस्यो़क्केन् खुङ्देन् हीन्न ॱनी, रोरङ्ल सीङ्गेन् भुमु हुगो घन्दुक् झ्यीबे मी दीक्च्येन् बेक्क हुगो ॱह घोयेत् क ॱनी ॱनो़ब छ्यर बेत्।
हुनी हुगी यहुदी छ्यीया दीबे येशुल रङ् सामरीयागी मी रङ्ल ॱनो़प्प अयेक्प स्यीम्ब हीङ्गो़प्पेत्। बेगङ् ॱनी? झ्यीब बेत्।
हुनी हुबे हुल छ्यस्सी़क्की केच्च्यल हुगी ॱलोप्टुक् रङ्रङ् झ्यी। ङीत् मोशागी ॱलोप्टुक् हीन्।
ॱनी हुगी फरीसी दीबे हुल रङ् त कीये यङ्नीरङ् दीक्च्येल्ल हरुङ्द ङीत्ल ॱलोप्केन् सीक्केन्? सीन्न हुबे हुगो छ्यील दीत् तङ बेत्।
ॱनी खोङ्गी ङल रङ् हीनी ॱयोङ्ल डो गोगेन् बेत्। ज्यी़त् ॱयोङ् ॱयोङ्गी मी घयेत्ल तम् ॱस्यो़त्तु थक्रीङ्मुल ते तोङ्गेन् ॱसुङ्ज्युङ्।
को़न्ज्योक्की ॱनम्बर् धक्पल तो़म्बे लेमु हुबे ॱह मीत् घोगेन् बेत्। हुब रोरङ्सो रङ्स्यीगी ॱनम्बर् धक्पल थो़न् छुज्ये ॱनो़ब झ्यीक्केन् बेत्। को़न्ज्योक्की ॱनम्बर् धक्पल तो़म्बे लेमुल हुब घुक्न मत् युङ बेत्।
खोक्की घन्डल रङ्गी पी़न्ज्याल ङीब कोप्केन्? घन्डल आक्तोक्ल तोङ्गेन्? हज्यरङ् कुरीक्ल को़न्ज्योक्की ठीम् च्यो़क्केन् बेत्।
ॱनी समे ढङ् कुरीक् सगेन् दीगी यङ् कुरीक् मीत् सगेन् दी आक्तोक्ल ॱमत् तोङ्ज्यीत्। ॱनी सम कुरीक् मीत् सगेन् दीगी कुरीक् सगेन् दील ङीब ॱमत् कोप्च्यीत्। घन्ड हीन् सीन्न हुगी मी हुगो को़न्ज्योक्की स्यागी स्यीबे मी बेत्।
ङल एल्ला छ्यो़डीम् ॱस्यो़च्च्ये मीप्पे यङ्ल ङ नुक्रङ् यो़त्। ॱनी तीङ्ला छ्यो़डीम्गी क हुगो ॱस्यो़च्च्ये झ्युङ्नी, हुनी ङे दीक्पल उ थोसोङ्।