लुका 15:10 - ल्होमी

¹⁰ ङे खीत्‍रङ्‌ल ॱस्‍येत् योङ्। हुगो डस्‍सीरङ् दीक्‍च्‍येन् च्‍यीक् ॱसीम् ज्‍युर्न युङ्‌न ॱनी, इगीदु को़न्‍ज्‍योक्‍की भङ्‌ज्‍येम्‍ब घयेत् हुगी ढीक्‍ल गेस झ्‍यीक्‍केन् बेत् सीन्‍न ॱसुङ बेत्।

लुका 15:10 Iomraidhean Croise

मत्‍ती 10:32

मी घयेक्‍की घुङ्‌दु ॱसी़ ङ येशुगी मी हीन् सीन्‍न सीगुक्‍क हुल ङ अक् तेङ् यी़दु ङे यप्‍की ढुङ्‌दु हुगो ङे मी हीन् सीन्‍न सीक्‍केन्।

मत्‍ती 18:10

ॱनी हीगी भीज हीब डस्‍सी मी च्‍युङेत्‍मु च्‍यीगी च्‍यीक्‍ल आक् खीत्‍रङ्‌गी हुगो ॱनङ्‌ज्‍युङ्‌ल ॱमत् तोङ्‌ज्‍यीत्। तोक्‍स्‍यीप् झ्‍यीज्‍यीत्। घन्‍ड हीन् सीन्‍न हीबे ढीक्‍ल को़न यो़प्‍पे तेङ् यी़गी भङ्‌ज्‍येम्‍ब घयेत् तेङ् यी़न स्‍युगेन् ङे यप्‍की ढुङ्‌दु छीगङ् दो़क्‍केन् बेत्।

मत्‍ती 18:14

हीगो डस्‍सीरङ् तेङ् यी़न स्‍युगेन् खीत्‍रङ्‌गी यप्‍की थुल हीगी च्‍युङेत्‍मु हीब घयेक्‍की छीक्‍नी च्‍यीगी च्‍यीक् इक् ॱमत् तोर्न आक् ॱनो़बे गोङ्‌ब जेक्‍केन् बेत्।

लुका 12:8

ङे खीत्‍रङ्‌ल हीगो ओक् ॱस्‍येत् योङ्। मी घयेक्‍की घुङ्‌दु ॱसी़ ङ येशुगी मी हीन् सीन्‍न सीगुक्‍क हुल कोलीमीगी ॱरेबी़ इक् इगीदु को़न्‍ज्‍योक्‍की भङ्‌ज्‍येम्‍ब घयेक्‍की ढुङ्‌दु हुगो ङे मी हीन् सीन्‍न सीक्‍केन् बेत्।

लुका 12:9

ॱनी यङ् मी घयेक्‍की घुङ्‌दु ॱसी़ ङ ॱनी येशुगी मी मेन् सीन्‍न सीगुक्‍क हुल ङ अक् इगीदु को़न्‍ज्‍योक्‍की भङ्‌ज्‍येम्‍ब घयेक्‍की ढुङ्‌दु हुगो ङे मी मेन् सीन्‍न सीक्‍केन्।

लुका 13:5

ङे ॱस्‍येत् योङ्। हुगो मेम्‍बेत्। ॱनी मेन्‍न अक्, खीत्‍रङ्‌गी ॱसीम् दी ॱएङ्‌गी लम्‍नी ज्‍युर्न मत् युङ्‌न ॱनी, खीत्‍रङ् ॱअङ् खरप्‍ल डोगेन् बेत् सीन्‍न ॱसुङ बेत्।

लुका 15:11

हीनी हरुङ्‌द येशुगी हीन्‍दुक् ॱसुङ बेत्। मी च्‍यीक्‍ल भु ॱङी यो़प्‍प बेत्।

लुका 15:7

ङे खीत्‍रङ्‌ल ॱस्‍येत् योङ्। हुगो डस्‍सीरङ् को़न्‍ज्‍योक्‍की मी ढङ्‌बु, ॱसीम् ज्‍युर् मीत् गो़गेन्, गुप्‍च्‍यु घोर्कुले दीक्‍च्‍येन् च्‍यीक् ॱसीम् ज्‍युर्न युङे ढीक्‍ल गेस छ्‌यीया तेङ् यी़दु युङ्‌गेन् बेगो।

लुका 15:9

ॱनी हुगो ॱङीत्‍नी, रोरङ्‌गी दगु ॱनम्‍बु धङ् खीम्‍जीब दीब भो़न हुबल हज्‍यरङ् गेस झ्‍यीदोङ्। ङे टङ्‌ग तोर्नर दी ॱङीच्‍च्‍युङ् सीन्‍न सीक्‍केन् बेत्।

लुका 7:47

हीगी ढीक्‍ल ङे रङ्‌ल ॱस्‍येत् योङ्। हीगी ङल झ्‍यम्‍ब मङा झ्‍यीच्‍च्‍ये दी हील दीक्‍प मङा यो़प्‍प दी धक्‍न खुर्नी, झ्‍यीक्‍केन् बेत्। ॱसी़ दीक्‍प नुङा धक् यो़दङ् हुगी ढीन् दी इक् नुङा ॱसम्‍न झ्‍यम्‍ब दी इक् नुङारङ् झ्‍यीक्‍केन् बेत् सीन्‍न झ्‍यीब बेत्।

ठीक्‍नल 11:18

ॱनी हीगो ॱह घोनी, दगु छ्‌यीट्‌टो घयेत् दी हील हस्‍सो़त् ॱलो दीन ज्‍यी़त् ॱयोङ् ॱयोङ्‌गी मी घयेत् एत् ॱएङ्‌गी लम्‍नी ॱसीम् ज्‍युर्न युङ्‌न ॱनी, को़न्‍ज्‍योक्‍की हुब घयेत्‍ल अक् छीये लम् तो़ङ्‌गुक् व सीन्‍न हुबे को़न्‍ज्‍योक्‍ल तो़प्‍प पुब बेत्।

ठीक्‍नल 5:19

ॱनी हुगी गोङ् दी तेङ् यी़गी चोव ज्‍यीन्‍दक्‍की भङ्‌ज्‍येम्‍ब च्‍यीक् युङ्‌न हुगी चो़ङ्‌गङ्‌गी गोच्‍च घयेत् दी पीक्‍न ठीक्‍नल दीब छ्‌यील तो़न्‍न,

२ कोरीन्‍थी 7:10

घन्‍ड हीन् सीन्‍न को़न्‍ज्‍योक्‍की थुल डीक्‍पे ॱसीम्‍दुक्‍की थर्वे लम्‍ल ॱलोक्‍केन् बेत्। ॱनी ॱसीम्‍ब ज्‍युर्न युङे लेमु हुगो गज्‍ये मेम्‍बेत् ॱनो़ब ॱमीत् छ्‌यर्केन् बेत्। ॱनी यङ् जम्‍बुलीङ् ङो़गी लुसे ॱसीम्‍दुक्‍की ॱस्‍यीवे लम्‍ल तोङ्‌गेन् बेत्।

फीलेमोन् 1:15

ॱनी नीज्‍यरङ्‌दङ् हुगो कप्‍तोक् च्‍यीक् भीन दो़च्‍च्‍येगी धो़न् दी ह हीनी झ्‍यीब दी धी़ ज्‍यी़न्‍दु हुगो नीज्‍यरङ्‌दङ् कङ्‌ज्‍यीक्‍ल दो़च्‍च्‍येगी ढीक्‍ल झ्‍युङ हीङ्‌गो़प्‍पेत्।

हीब्रु 1:14

को़न्‍ज्‍योक्‍ल स्‍यप्‍च्‍यी़ ज्‍युक्‍केन्, तेङ् यी़गी भङ्‌ज्‍येम्‍ब ॱस्‍यस्‍सी़ मीप्‍प हुब इगीनी मल्‍ल तङ्‌न युङ्‌न थर्वे लम्‍ल डोगेन् घयेत्‍ल स्‍यप्‍च्‍यी़ ज्‍युक्‍केन् बेत्।