लुका 13:25 - ल्होमी

²⁵ खीम्‍दक्‍प लोङ्‌न नङ्‌नी मल्‍ल गोच्‍च च्‍येत् तोङ्‌गेन् बेत्। हुनी क खीत्‍रङ् युङ्‌न छ्‌यीदु गोच्‍चल धोक् धोक् सीगी बेन्‍न ज्‍यीन्‍दक् ङीत्‍ल गोच्‍च पीक्‍रो झ्‍यी सीन्‍न स्‍युव ज्‍यक्‍केन् बेत्। ॱनी खोङ्‌गी लेम्‍बुल ङे खीत्‍रङ् म दीरङ् ङु ॱमीत् ॱस्‍यीबेत्। घनीगी मी हीन् हीन् सीन्‍न सीक्‍केन् बेत्।

लुका 13:25 Iomraidhean Croise

मत्‍ती 25:41

हुनी खोङ्‌गी ॱयेन् छ्‌योदु यो़क्‍केन् घयेत् दीबल हीन्‍दुक् झ्‍यीब बेत्। ॱमो़त्‍मु सुक्‍नरे मी घयेस्‍सो, खीत्‍रङ् घयेत् ङ च्‍यानी भीन, दी़क्‍की चो धङ् हुगी लेङेन् घयेक्‍की ढीक्‍ल स्‍यङ्‌न स्‍यक्‍पे फुगी मी बर्सल ज्‍युक्।

लुका 13:27

ॱनी खोङ्‌गी लेम्‍बुल खीत्‍रङ् ङे ङु ॱमीत् ॱस्‍यीबेत्। घनीगी मी हीन् हील्‍ल सीन्‍न सीक्‍केन् बेत्। खीत्‍रङ् ङीब झ्‍यीक्‍केन् घयेत् ङ च्‍यानी फल्‍ल ज्‍युक्।

लुका 3:8

हुगो मेम्‍ब, खीत्‍रङ्‌गी ॱसीम् दी ॱएङ्‌गी लम्‍नी ज्‍युर्न हुल पीबे डेबु छ्‌या गोगेन् बेत्। खीत्‍रङ्‌गी ॱसीम्‍ल अब्राहाम् ङीक्‍की पुबु हीन् ॱनो़ब ॱसम्‍बे घन्‍डे घो ओक् मीत् ज्‍यक्‍केन् बेत्। ङे खीत्‍रङ्‌ल ॱस्‍येत् योङ्। हीगी दो हीब अक् को़न्‍ज्‍योक्‍की अब्राहाम्‍गी ज्‍यी़त्‍ल सो छुगेन् बेत्।

लुका 6:46

ङे क दीलरङ् ॱमीत् चीये, खीक्‍की ङल घन्‍डल चोव ज्‍यीन्‍दक्, चोव ज्‍यीन्‍दक् सीक्‍केन्।

२ कोरीन्‍थी 6:2

हीगी ढीक्‍ल खोङ्‌गी हीन्‍दुक् ॱसुङ्‌गेन् बेत्। थुज्‍यीगी धी़गी यङ्‌ल रङ्‌ल ङे रङ्‌गी तम्‍ल लेम्‍बु ॱलोक्‍पेन्। थर्वे धी़गी यङ्‌ल ङे रङ्‌ल दगु झ्‍यीबेन् सीर यो़क्‍केन् बेत्। (यशैया ४९:८) ॱनी तेदे को़न्‍ज्‍योक्‍की थुज्‍यीगी धी़ धङ् छी थर्वे ङीन् दी ह हुन्‍दो बेत्।

हीब्रु 12:17

हुगी एसाब् हुगी रोरङ्‌ल थोप्‍केङ्‌गी ॱहक् च्‍येम्‍मे ॱमेल्‍लम् दी स्‍युदु तीङ्‌ला रोरङ्‌गी पब च्‍याल फीन्‍नी, हुगो ॱमत् थोब बेत्। हुनी ॱमीक्‍च्‍यु तङ्‌न घजो़त् स्‍यी़न अक्, रोरङ्‌गी हुगी ले दी ज्‍युर् ॱमत् छुबल ॱमत् थोब बेत्। हीगो खीत्‍रङ्‌ल ॱस्‍यो़च्‍च्‍ये यो़क्‍केन् बेत्।