युहन्‍ना 8:11 - ल्होमी

¹¹ ॱनी भुमु दीगी लेल्‍ल ला ॱसी़ इक् केमोङ्। हुनी येशुगी ङ अक् रङ्‌ल छ्‌येप्‍प ॱमीत् को़। ह लोक्‍ल ज्‍युक्। हीनी झ्‍यीब दी फीच्‍च्‍य यङ् दीक्‍प मत् झ्‍यीत् झ्‍यीब बेत्।]

युहन्‍ना 8:11 Iomraidhean Croise

लुका 13:3

ङे ॱस्‍येत् योङ्। हुगो मेम्‍बेत्। ॱनी मेन्‍न अक्, खीत्‍रङ्‌गी ॱसीम् दी ॱएङ्‌गी लम्‍नी ज्‍युर्न मत् युङ्‌न ॱनी, खीत्‍रङ् ॱअङ् खरप्‍ल डोगेन् बेत्।

लुका 13:5

ङे ॱस्‍येत् योङ्। हुगो मेम्‍बेत्। ॱनी मेन्‍न अक्, खीत्‍रङ्‌गी ॱसीम् दी ॱएङ्‌गी लम्‍नी ज्‍युर्न मत् युङ्‌न ॱनी, खीत्‍रङ् ॱअङ् खरप्‍ल डोगेन् बेत् सीन्‍न ॱसुङ बेत्।

लुका 15:10

ङे खीत्‍रङ्‌ल ॱस्‍येत् योङ्। हुगो डस्‍सीरङ् दीक्‍च्‍येन् च्‍यीक् ॱसीम् ज्‍युर्न युङ्‌न ॱनी, इगीदु को़न्‍ज्‍योक्‍की भङ्‌ज्‍येम्‍ब घयेत् हुगी ढीक्‍ल गेस झ्‍यीक्‍केन् बेत् सीन्‍न ॱसुङ बेत्।

लुका 15:32

रङ्‌गी मीङ्‌बु ॱस्‍यीनर डस्‍सील ॱसोङ ॱसोम्‍बुल लोङ्‌ज्‍युङ्। तोर्न खुर यङ् ॱङीच्‍च्‍युङ्। हुगो झ्‍यीनी गेस मत् झ्‍यीबे ॱनी सीन्‍न सीक्‍केन् बेत्।

लुका 15:7

ङे खीत्‍रङ्‌ल ॱस्‍येत् योङ्। हुगो डस्‍सीरङ् को़न्‍ज्‍योक्‍की मी ढङ्‌बु, ॱसीम् ज्‍युर् मीत् गो़गेन्, गुप्‍च्‍यु घोर्कुले दीक्‍च्‍येन् च्‍यीक् ॱसीम् ज्‍युर्न युङे ढीक्‍ल गेस छ्‌यीया तेङ् यी़दु युङ्‌गेन् बेगो।

लुका 5:32

ङ ॱनी छ्‌यो़डीम्‍ल चीगेन् मी ढङ्‌बु घयेत्‍ल मेम्‍ब, दीक्‍च्‍येन् घयेत् ॱसीम् ज्‍युर्न युङ्‌ज्‍ये यो़प्‍पल भो़त्‍तु युङ हीन् सीन्‍न ॱसुङ बेत्।

लुका 9:56

कोलीमीगी ॱरेबु मी घयेत् खरप्‍ल तोङ्‌दु युङ मेम्‍ब, छी थर्वल तो़न्‍दु युङ बेत् सीन्‍न] लप्‍स्‍य तङ बेत्। हुनी खोङ्‌जोसो यु ॱयोङ् च्‍यीक्‍ल फीम्‍ब बेत्।

युहन्‍ना 18:36

हीगी लेल्‍ल येशुगी जम्‍बुलीङ् हीगी लेमु डस्‍सी ङे ज्‍यागक्‍की लेमु मीत् युङ्‌गेन् बेत्। ॱनी हीगी लेमु डस्‍सी युङ्‌गो़त्‍न त, यहुदी छ्‌यीया घयेक्‍की लक्‍ल ङ ॱस्‍योर्तु ॱमीत् ची़प्‍प, ङ छ्‌योगी मी घयेत् युङ्‌न थुक्‍पेत् क ॱनी। ङे ज्‍यागक् म दीरङ् जम्‍बुलीङ् हीनी थो़म्‍ब मेम्‍बेत् झ्‍यीब बेत्।

युहन्‍ना 3:17

को़न्‍ज्‍योक्‍की खोङ् रोरङ्‌गी ॱरेबु जम्‍बुलीङ्‌गी मी घयेत्‍ल छ्‌येप्‍प को़दु मेम्‍ब, छी थर्वल तो़न्‍दु तङ्‌न युङ बेत्।

युहन्‍ना 5:14

ॱनी तीङ्‌ला यङ् छ्‌यो़गङ्‌दु येशुल हुगी मी दी ठेप्‍प बेत्। ॱनी येशुगी हुल ह रङ् ढक् छर बेत्। ह दीक्‍प मत् झ्‍यीत्। स्‍येन् रङ् एल्‍लाले हरुङ् दुक्‍पा युङ् छुगेन् बेत् झ्‍यीब बेत्।

युहन्‍ना 8:15

खीत्‍रङ्‌गी कोलीमीगी लुसे ठीम् च्‍यो़क्‍केन् बेत्। ङे ॱसुल आक् हुन्‍दुक् झ्‍यीबे ठीम् ॱमीत् च्‍यो़प्‍प यो़त्।

रोमी 2:4

को़न्‍ज्‍योक्‍की घन्‍दुक्‍मे गय धङ् ङङ्‌रीन् धङ् गुर् थेक्‍प जेक्‍कुक्‍क हुगो खोक्‍की आक्‍तोक्‍ल तोङ्‌गेन् ॱनी? खोङ् हुन्‍दुक्‍मे गय यो़क्‍केन् हुगो रङ्‌गी ॱसीम् दी ॱएङ्‌गी लम्‍नी ज्‍युर्न युङ्‌गो़ट्‌टो ॱनो़बे ढीक्‍ल बेत्। हीगो खोक्‍की ॱह मीत् घोयेक्‍क ॱनी?

१ कोरीन्‍थी 5:12

छ्‌यी मी घयेत्‍ल ठीम् च्‍यो़त् गोगेङ्‌गी ले ङे मेम्‍बेत्। हुगो को़न्‍ज्‍योक्‍की ले बेत्। ॱनी छ्‌यो़ छो नङ्‌गी ठीम्‍ज्‍यो़त् खीत्‍रङ्‌गी च्‍यो़त् गोगेन् बेत्। ॱसुङ्‌रप्‍ल थो़ङ्‌गेन् बेत्। खीत्‍रङ्‌गी घुङ्‌न मी ङेम्‍ब ॱसु यो़दङ् हुगो तो़न्‍न दीच्‍च्‍यीत्। (ठीम्‍लु १७:७)

२ पत्रुस् 3:15

ॱनी हीगो ॱह घोव झ्‍यीज्‍यीत्। हज्‍यरङ्‌गी चोव ज्‍यीन्‍दक् ङङ्‌रीन् छ्‌यीम्‍मु झ्‍यीन स्‍युज्‍येगी धो़न् दी कुरीक् थर्न युङ्‌ज्‍येगी ढीक्‍ल बेत्। हीगी ढीक्‍ल हज्‍यरङ्‌गी झ्‍यम्‍बे पी़न्‍ज्‍या पावल्‍की इक् रोरङ्‌ल को़न्‍ज्‍योक्‍की ॱनङे धो़र्रीक्‍की केच्‍च्‍य खीत्‍रङ् घयेत्‍ल ढीन तङ्‌दुक्।