लुका 18:7 - ल्होमी

⁷ हुगो डस्‍सी को़न्‍ज्‍योक्‍ल ङीन् छेन् मीप्‍प केत् ज्‍यप्‍न डेन् ज्‍यक्‍केन्, खोङ्‌गी दम्‍बे मी घयेक्‍की छ्‌योल ॱसुम्‍ब खोङ् लोङ्‌न ठीम् ढङ्‌बु च्‍येत्‍न ज्‍यलाल तो़ङ्‌गेन् मेम्‍बेक्‍क ॱनी? खोङ् मत् नेम्‍बल घजो़त् च्‍यीक् थुक् स्‍यु छुगेन्?

लुका 18:7 Iomraidhean Croise

मत्‍ती 24:22

हुगी धी़गी ङीमे ढङ्‌ज्‍युक् दी नुङ्‌दु ॱमत् तङ्‌न, कोलीमी ॱसु उक् ॱमीत् ॱसो़गेन् बेत्। ॱनी हुगो म दी को़न्‍ज्‍योक्‍की रोरङ्‌गी दम्‍बे मी घयेक्‍की ढीक्‍ल नुङ्‌दु तोङ्‌गेन् बेत्।

मत्‍ती 24:24

घन्‍ड हीन् सीन्‍न हुगी यङ्‌ल ख्रीष्‍ट् जी़म धङ् कलुङ् जी़म ॱस्‍यो़क्‍केन् गज्‍येन् थो़न्‍न युङ्‌न हुबे यीक् छ्‌यीम्‍मी़ लेगी ता धङ् यम् छेम्‍मे ले गज्‍येन् झ्‍यीन तो़न्‍न दम्‍बे मी घयेत्‍ल अक् ॱयोङ्‌गोर् ज्‍यक् छुब झ्‍यीक्‍केन् बेत्।

मत्‍ती 7:11

खीत्‍रङ् मी ङेम्‍बे त रोरङ्‌गी भीजल गागी ढङ् तीत् ॱस्‍यीगेल्‍ल तेङ् यी़न स्‍युगेन् खीत्‍रङ्‌गी यप्‍ल स्‍युगेल्‍ल ॱसुम्‍ब खोङ्‌गी ॱलो यङ्‌सी झ्‍यीन गागी ढङ् ॱनङ्‌गेन् बेत्।

लुका 11:13

खीत्‍रङ् मी ङेम्‍बे एक् त रोरङ्‌गी भीजल गागी ढङ् तीत् ॱस्‍यीगेल्‍ल तेङ् यी़न स्‍युगेन् खीत्‍रङ्‌गी यप्‍ल लीङ्‌गेल्‍ल ॱसुम्‍ब खोङ्‌गी ॱलो यङ्‌सी झ्‍यीन धम्‍बे थु ॱनङ्‌गेन् बेत्।

लुका 2:37

ॱनी हीगी यङ्‌ल हुगी नेस्‍सो दी मोलो खा स्‍यीदङ् स्‍यी ॱलीब यो़प्‍प बेत्। हुगो म दीरङ् छ्‌यो़गङ्‌नी थो़न् थो़न् मीप्‍प, ॱनुक्‍नेल स्‍युन ङीन् छेन् मीप्‍प हुदु को़न्‍ज्‍योक्‍ल धेप्‍प मो़ब झ्‍यीन ॱसुव तोप्‍कीन् दो़क्‍को़प्‍प बेत्।

लुका 21:28

ॱनी हुन्‍दुक् झ्‍यीबे लेमु घयेत् युङ्‌ज्‍येम ॱयेङे यङ्‌ल खीत्‍रङ् ह हीनी थरे धी़ दी ॱस्‍यच्‍चल ॱलीत् छर बेत् ॱनो़ब ॱसम्‍न खीत्‍रङ् ॱहोक् लोङ्‌न दोङ्‌ब यल्‍ल थोसेङ् झ्‍यीज्‍यीत् सीन्‍न ॱसुङ बेत्।

रोमी 8:33

ॱनम्‍बर् धक्‍पल तो़ङ्‌गेन् दी को़न्‍ज्‍योक् झ्‍यीनी ॱनी, खोङ्‌गी दम्‍बे मी घयेत्‍ल ङीब कोप्‍केन् दी ॱसु दी थो़ङ्‌गेन्?

कलस्‍सी 3:12

खीत्‍रङ् को़न्‍ज्‍योक्‍की दम्‍न चङ्‌मल सो़बे खोङ्‌गी झ्‍यम्‍बे मी झ्‍यीनी, खीत्‍रङ् नङ्‌दु ॱङीङ्‌ज्‍यी, गय, ॱनोम्‍ज्‍युङ्, ॱम ॱयुङ्‌बोक्‍म धङ् ङङ्‌रीन् युङ् छुब झ्‍यीज्‍यीत्।

१ थीस्‍सलोनीका 3:10

खीत्‍रङ् ठेत्‍तु धङ् खीत्‍रङ्‌गी छ्‌य स्‍यक्‍पे लेमु घयेत् छङ युङल ङीत् हुदु युङ् छुज्‍ये यो़प्‍पल सीन्‍न को़न्‍ज्‍योक्‍ल ङीक्‍की ङीन् छेन् मीप्‍प स्‍युदेन् ज्‍यक्‍को़त्।

२ थीस्‍सलोनीका 1:6

हुगी यङ्‌ल को़न्‍ज्‍योक्‍की कुरीक्‍ल ठीम् ढङ्‌बु च्‍यो़क्‍केन् झ्‍यीनी, खीत्‍रङ्‌ल दुक्‍प तोङ्‌गेन् हुब घयेत्‍ल अक् खोङ्‌गी लेन् च्‍यो़गेन् बेत्।

१ तीमोथी 5:5

मोरेङ्‌मु लेन हुल दगु ॱसु उक् मीत्‍न ॱनी, हुगी रोरङ्‌गी रीगो दी को़न्‍ज्‍योक्‍ल स्‍यक्‍न ङीन् छेन् मीप्‍प ॱसुव तप्‍न स्‍युदेन् ज्‍यक्‍केन् बेत्।

२ तीमोथी 1:3

एल्‍ला ङे पुबु ॱमुमी़ झ्‍यीन युङ डस्‍सी ङे एक् ॱसीम् सङ्‌बु खुर्न ॱनोङ् मीत् युङे लेमु झ्‍यीन को़न्‍ज्‍योक्‍ल धेप्‍प झ्‍यीक्‍को़त्। हुनी ङे ङीन् छेन् मीप्‍प छीगङ् ॱसुव तोबे यङ्‌ल रङ् ढेन्‍सो़ झ्‍यीन, रङ्‌गी ढीक्‍ल को़न्‍ज्‍योक्‍ल थु छ्‌यी पु पुब झ्‍यीक्‍को़त्।

२ तीमोथी 2:10

हीगो झ्‍यीनी को़न्‍ज्‍योक्‍की दम्‍बे मी घयेत् एत् ख्रीष्‍ट् येशुगी लम्‍नी छी थर्वल थो़न्‍न, मीत् येगेङ्‌गी तो़त्‍वङ्‌गी ओ़च्‍च्‍यल ॱलीत् छुज्‍ये यो़प्‍पल ङल नोङे दुक्‍प घयेत् ङे गुर् थेक्‍प झ्‍यीक्‍को़त्।

तीतस् 1:1

ङ पावल् को़न्‍ज्‍योक्‍की ॱयोक्‍पु धङ् येशु ख्रीष्‍ट्‌की ठीक्‍नल हीन्। ॱनी को़न्‍ज्‍योक्‍की दम्‍बे मी घयेत् छ्‌य स्‍यक्‍पे लम्‍ल ठीक्‍केन्, को़न्‍ज्‍योक् गुवे छ्‌यलु युङ्‌ज्‍येल दीम्‍ब ॱह घोज्‍येल केच्‍च्‍य ॱस्‍यो़क्‍केन् धङ्

१ पत्रुस् 1:1

येशु ख्रीष्‍ट्‌की ठीक्‍नल ङ पत्रुस्‍की खीत्‍रङ् पोन्‍टस्, गलाती, कापाडोसीया, एशीया धङ् बीथीनीया लुङ्‌ब घयेत्‍ल ढम्‍न दो़क्‍केन् को़न्‍ज्‍योक्‍की दम्‍बे मी खीत्‍रङ्‌सोल हीगी यीगी हीगो ढीन तोङ्‌गो़त्।

२ पत्रुस् 3:9

चोव ज्‍यीन्‍दक्‍की ङ ॱलीत् योङ् सीन्‍न ॱस्‍येप्‍प दी डुबल मी यरीगी गज्‍येन् थोगुक् ॱनो़ब ॱसम्‍गेन् बेत्। हुगो मेम्‍ब, खोङ् थोज्‍येगी धो़न् दी खीत्‍रङ्‌गी ढीक्‍ल धु च्‍यङ्‌न, मी च्‍यीगी च्‍यीक् इक् खरप्‍ल डोज्‍ये मीप्‍प कुरीक् ॱसीम् ज्‍युर्न लोक्‍न युङ्‌न अक्, ॱनो़बे गोङ्‌ब जेक्‍केन् बेत्।

ॱसाल्‍केत् 18:20

ॱवे तेङ् यी़ धङ् को़न्‍ज्‍योक्‍की मी चङ्‌म घयेत्, ठीक्‍नल घयेत् धङ् कलुङ् ॱस्‍यो़क्‍केन् घयेत् गेस झ्‍यीज्‍यीत्। घन्‍ड हीन् सीन्‍न खीत्‍रङ्‌ल अयेक्‍प झ्‍यीब घयेक्‍की ङेल्‍लेन् दी को़न्‍ज्‍योक्‍की हुगी सार् हुल च्‍येसोङ्।

ॱसाल्‍केत् 6:10

ॱनी हुब घयेक्‍की केत् छ्‌यीम्‍मु तो़न्‍न ॱवङ् छ्‌यीम्‍मु च्‍येम्‍म, धक्‍पर् धङ् दीम्‍बर् च्‍येम्‍म यो़क्‍केन् नीज्‍यरङ्‌गी जम्‍बुलीङ्‌गी मील नम् दी ङीक्‍की ठक्‍की लेन् दी च्‍येन छ्‌येप्‍प को़गेन्? सीस्‍सोङ्।

ॱसाल्‍केत् 7:15

हीगो झ्‍यीनी हीब हीन को़न्‍ज्‍योक् स्‍युसे छ्‌यो़गङ्‌दु खोङ्‌गी स्‍युडी ढुङ्‌दु ङीन् छेन् मीप्‍प देत्‍न स्‍यप्‍च्‍यी़ पुगेन् बेत्। ॱनी स्‍युडील स्‍युगेन् खोङ् यो़स्‍से घुर्कङ् दीदु हीब अक् दो़च्‍च्‍ये ॱनोङ्‌गेन् बेत्।