Biblia Todo Logo
Bìoball air-loidhne

- Sanasan -




युहन्‍ना 8:54 - ल्होमी

54 ॱनी येशुगी लेम्‍बुल ङे ङरङ्‌ल तो़प्‍प ॱयेङ्‌गो़त्‍न, हुगो घो ॱमीत् छ्‌यो़क्‍की तो़प्‍प बेत्। ङल तो़प्‍प ङरङ्‌गी यप् च्‍यानी युङ्‌गेन् बेत्। ॱनी खीत्‍रङ्‌गी खोङ्‌ल ङीक्‍की को़न्‍ज्‍योक् हीन् सीन्‍न सीगुक्।

Faic an caibideil Dèan lethbhreac




युहन्‍ना 8:54
28 Iomraidhean Croise  

हीगो सीन्‍नी, येशुगी इगी तेङ् यी़ ङो़ल ॱमीक् तेन हीन्‍दुक् झ्‍यीन ॱसुव तब बेत्। पब ह धी़जो़त् ॱलीस्‍सोङ्। ॱरेबु च्‍यानी नीज्‍यरङ्‌ल तो़प्‍प युङ्‌ज्‍ये यो़प्‍पल नीज्‍यरङ्‌गी ॱरेबुल तो़प्‍प युङे लेमु जेत्‍रो ॱनङ्।


ॱस धङ् ॱनम् छ्‌यादु ची़प्‍पले एल्‍लानी यो़क्‍केन् पबरङ्‌दङ् दल यो़प्‍पे यङ्‌गी ङे तो़त्‍वङ् छ्‌यीम्‍मी़ ओ़च्‍च्‍य दी ह यङ् ङल ॱनङ्‌रो झ्‍यी।


येशुल तो़त्‍वङ् छ्‌यीम्‍मु यो़प्‍प हीम्‍ब दी खोङ्‌गी हीगी ले हीगी तो़म्‍ब बेत्। हुनी क ॱलोप्‍टुक् दीबे एक् खोङ्‌ल छ्‌य स्‍यक्‍प बेत्। गालीलागी कानादु जेप्‍पे येशुगी यीक् छ्‌यीम्‍मी़ लेगी ता हीगो ॱएन्‍स्‍युक्‍म दी बेत्।


हीगो मी घयेत् च्‍यानी तो़प्‍प लीन्‍ज्‍येल सीन्‍न ङे ॱस्‍यो़क्‍केन् मेन्।


ॱसी़ इक् को़न ॱमत् तङ, रोरङ् रङ्‌स्‍यीगी तम् ॱस्‍यो़क्‍केन् दीगी रोरङ्‌ल तो़प्‍प ॱयेङ्‌गेन् बेत्। ॱनी ॱसी़ रोरङ्‌ल मेम्‍ब, रोरङ् तोङ्‌गेल्‍ल तो़प्‍प ॱयेङ्‌गुक्‍क हुगो धक्‍केन् बेत्। हुल मीत् दीम्‍बे ढङ् च्‍यीक्‍तङ् मीत् युङ्‌गेन् बेत्।


हीगो म दी येशुगी रोरङ्‌ल छ्‌य स्‍योक्‍केन् घयेत्‍ल धम्‍बे थु थोप्‍केङ्‌गी ढीक्‍ल ॱस्‍येप्‍प बेत्। ॱनी हीगी यङ्‌ल येशु खोङ् रोरङ्‌गी तो़त्‍वङ् च्‍येम्‍मे ओ़च्‍च्‍यल मत् लोक्‍पल धम्‍बे थु तङ्‌न मत् युङ बेत्।


खीत्‍रङ्‌गी पबे झ्‍यीब दी डस्‍सी खीत्‍रङ्‌गी इक् झ्‍यीक्‍केन् बेत् झ्‍यीब बेत्। ॱनी हुबे लेल्‍ल ङीत् पब ॱयोङ्‌गी नली मेन्। ङीत्‍ल पब को़न्‍ज्‍योक् च्‍यीक् मेन्‍द मीत् झ्‍यीब बेत्।


ङे ङरङ्‌ल तो़प्‍प ॱमीत् ॱयेङ यो़त्। ङल तो़प्‍प युङ्‌दु ची़क्‍केन् धङ् ङल ठीम् तगेन् दी ॱयोङ् च्‍यीक् यो़क्‍केन् बेत्।


मेम्‍बेत्। हीगो हज्‍यरङ्‌गी पुबु ॱमुमु अब्राहाम्, इसहाक् धङ् याकुब्‍गी को़न्‍ज्‍योक्‍की खोङ् रोरङ्‌गी ॱयोक्‍पु येशु तो़त्‍वङ् च्‍येम्‍मे ओ़च्‍च्‍यल तो़म्‍ब बेत्। ॱनी येशु हुगो पीलातस्‍की तोङ्‌ज्‍ये ॱनो़ब झ्‍यीन अक्, खीत्‍रङ् घयेक्‍की पीलातस्‍ल मीत् युङेत् सीन्‍न येशु ॱसो़त्‍तु ची़प्‍प बेत्।


रोरङ्‌गी रोरङ्‌ल तो़प्‍प झ्‍यीक्‍को़त्‍न, हुगो हुल ओ़ब मीत् युङ्‌गेन् बेत्। ॱनी चोव ज्‍यीन्‍दक् च्‍येन्‍नी तो़प्‍प थोबे मी दीरङ् खोङ्‌गी थोङल ओ़ब युङ्‌गेन् बेत्।


ॱनी हुबे ॱस्‍येप्‍पे कलुङ् दी रोरङ्‌सो़ फेन्‍दोगी ढीक्‍ल मेम्‍ब, हुगो दङ् हरीङ् हज्‍यरङ्‌गी ढीक्‍ल धङ्‌बुदु को़न्‍ज्‍योक्‍की हुबल तो़न्‍न ॱस्‍यो़त्‍तु ची़प्‍प बेत्। ॱनी हुगो दङ् हरीङ्‌गी केच्‍च्‍य ॱनेम्‍बु हील डोगेन् बेत्। ॱनी दङ् हरीङ् हीगो ॱस्‍येत्‍न टोम्‍गेन् घयेत्‍ल तेङ् यी़नी तङे धम्‍बे थुगी दगु जेत्‍नी, हुबे खीत्‍रङ्‌ल हीगो जेङ् ॱस्‍येत्‍न यो़क्‍केन् बेत्। ॱनी हीगी केच्‍च्‍ये धो़न् हील तेङ् यी़गी भङ्‌ज्‍येम्‍ब घयेक्‍की इक् दो़न्‍दो़त् तगीन् थेप्‍प झ्‍युङ बेत्।


ख्रीष्‍ट् ढोङ्‌नरनी ॱसोम्‍बुल ॱलोङ्‌न ख्रीष्‍ट्‌ल तो़त्‍वङ् ॱनङ्‌गेङ्‌गी को़न्‍ज्‍योक्‍ल खीत्‍रङ् ख्रीष्‍ट्‌की लम्‍नी ॱलो खीन यो़क्‍केन् बेत्। हीन्‍दुक् झ्‍यीन को़न्‍ज्‍योक्‍ल खीत्‍रङ्‌गी ॱलो केन रीगो झ्‍यीक्‍केन् बेत्।


इगीनी मल्‍ल तो़त्‍वङ्‌गी ओ़च्‍च्‍य छ्‌यीम्‍मु च्‍येम्‍मे ॱसुङे ॱसुङ्‌गेत् च्‍यीक्‍ल हीगो ङे झ्‍यम्‍बे भु हीन्। हील ङ गुव दुक् सीरे ॱसुङ्‌गेत् हीगो युङे यङ्‌ल यप् को़न्‍ज्‍योक्‍की खोङ्‌ल तो़त्‍वङ् छ्‌यीम्‍मी़ ओ़च्‍च्‍य धङ् तो़प्‍प छ्‌यीम्‍मु ॱनङ्‌न युङ थोङ्‌ज्‍युङ्।


Lean sinn:

Sanasan


Sanasan