लुका 11:18 - ल्होमी

¹⁸ शैतान् शैतान् रोरङ्‌सो नङ्‌दु मीत् डीक्‍प यो़त्‍न ॱनी, हुगी ज्‍यागक् हुगो घन्‍दुक् झ्‍यीन ॱने छुगेन्? खीत्‍रङ्‌गी ङल बाल्‍जीबुल्‍की ॱवङ्‌गी ॱनो़प्‍प अयेक्‍प तो़न्‍न दीक्‍कुक् सीगुक्।

लुका 11:18 Iomraidhean Croise

मत्‍ती 10:25

हीगो झ्‍यीनी ॱलोप्‍टुक्‍ल चयेलमजो़त् झ्‍युङल धङ् ॱयोक्‍पुल ज्‍यीन्‍दक्‍चो़त् झ्‍युङ्‌न युङल ॱलो दीय झ्‍यीज्‍यीत्। ढोङ्‌बे दक्‍पुल त मी ॱयोङ्‌मागी बाल्‍जीबुल् सीक्‍केल्‍ल ॱनी हुगी मीजङ्‌ल ॱसुम्‍ब हुले दुक्‍पा सीक्‍केन् बेत्।

मत्‍ती 12:26

शैतान्‍गी शैतान्‍रङ् तो़न्‍न दीत्‍न, हुब नङ्‌दु मीत् डीक्‍प झ्‍युङ्‌न ॱनी, हुगी ज्‍यागक् हुगो घन्‍दुक् झ्‍यीन ॱने छुगेन्।

मत्‍ती 4:10

हीनी येशुगी हुल ॱवे शैतान्, रङ् हीनी ज्‍युक्। ॱसुङ्‌रप्‍ल ढीन यो़क्‍केन् बेत्। चोव ज्‍यीन्‍दक् को़न्‍ज्‍योक्‍लरङ् छ्‌यक् छेन धेप्‍प दी खोङ्‌लरङ् क झ्‍यीत् गोगेन् बेत्। (ठीम्‍लु ६:१३)

मत्‍ती 4:24

ॱनी हीगी तम् दी सीरीया लुङ्‌ब की़ल्‍ल धर्न खुर्नी, हुगी लुङ्‌बन यो़क्‍केन् ॱनो़प्‍प अयेक्‍प स्‍यीन्‍नर, सम्‍ज्‍येम्‍ब, घोङ्‌रीय धङ् नज ॱनम्‍ब गज्‍येन् च्‍येम्‍मे नेप्‍प घयेत् येशु च्‍येल्‍ल च्‍यो़दु युङ बेत्। ॱनी खोङ्‌गी हुब कुरीक् ढक्‍तु ची़प्‍प बेत्।

लुका 11:15

ॱनी यङ् हुगी मी यरीगी खोङ्‌ल हुगी मी हुल ॱनो़प्‍प अयेक्‍प घयेक्‍की चोबो़न् बाल्‍जीबुल्‍की ॱवङ् यो़प्‍पेत्। ॱनी हुगी ॱवङ् दीगी क ॱनो़प्‍प अयेक्‍प ॱयोङ्‌म घयेत् दी तो़न्‍न दीक्‍को़प्‍पेत् झ्‍यीब बेत्।