युहन्‍ना 7:7 - ल्होमी

⁷ जम्‍बुलीङ्‌गी मी घयेक्‍की खीत्‍रङ्‌ल ॱङीङ्‌मदुक् मीत् झ्‍यीक्‍केन् बेत्। मी घयेक्‍की ले ङेम्‍ब घयेत् ङे तो़ङ्‌गेन् झ्‍यीनी, ङलरङ् ॱङीङ्‌मदुक् झ्‍यीक्‍केन् बेत्।

युहन्‍ना 7:7 Iomraidhean Croise

लुका 6:26

मी ॱयोङ्‌म घयेक्‍की खीत्‍रङ्‌ल तो़च्‍च्‍य झ्‍यीन, हुगो घन्‍डे दुक्‍प। घन्‍ड हीन् सीन्‍न धङ्‌बुदु उक् कलुङ् जी़म ॱस्‍यो़क्‍केन् घयेत्‍ल हुबे पुबु ॱमुमु घयेक्‍की नुक् दीरङ् झ्‍यीन युङ बेत् सीन्‍न ॱसुङ बेत्।

युहन्‍ना 17:14

नीज्‍यरङ्‌गी तो़म्‍बे ॱसुङ्‌स्‍येत् घयेत् ङे हीबल ॱस्‍येत्‍न टेप्‍पेन्। ॱनी ङ हीगी मेम्‍ब डस्‍सी हीब अक् जम्‍बुलीङ् हीगी मुजङ् च्‍यीक्‍की मेम्‍बल जम्‍बुलीङ्‌गी मी घयेक्‍की हीबल ॱङीङ्‌मदुक् झ्‍यीक्‍केन् बेत्।

युहन्‍ना 3:19

हीन जम्‍बुलीङ्‌ल मेङ्‌ग ॱलीत् छर बेत्। ॱनी ॱलीत्‍न आक्, मी घयेत् म दीरङ् मेन्‍नक्‍की ङेम्‍बे ले झ्‍यीक्‍केल्‍ल ॱसोङ्‌नी, मेङ्‌गले एक् मेन्‍नक् दम्‍बा झ्‍यीक्‍केन् बेत्। हुगो झ्‍यीनी क, छ्‌येप्‍प दी फोक्‍केन् बेत्।

रोमी 8:7

कोलीमी रोरङ् रङ्‌स्‍यीगी ॱसीम् ङो़ल तोङ्‌गेन् हुगो को़न्‍ज्‍योक्‍की डल डोगेन् बेत्। हुगो को़न्‍ज्‍योक्‍की छ्‌यो़डीम्‍गी ॱवङ्‌गी होक्‍ल मीत् दो़क्‍केन् बेत्। म दीरङ् दो़त् ॱमीत् छुगेन् बेत्।

गलाती 4:16

ॱनी हीन्‍दुक्‍मे गय यो़प्‍पल खीत्‍ल ङे दीम्‍बे केच्‍च्‍य ॱस्‍येप्‍पल ङ खीक्‍की डल लोङल डोगेन् बेक्‍क ॱनी?

याकुब् 4:4

खीत्‍रङ् हुन्‍दुक् झ्‍यीन ॱनी, छ्‌येमु डस्‍सी युङ्‌गेन् बेत्। जम्‍बुलीङ्‌दङ् छ्‌यीट्‌टो झ्‍यीन ॱनी, हुगो को़न्‍ज्‍योक्‍ल ड झ्‍यीबल डोगेन् बेत् सीर खीत्‍ल ॱस्‍यो़च्‍च्‍ये मीप्‍प? ॱनी मी ॱसी़ जम्‍बुलीङ्‌दङ् छ्‌यीट्‌टो झ्‍यीच्‍च्‍ये ॱनो़न झ्‍यीगुक्‍क हुगो को़न्‍ज्‍योक्‍की डल डोगेन् बेत्।

१ युहन्‍ना 4:5

हुब जम्‍बुलीङ् ङो़गी झ्‍यीनी, हुबे जम्‍बुलीङ् ङो़गी केच्‍च्‍यरङ् ॱस्‍यो़क्‍केन् बेत्। ॱनी जम्‍बुलीङ् ङो़गी मी इक् हुबे तम्‍ल नेङ्‌गेन् बेत्।