युहन्ना 8:44 - ल्होमी44 खीत्रङ् म दीरङ् दी़क्की चोवे भीज बेत्। ॱनी खीत्रङ्गी पबे धेत्मो़ दी डस्सी खीत्रङ्गी इक् झ्यीच्च्ये ॱनो़ब यो़क्केन् बेत्। हुगो धङ्बुनीरङ् मीस्सेन् यो़क्केन् बेत्। हुल म दीरङ् दीम्बे ज्यी़त् दीरङ् मीप्पल दीम्बदङ् दल दो़त् ॱमीत् छुगेन् बेत्। हुगो ॱएलम घयेक्की पब बेत्। हुगो ॱएलमे छङ् झ्यीनी, ॱएलम हुगी खोक्नी लेगी थो़ङ्गेन् बेत्। Faic an caibideil |
युहन्ना 8:44
41 Iomraidhean Croise
हीगी मीमङ् हीबे ॱसीम् दी म दीरङ् गट्टक्प खुर्नी, हीबे आम्ज्योक् दी इक् गानर, ॱमीक् दी इक् छुमीय यो़क्केन् बेत्। हीबे ॱसीम् दी गट्टक्प मीत्न ॱनी, स्येन् हीबे ॱमीक्की थोङेत् क ॱनी। हीबे आम्ज्योक्की नेम्ब दी इक् ॱह घोयेत् क ॱनी। हुनी हीब ङ च्याल लोक्न युङ्न ङे हीब ढक्तु ची़प्पेत् क ॱनी सीन्न को़न्ज्योक्की ॱस्येप्प थो़ङ्गेन् बेत्। (यशैया ६:९-१०)
इगीन तेङ् यी़गी भङ्ज्येम्ब घयेक्की रोरङ्सो़ ॱएङ्गी ॱवङ् च्योङ्ज्येमे ले दील ओ़ब मीत् झ्यीक्केन्, रोरङ्सो़ दो़स्स दी ॱलो़ तङ्न युङ घयेत् दी ठीम्ज्यो़क्की ङीन् छ्यीम्मु युङे धी़ थुक्ल खोङ्गी हुब घयेत् फु काब तोङ्गी ढीक्ल च्यागोङ् ज्यप्न मेन्नक्ल ॱलुक्न स्यक्न यो़क्केन् बेत्।
ॱसीम्ज्येन् ॱएम्मा दी च्येन्नी ॱवङ् थोप्न यो़प्पे ॱसीम्ज्येन् तीङ्मागी तो़म्बे यीक् छ्यीम्मी़ लेगी ता घयेत् दी थोङ्नी, जम्बुलीङ्गी मी घयेत् हुगी ॱयोङ्गोर्ल छ्यी़ डोगुक्। ॱनी पदङ्गी बेम्बे ॱम ॱसो़नरे ॱसीम्ज्येन् दी तो़च्च्येल जम्बुलीङ्गी मी घयेत्ल हीगी ॱसीम्ज्येन् तीङ्मा हीगी हुगी डवु दी सोदु ची़स्सोङ्।
ह हुन्दो हुगी युङ्गेङ्गी दुक्प हुल खीत्रङ् ज्यीब मत् झ्यीत्। खीत्रङ्ल छो़त्लीन् तज्येल दी़क्की चो हुगी खीत्रङ् यरी यरी चो़ल्ल ॱलुक्केन् बेत्। ॱनी स्यक्पु च्युजो़त् च्यीक् थुक् दुक्प नोङ्गेन् बेत्। ॱनी ॱस्यी गो़रङ् ॱस्यर्न आक्, थीरीय दो़त्। हुनी ज्येल थोबे थोप् छ्यीम्मी़ छीये स्यमुङ् दी ङे टेत् योङ्।
ॱनी ॱङीङ् च्युङेत्मु खुर्केन्, छ्य मीत् स्योक्केन्, स्यीलोक्सीगी ले झ्यीक्केन्, मीस्सेन्, छ्ये ज्युक्केन्, जुम्डी़ तो़ङ्गेन्, ॱल्ह धङ् कुल छ्यक् छ्यो़प्प पुगेन् धङ् ॱएजङ हुन्दुक् झ्यीब कुरीक् हुब घयेक्की दो़स्स दी मुसी धङ् मी बर्से छोल युङ्गेन् बेत्। हील ॱस्यीव तीङ्मा सीक्केन् बेत् ॱसुङ्ज्युङ्।
Sanasan