लुका 12:1 - ल्होमी

¹ ॱनी हुगी यङ्‌ल येशु च्‍याल मी छेत्‍मीत् तोङ्‌डक्‍की ढङ्‌म जोम्‍न युङ्‌नी, कङ्‌ब पो़स्‍स आक् मीप्‍प, च्‍यीक्‍तङ् च्‍यीक्‍की कङ्‌बल पो़ब बेत्। ॱनी येशुगी गोम ॱएन्‍स्‍युक्‍ल खोङ् रोरङ्‌गी ॱलोप्‍टुक् दीबल हीन्‍दुक् ॱसुङ बेत्। फरीसी घयेत् हुब छ्‌यीलेल नङ् मत् लेब, ढोप्‍चील ॱरीक् ज्‍यक्‍च्‍येमे च्‍युर् डस्‍सी बेगो। हुबे च्‍युर् हुनी खीत्‍रङ् धोजीम् झ्‍यीन दो़च्‍च्‍यीत्।

लुका 12:1 Iomraidhean Croise

लुका 11:44

खीत्‍रङ् घयेत् घन्‍डे दुक्‍प। खीत्‍रङ् म दीरङ् रो बेक्‍सदङ् छ्‌येत्‍मीत् बेत्। हुगो रो बेक्‍स हीम्‍ब ॱस्‍यो़च्‍च्‍ये मीप्‍पल मी घयेत् हुगी थोक्‍ल छ्‌यम्‍न गोम्‍ज्‍योङ् तोङ्‌गेन् बेत् सीन्‍न ॱसुङ बेत्।

लुका 12:56

खीत्‍रङ् छ्‌यीलेल नङ् मत् लेबे मी घयेस्‍सो, हुन्‍दुक् झ्‍यीन ॱस धङ् ॱनम्‍स्‍यी गा धङ् आक्‍पा युङ खीत्‍रङ्‌गी नम् च्‍यो़त् ॱस्‍यीगेन् बेत्। ॱनी हन्‍देङ्‌गी हीगी धी़ हीगी ढीक्‍ल नम् च्‍यो़त् ॱमीत् ॱस्‍यीगेन् बेत्।

लुका 5:1

हुनी ङीन् च्‍यीक् गनेसरेत्‍की छो़ छीगदु को़न्‍ज्‍योक्‍की केच्‍च्‍य नेन्‍दु मी छेत्‍मीत् येशु च्‍याल युङ बेत्। ॱनी हुदु युङे मी घयेत् दीबे खोङ्‌ल कोदुम् ज्‍यब बेत्।

लुका 5:15

ॱनी हीन्‍न अक्, येशुगी ढीक्‍की केच्‍च्‍य हरुङ् ज्‍यीक्‍तु धर्नर बेत्। हुनी हुदु खोङ् च्‍याल तम् नेङ्‌गेन् धङ् नज ढक्‍तु ची़त्‍तु मी छेत्‍मीत् जोम्‍न युङ्‌गो़प्‍प बेत्।

लुका 6:17

हुनी ठीक्‍नल च्‍युन्‍नीबु दीदङ् दल खोङ् हुगी लदोक् दीनी मल्‍ल भप्‍न हुदु थङ्‌ग च्‍यीक्‍तु टङील स्‍युब बेत्। ॱनी उन खोङ्‌गी ॱलोप्‍टुक् ॱयोङ्‌म आक् गज्‍येन् यो़प्‍प बेत्। ॱनी यहुदीयानी, यरुशलेम्‍नी धङ् छ्‌यु ज्‍यम्‍जो छ्‌यीम्‍मी़ छीगल ॱनेगेन् टायर् धङ् सीदोन्‍गी लुङ्‌बनी इक् मी छेत्‍मीत्

ठीक्‍नल 21:20

हीगो ॱह घोनी हुबे को़न्‍ज्‍योक्‍ल तो़प्‍प पुब बेत्। हुनी हुबे पावल्‍ल तेदे हीन पी़न्‍ज्‍या चोव ज्‍यीन्‍दक्‍ल छ्‌य स्‍यक्‍न युङ यहुदी छेत्‍मीत् यो़क्‍केन् बेत्। ॱनी हुब घयेक्‍की हज्‍यरङ् यहुदीगी छ्‌यो़डीम्‍ल धेस्‍सीम् छ्‌यीम्‍मु खुर्न ॱसम् गोगेन् बेत् सीगुक्।

१ कोरीन्‍थी 15:3

ङल ॱनङे ॱलोप्‍से धो़न् छ्‌यीस्‍स्‍यो दी ङे खीत्‍रङ्‌ल एल्‍लादु उक् ॱस्‍येत् छरेन्। ॱनी हुन्‍दो ओक् ॱस्‍यो़क्‍केन्। ॱसुङ्‌रप्‍की केच्‍च्‍यल डीक्‍प ख्रीष्‍ट् हज्‍यरङ् घयेक्‍की दीक्‍पे ढीक्‍ल ढोङ बेत्।

हीब्रु 12:22

खीत्‍रङ् हुगो डस्‍सील युङ मेम्‍ब, सीयोन्‍गी लदोक् ॱसोम्‍बु हीम्‍बे को़न्‍ज्‍योक्‍की सार् तेङ् यी़गी यरुशलेम्‍ल युङ्‌न यो़क्‍केन् बेत्। ॱनी उन तेङ् यी़गी भङ्‌ज्‍येम्‍ब छेत्‍मीत् ढङ्‌मीत् धङ्

याकुब् 3:17

ॱनी तेङ् यी़नी मल्‍ल युङे झ्‍यी़रीक् दी ॱएन्‍स्‍युक्‍ल हुगो चङ्‌म, हुनी थी़म्‍बोक्‍म, हुनी घी़न् थेक्‍पोक्‍म, थी़न्‍डीक्, ॱङीङ्‌ज्‍यी छ्‌यीम्‍मु च्‍येम्‍म, गये डेबु च्‍येम्‍म, दम्‍ङीत् मीत् झ्‍यीक्‍केन् धङ् ॱसीम् सङ्‌बु च्‍येम्‍म युङ्‌गेन् बेत्।

१ पत्रुस् 2:1

आक्‍पागी ढङ्, ॱएलमे ढङ्, ख यच्‍च्‍येक्‍की लेमु झ्‍यीक्‍केङ्‌गी ढङ्, ठदोक्‍की ढङ् धङ् ङेन्‍दम्‍गी ढङ् हीन्‍दुक् झ्‍यीब कुरीक् फोङ्‌ज्‍यीत्।