लुका 10:16 - ल्होमी

¹⁶ खीत्‍रङ्‌गी झ्‍यीबे खल नेङ्‌गेन् दीगी ङे झ्‍यीबे खल आक् नेङ्‌गेन् बेत्। ॱनी खीत्‍रङ्‌ल थोङ् मीत् झ्‍यीक्‍केन् दीगी ङल अक् थोङ् मीत् झ्‍यीक्‍केन् बेत्। ॱनी ङल थोङ् मीत् झ्‍यीक्‍केन् दीगी ङ तोङ्‌गेल्‍ल आक् थोङ् मीत् झ्‍यीक्‍केन् बेत् सीन्‍न ॱङान तङ बेत्।

लुका 10:16 Iomraidhean Croise

मत्‍ती 10:40

खीत्‍रङ्‌ल थोङ् झ्‍यीक्‍केन् दीगी ङल अक् झ्‍यीबल डोगेन् बेत्। ॱनी ङल थोङ् झ्‍यीक्‍केन् दीगी ङ तोङ्‌गेल्‍ल आक् थोङ् झ्‍यीबल डोगेन् बेत्।

मत्‍ती 18:5

ङे मीङ्‌गी ढीक्‍ल हीगी भीज हीगो डस्‍सील मी ॱसी़ थोङ् झ्‍यीगुक्‍क हुगी ङल झ्‍यीबल डोगेन् बेत्।

मर्कुस् 9:37

ङे मीङ्‌गी ढीक्‍ल हीगी भीज हीगो डस्‍सील मी ॱसी़ थोङ् झ्‍यीगुक्‍क हुगी ङल झ्‍यीबल डोगेन् बेत्। ॱनी ॱसी़ ङल थोङ् झ्‍यीगुक्‍क हुगी ङल छ्‌युवक्‍ल मेम्‍ब, ङ तोङ्‌गेल्‍ल आक् झ्‍यीबल डोगेन् बेत् सीन्‍न ॱस्‍येप्‍प बेत्।

लुका 9:48

हुनी खोङ्‌गी हुबल ङे मीङ्‌गी ढीक्‍ल हीगी भीज हीगो डस्‍सील मी ॱसी़ थोङ् झ्‍यीगुक्‍क हुगी ङल झ्‍यीबल डोगेन् बेत्। ॱनी ॱसी़ ङल थोङ् झ्‍यीगुक्‍क हुगी ङ तोङ्‌गेल्‍ल आक् थोङ् झ्‍यीबल डोगेन् बेत्। खीत्‍रङ्‌गी घुङ्‌न ॱसु च्‍युङ्‌स्‍यो यो़दङ् हुगो छ्‌यीस्‍स्‍योल युङ्‌गेन् बेत् सीन्‍न ॱसुङ बेत्।

युहन्‍ना 12:44

हीनी येशुगी मी कुरीक्‍की ॱह घोवल ॱसी़ ङल छ्‌य स्‍योक्‍कुक्‍क हुगी छ्‌य दी ङल छ्‌युवक् मेम्‍ब, ङ तोङ्‌गेल्‍ल आक् स्‍यक्‍पल डोगेन् बेत्।

युहन्‍ना 12:48

ॱनी ङे केच्‍च्‍यल मीत् नेङ्‌गेन् धङ् ङल गज्‍ये ॱमीत् छोर्केन् दील स्‍युक् थमे धी़गी यङ्‌ल ङे एल्‍लादु ॱस्‍येप्‍पे तम् दीगी हुल ठीम् च्‍येत्‍न छ्‌येप्‍प को़गेन् बेत्।

युहन्‍ना 13:20

ङे खीत्‍रङ्‌ल गन्‍दीय ॱस्‍येत् योङ्। ङे को़न तङे मील थोङ् झ्‍यीक्‍केन् दीगी ङल अक् झ्‍यीबल डोगेन् बेत्। ॱनी ङल थोङ् झ्‍यीक्‍केन् दीगी ङ तोङ्‌गेल्‍ल आक् थोङ् झ्‍यीबल डोगेन् बेत्।

ठीक्‍नल 5:4

रङ्‌गी ॱस हुगो चोङ्‌न आक्, हुगी रीन् दी रङ्‌गीरङ् बेत्। ॱनी हुगो ॱमत् चोङ्‌न आक्, हुगो रङ्‌गीरङ् बेत्। ॱनी खोक्‍की ॱसीम्‍ल घन्‍दुक् झ्‍यीन हीन्‍दुक् झ्‍यीबे ॱसम्‍ल छ्‌यर्च्‍युङ? रङ्‌गी ॱएलम हीगो मील मेम्‍ब, को़न्‍ज्‍योक्‍ल ज्‍यबल डोगेन् बेत् सीन्‍न झ्‍यीब बेत्।

गलाती 4:14

ङ थङ्‌ज्‍ये मीप्‍प झ्‍युङ्‌नी, खीत्‍रङ्‌ल घाब दुक्‍प झ्‍युङ बेत्। ॱनी हीन्‍न अक्, खीत्‍रङ्‌गी ङल स्‍यीलोक्‍प मत् झ्‍यीब, आक्‍तोक्‍ल ॱमत् तङ, तेङ् को़न्‍ज्‍योक्‍की भङ्‌ज्‍येम्‍बदङ् छ्‌येत्‍मीत्, ख्रीष्‍ट् येशुदङ् छ्‌येत्‍मीत् थोङ् झ्‍यीज्‍युङ्।

१ थीस्‍सलोनीका 4:8

हील मी ॱसी़ मेम्‍बेत् सीगुक्‍क हुगी तम् हुगो मील सीक्‍केन् मेम्‍ब, खीत्‍रङ्‌ल धम्‍बे थु ॱनङ्‌गेन् को़न्‍ज्‍योक्‍ल लेन् ज्‍यबल डोगेन् बेत्।