लुका 10:2 - ल्होमी2 ॱनी हुब घयेत्ल खोङ्गी हीन्दुक् ॱसुङ बेत्। तो़न्दोक् ह गज्येन् छो़दुक्। ॱनी ॱङलक्प दी को़न्सी दुक्। तो़न्दोक्की दक्पुल तो़न्दोक् दी़क्केङ्गी ॱङलक्प तोङ्रो झ्यी सीन्न खीत्रङ् ॱसुव तोप्। Faic an caibideil |
लुका 10:2
48 Iomraidhean Croise
इस्तीफनस् ॱसेत्नी झ्यीब दी, यरुशलेम्दु छ्य स्योक्केन् घयेत्ल दुक्प अयेक्प नोङ्नी, हुब घयेत् घल अक् थोर्न, यरी फोनीसीयागी लुङ्बल, यरी सैप्रस्की लुङ्बल, यरी एन्टीयोक्की सार्ल ते थोर्न युङ बेत्। ॱनी घल फीन्न आक्, हुबे को़न्ज्योक्की केच्च्य दी यहुदी घयेत्लरङ् क ॱस्येत्न टम्ब बेत्।
छ्यो़ छो छङ्मल को़न्ज्योक्की को़न यो़प्पल गोम छ्यीस्स्यो दील ठीक्नल घयेत् युङ्गेन् बेत्। हुगी होक्नी कलुङ् ॱस्यो़क्केन् घयेत्, हुगी होक्नी चयेलम घयेत्, हुनी ॱस्यीक् छ्यीम्मी़ ले झ्यीक्केन् घयेत्, हुनी नेप्प ढक्तु ची़च्च्येमे कबप् च्येम्म घयेत्, हुनी फेन् थोबे दगु झ्यीक्केन् घयेत्, हुनी गोयो़त् झ्यीक्केन् घयेत्, हुनी केच्च्योक् ॱमीत् च्यीक्पल तम् ॱस्यो़त् छुगेन् घयेत् को़न युङ्गेन् बेत्।
ॱनी हीन्न अक्, ङ हुन्दो घन्दुक् झ्यीबे मील झ्युङ बेक्क हुगो को़न्ज्योक्की थुज्यीगी लेगी झ्युङ बेत्। ङल खोङ्गी थुज्यी ॱनङ दी धो़म्मीत्ल ॱमत् ॱसोङ, ठीक्नल ॱयोङ्मा घयेत्ले ङे मङा कले च्येत्न युङेन्। ॱनी हुगो म दी ङे ङरङ्गी झ्यीब मेम्ब, ङे दगुल यो़क्केन् को़न्ज्योक्की थुज्यीगी जेप्पे ले बेत्।
ॱनी खीत्रङ् च्येन्नी युङे मी ख्रीष्ट् येशुगी ॱयोक्पु इपाफ्रास्की खीत्रङ्ल छ्यक्सुम् थेमु सीगुगो। को़न्ज्योक्की थुल यो़प्पे केच्च्य दी खीत्रङ्गी कुरीक् ॱह घोज्ये यो़प्प धङ् फी़न्सुम् छङल ॱसोङ्न खोङ्गी लम्ल तेम्बर् झ्यीन डो छुज्ये यो़प्पल इपाफ्रास्की खीत्रङ्गी ढीक्ल छीगङ् गन्दीक्म ॱसुव तोप्कुगो।
Sanasan