लुका 11:1 - ल्होमी

¹ हीनी ङीन् च्‍यीक् येशु ॱसने च्‍यीक्‍तु देत्‍न ॱसुव तब बेत्। ॱसुव तप् छर्नी, ॱलोप्‍टुक् च्‍यीक्‍की खोङ्‌ल युहन्‍नागी रोरङ्‌गी ॱलोप्‍टुक्‍प घयेत्‍ल ॱसुव तोप्‍च्‍ये ॱलब डस्‍सी ङीत्‍ल अक् चोव ज्‍यीन्‍दक् नीज्‍यरङ्‌गी ॱलोप्‍रो झ्‍यी सीन्‍न स्‍यी़ब बेत्।

लुका 11:1 Iomraidhean Croise

लुका 10:42

ले चा छ्‌यीस्‍स्‍यो दी च्‍यीगी च्‍यीक्‍रङ् यो़क्‍केन् बेत्। ॱनी हुगो क मरीयम्‍गी दम्‍न यो़क्‍केन् बेत्। हुगो ॱयोङ्‌गी या टो़ज्‍ये मीत् युङ्‌गेन् बेत् सीन्‍न ॱसुङ बेत्।

लुका 11:2

ॱनी खोङ्‌गी हीन्‍दुक् ॱसुङ बेत्। खीत्‍रङ्‌गी ॱसुव दी हीन्‍दुक् सीन्‍न तोप्‍च्‍यीत्। पब, नीज्‍यरङ्‌गी चङ्‌म हीम्‍बे छेल्‍ल तो़प्‍प युङ्‌ज्‍ये यो़प्‍प स्‍योक्‍च्‍यीत्। नीज्‍यरङ्‌गी ज्‍यागक् हीदु छुज्‍ये यो़प्‍प स्‍योक्‍च्‍यीत्।

लुका 6:12

हुनी ङीन् च्‍यीक् येशु लदोक् च्‍यीक्‍ल जेन हुदु छेङ्‌गङ् को़न्‍ज्‍योक्‍ल ॱसुव तोप्‍कीन् देप्‍प बेत्।

लुका 7:13

ॱनी चोव ज्‍यीन्‍दक्‍ल हुगी आम दी ठेत्‍नी, ॱङीङ् छये, खोङ्‌गी हुल मत् ङु झ्‍यीब बेत्।

लुका 7:19

खीत्‍रङ् चोव ज्‍यीन्‍दक् च्‍याल ज्‍युक्‍ल खोङ्‌ल तीङ्‌ला झ्‍यो़ङ्‌गेन् बेत् सीक्‍केन् दी नीज्‍यरङ्‌रङ् हीम्‍ब न, न ङीत् ॱयोङ्‌ल गुक् गोगेन् बेक्‍क? सीन्‍न ढीलेत् सीन्‍न तङ बेत्।

लुका 9:18

ॱनी लेन् च्‍यीक् येशु ॱसुव तोबे यङ्‌ल खोङ्‌दङ् दल ॱलोप्‍टुक् दीबरङ् यो़प्‍प बेत्। ॱनी खोङ्‌गी ॱलोप्‍टुक् दीबल मी घयेक्‍की ङल ॱसु बेत् सीन्‍न सीगुक्‍क? सीन्‍न ढीब बेत्।

लुका 9:28

हीनी झ्‍यीनी स्‍यक्‍पु ज्‍येच्‍चो़त् च्‍यीक् ॱसोङ्‌नी, येशुगी पत्रुस्, युहन्‍ना, याकुब् झ्‍यीब ठीक्‍न लदोक् च्‍यीक्‍ल ॱसुव तोप्‍तु जेन फीम्‍ब बेत्।

हीब्रु 5:7

ॱनी खोङ् हीदु कोलीमील कीन यो़प्‍पे यङ्‌ल ॱस्‍यीये लक्‍नी छ्‌यी छुगेन् को़न्‍ज्‍योक्‍ल खोङ्‌गी ङी़गेत् थोन ॱमीक्‍च्‍यु तोङ्‌गीन् तोङ्‌गीन् ॱसुव तप्‍न स्‍युदेन् ज्‍यब बेत्। को़न्‍ज्‍योक्‍की ॱवङ्‌गी होक्‍ल गो घुक्‍न युङ्‌नी, खोङ्‌ल लेम्‍बु ॱलोक्‍प बेत्।

यहुदा 1:20

झ्‍यम्‍बे दगुसो, खीत्‍रङ् हुब डस्‍सी मेम्‍ब, खीत्‍रङ्‌गी छ्‌य स्‍यक्‍पे लेमु चङ्‌म दी ॱसप्‍स्‍योङ्‌दङ् छ्‌येत्‍मीत् झ्‍यीन हुल चीक्‍पक् डेन्‍न सो़ज्‍यीत्। धम्‍बे थुगी ॱस्‍यीक्‍की लम्‍नी ज्‍यी़न्‍दु ॱसुव तप् तब झ्‍यीज्‍यीत्।