लुका 1:30 - ल्होमी

³⁰ ॱनी हुगी भङ्‌ज्‍येम्‍ब दीगी मरीयम्‍ल रङ् ज्‍यीब मत् झ्‍यीत्। रङ् को़न्‍ज्‍योक्‍की थुज्‍यी थोबे भुमु बेगो।

लुका 1:30 Iomraidhean Croise

मत्‍ती 14:27

ॱनी खोङ्‌गी ॱस्‍यरी हुबल ज्‍यीक्‍टक् मत् झ्‍यीत्। ङ हीन्। ॱलो दीरी झ्‍यी झ्‍यीब बेत्।

मत्‍ती 28:5

हुगी भङ्‌ज्‍येम्‍ब दीगी भुमु ॱङीबु दील खीत्‍रङ् ज्‍यीब मत् झ्‍यीत्। खीत्‍रङ् कुरुस्‍ल ताबे येशु ॱयेङ्‌दु युङ हीम्‍ब ङल ॱस्‍यो़च्‍च्‍ये यो़त्।

लुका 1:13

ॱनी हुगी भङ्‌ज्‍येम्‍ब दीगी जकरीयाल ज्‍यीब मत् झ्‍यीत् जकरीया। रङ्‌गी ॱसुव तब को़न्‍ज्‍योक्‍की ॱसेन्‍न यो़क्‍केन् बेत्। रङ्‌गी नङ्‌जङ् एलीशीबाल भीज भु च्‍यीक् कीगेन् बेत्। हुगी मीङ् दील रङ्‌गी युहन्‍ना सीन्‍न तोज्‍यीत्।

लुका 12:32

मज्‍यु ॱयो़ च्‍युङेत्‍मुसो, ज्‍यीब मत् झ्‍यीज्‍यीत्। खीत्‍रङ्‌ल हुगी ज्‍यागक् हुगो ॱनङ्‌ज्‍येल खीत्‍रङ्‌गी यप् थु गुव यो़क्‍केन् बेत्।

ठीक्‍नल 27:24

ॱनी खोङ्‌गी ङल ज्‍यीब मत् झ्‍यीत् पावल्। रङ् घन्‍दुक् झ्‍यीन हीन्‍न अक्, सीजर् ज्‍याबी़ दोङ्‌दु ॱलीक्‍केन् बेत्। तेदे को़न्‍ज्‍योक्‍की रङ्‌ल थुज्‍यी ॱनङ्‌न, रङ्‌दङ् दल ढुल यो़क्‍केन् घयेत् कुरीक् छ्‌यीगेन् बेत् सीन्‍न ॱस्‍येच्‍च्‍युङ्।

रोमी 8:31

हुगो हीन्‍न ॱनी, हील हज्‍यरङ्‌गी घन्‍ड सीक्‍केन्? हज्‍यरङ्‌गी छ्‌यल को़न्‍ज्‍योक् यो़त्‍न ॱनी, हज्‍यरङ्‌गी डल ॱसु दी लोङ् छुगेन्?

हीब्रु 13:6

हीगो झ्‍यीनी हज्‍यरङ्‌ल ॱआर् ॱङीत्‍न, चोव ज्‍यीन्‍दक् ङे ज्‍यप्‍तक्‍ल यो़क्‍केन् झ्‍यीनी, ङल ज्‍यीब घन्‍ड अक् मीन्‍दुक्। ङल ॱसु दीगी घन्‍डे च्‍यो़न् तोङ् छुगेन्? सीन्‍न हज्‍यरङ्‌गी सीर् छुगेन् बेत्। (ॱसुङ्‌रप्‍की गुल्‍लु ११८:६)