लुका 12:9 - ल्होमी

⁹ ॱनी यङ् मी घयेक्‍की घुङ्‌दु ॱसी़ ङ ॱनी येशुगी मी मेन् सीन्‍न सीगुक्‍क हुल ङ अक् इगीदु को़न्‍ज्‍योक्‍की भङ्‌ज्‍येम्‍ब घयेक्‍की ढुङ्‌दु हुगो ङे मी मेन् सीन्‍न सीक्‍केन्।

लुका 12:9 Iomraidhean Croise

मत्‍ती 10:33

ॱनी यङ् मी घयेक्‍की घुङ्‌दु ॱसी़ ङ ॱनी येशुगी मी मेन् सीन्‍न सीगुक्‍क हुल ङ अक् तेङ् यी़दु ङे यप्‍की ढुङ्‌दु हुगो ङे मी मेन् सीन्‍न सीक्‍केन्।

मत्‍ती 25:12

हुनी नङ् दीनी मल्‍ल ज्‍यीन्‍दक् दीगी ङे खीत्‍रङ्‌ल गन्‍दीय ॱस्‍येत् योङ्। ङे खीत्‍रङ् म दीरङ् ङु ॱमीत् ॱस्‍यीबेत् सीन्‍न लेन् ॱलोक्‍प बेत्।

मत्‍ती 25:31

कोलीमीगी ॱरेबु रोरङ्‌गी तो़त्‍वङ् च्‍येम्‍मे ओ़च्‍च्‍यल तेङ् यी़गी खोङ् रोरङ्‌गी भङ्‌ज्‍येम्‍ब घयेत्‍तङ् दल युङ्‌न खोङ् रोरङ्‌गी तो़त्‍वङ् च्‍येम्‍मे स्‍युडील स्‍युगेन् बेत्।

मत्‍ती 25:41

हुनी खोङ्‌गी ॱयेन् छ्‌योदु यो़क्‍केन् घयेत् दीबल हीन्‍दुक् झ्‍यीब बेत्। ॱमो़त्‍मु सुक्‍नरे मी घयेस्‍सो, खीत्‍रङ् घयेत् ङ च्‍यानी भीन, दी़क्‍की चो धङ् हुगी लेङेन् घयेक्‍की ढीक्‍ल स्‍यङ्‌न स्‍यक्‍पे फुगी मी बर्सल ज्‍युक्।

मत्‍ती 7:23

ॱनी ङे हुबल खीत्‍रङ् गोमनीरङ् म दीरङ् ङे ॱस्‍युली ङु ॱमीत् ॱस्‍यीबेत्। खीत्‍रङ् ङेम्‍ब झ्‍यीक्‍केन् घयेत् ङ च्‍यानी ज्‍युक् सीन्‍न सीक्‍केन् बेत्। (ॱसुङ्‌रप्‍की गुल्‍लु ६:८)

मर्कुस् 8:38

ॱयोङ्‌दङ् ङीगेन् दीक्‍च्‍येन् धीङ्‌सङ्‌गी मी घयेत् हीब ॱसी़ ङ धङ् ङे केच्‍च्‍यल ङु छय झ्‍यीगुक्‍क हुल तीङ्‌ला कोलीमीगी ॱरेबुल रोरङ्‌गी यप्‍की तो़त्‍वङ् झ्‍युङ्‌न इगीगी भङ्‌ज्‍येम्‍ब चङ्‌म घयेत्‍तङ् दल युङे यङ्‌ल खोङ्‌गी इक् हुल ङु छय झ्‍यीक्‍केन् बेत्।

लुका 15:10

ङे खीत्‍रङ्‌ल ॱस्‍येत् योङ्। हुगो डस्‍सीरङ् दीक्‍च्‍येन् च्‍यीक् ॱसीम् ज्‍युर्न युङ्‌न ॱनी, इगीदु को़न्‍ज्‍योक्‍की भङ्‌ज्‍येम्‍ब घयेत् हुगी ढीक्‍ल गेस झ्‍यीक्‍केन् बेत् सीन्‍न ॱसुङ बेत्।

लुका 22:57

ॱनी पत्रुस्‍की लेल्‍ल ङ मेन्। ङे हुगो ङु ॱमीत् ॱस्‍यीबेत् सीन्‍न झ्‍यीब बेत्।

लुका 9:26

ॱनी ङ धङ् ङे केच्‍च्‍यल मी ॱसु ङु छय झ्‍यीगुक्‍क हुल तीङ्‌ला कोलीमीगी ॱरेबुल रोरङ्‌गी तो़त्‍वङ्, यप्‍की तो़त्‍वङ् धङ् इगीगी भङ्‌ज्‍येम्‍ब चङ्‌म घयेक्‍की तो़त्‍वङ् झ्‍युङ्‌न युङे यङ्‌ल खोङ्‌गी इक् हुल ङु छय झ्‍यीक्‍केन् बेत्।

२ तीमोथी 2:12

हज्‍यरङ् धु च्‍यङ्‌न देत्‍न ॱनी, यङ् खोङ्‌दङ् कङ्‌ज्‍यीक्‍ल ॱवङ् च्‍योङ्‌ज्‍ये एक् ॱनोङ्‌गेन् बेत्। हज्‍यरङ्‌गी ङ खोङ्‌गी मी मेन् सीन्‍न ॱनी, हुनी यङ् खोङ्‌गी इक् हज्‍यरङ्‌ल हुगो ङे मी मेन् सीन्‍न ॱसुङ्‌गेन् बेत्।

१ युहन्‍ना 2:23

ॱरेबुल ॱसी़ मेम्‍बेत् सीन्‍न सीगुक्‍क हुगोदङ् यप् ढेन युङ्‌गेन् बेत्। ॱनी ॱरेबुल ॱसी़ दीम्‍बरङ् बेत् सीन्‍न सीगुक्‍क हुगोदङ् यप् मत् ढेब युङ्‌गेन् बेत्।

१ युहन्‍ना 2:28

भीजसो, खोङ् फीच्‍च्‍य इगीनी मल्‍ल झ्‍यो़म्‍बे यङ्‌ल खीत्‍रङ् खे ॱमीत् छ्‌यङ ज्‍यीब मीप्‍प, थो़न् छुज्‍ये यो़प्‍पल हुन्‍दोनीरङ् खोङ्‌दङ् मत् ढेब थीरी दो़च्‍च्‍यीत्।

ॱसाल्‍केत् 3:8

खीत्‍रङ्‌गी घङ् झ्‍यीप्‍पे ले घयेत् कुरीक् ङल ॱस्‍यो़च्‍च्‍ये यो़त्। तेदे खीत्‍रङ्‌गी ढीक्‍ल ङे गोच्‍च पीक्‍न स्‍यक्‍पेन्। हीगो ॱसी़ इक् च्‍यो़त् ॱमीत् छुगेन् बेत्। खीत्‍रङ्‌ल ॱस्‍यीक् मीत्‍न अक्, ङे केच्‍च्‍यल नेन्‍न ङे मीङ् ॱलो़ ॱमत् तङ देस्‍सोङ्।