युहन्‍ना 7:32 - ल्होमी

³² ॱनी हीगो डस्‍सी येशुगी ढीक्‍ल मी गज्‍येङ्‌गी केत्‍मीत्‍ल तम्‍स्‍यु लब फरीसी घयेक्‍की ॱह घोव बेत्। ॱह घोनी, हुब घयेत् धङ् छ्‌यो़प्‍पो़न् चो छ्‌यीया घयेक्‍की छ्‌यो़गङ्‌गी गोराब यरीबल येशु सील्‍लेत् सीन्‍न तङ बेत्।

युहन्‍ना 7:32 Iomraidhean Croise

मत्‍ती 12:14

हुनी फरीसी दीब छ्‌यील थो़न्‍न फीन्‍न येशु घन्‍दुक् झ्‍यीन ॱसो़क्‍केन्? सीन्‍न ढो़ झ्‍यीब बेत्।

मत्‍ती 23:13

छ्‌यीलेल नङ् मत् लेब खीत्‍रङ् छ्‌यो़डीम्‍गी चयेलम घयेत् धङ् फरीसी घयेत् घन्‍डे दुक्‍प। घन्‍ड हीन् सीन्‍न मी घयेत्‍ल तेङ् यी़गी ज्‍यागक्‍की लम् कक्‍न स्‍यक्‍न खीत्‍रङ् ॱअङ् मीत् स्‍युक्। ॱयोङ्‌म स्‍युक्‍केल्‍ल अक् क च्‍यो़क्‍केन् बेत्।

मत्‍ती 26:58

ॱनी पत्रुस् येशुगी तीङ्‌जो़त् तीङ्‌जो़त्‍ल युङ्‌न खोङ्‌ल घन्‍ड झ्‍यीक्‍को़दङ् ॱनो़न छ्‌यो़प्‍पो़न् चो छ्‌यीस्‍स्‍योगी खीम्‍गी च्‍यारी दीगी नङ्‌ल स्‍युन हुदु हुगी मी ॱयोक्‍पु दीबदङ् दल देप्‍प बेत्।

युहन्‍ना 11:46

ॱनी हुब यरी यङ् फरीसी घयेत् च्‍याल फीन्‍न येशुगी जेप्‍पे ले हीगो ॱस्‍येत्‍न टेप्‍प बेत्।

युहन्‍ना 12:19

ॱनी यङ् फरीसी घयेत् दीब रोरङ्‌सो ॱनम्‍बु घन ॱनी, हज्‍यरङ्‌गी ढो़ झ्‍यीब दी? ह थोङ्‌गुक्‍कक्? ह तो़दे। जम्‍बुलीङ् दीरङ् जेङ् हुगी तीङ्‌ल टप् डोगुक् झ्‍यीब बेत्।

युहन्‍ना 18:3

ॱनी हुदु छ्‌यो़प्‍पो़न् चो छ्‌यीया घयेत् धङ् फरीसी घयेक्‍की तङे छ्‌यो़गङ्‌गी गोराब घयेत् धङ् ॱमक्‍मी ॱहुद च्‍यीक् छो़न्‍ज्‍य खुर्न युङ बेत्। छेम्‍मु झ्‍यीनी, हुबे मीदङ् धङ् बत्‍ती पेक्‍न युङ बेत्। ॱनी हुब घयेत्‍ल ज्‍यी़ तो़न्‍दु यहुदा दी हुबदङ् दल युङ बेत्।

युहन्‍ना 7:30

हीगो ॱह घोनी, हुगी मी दीबे येशु सुङ्‌ज्‍येम गीम्‍ब बेत्। ॱनी को़न्‍ज्‍योक्‍की थुल यो़प्‍पे धी़ दी ॱमत् ॱलीबल ॱसी़ इक् येशुल लक् ज्‍यक् ॱमत् छुब बेत्।

ठीक्‍नल 5:26

ॱनी हीगो ॱह घोनी, हुगी पेम्‍बु दीगी रोरङ्‌गी होक्‍की गोराब घयेत् दी ठीक्‍न छ्‌यो़गङ्‌नी ठीक्‍नल दीब ठीक्‍तु फीम्‍ब बेत्। ॱनी गोराब दीबे हुनी खेरक् तङ्‌न ठीक्‍न ॱनी, मीमङ् घयेत् छ्‌योरी लङ्‌न दोर्तुङ् बेङ्‌गो़ट्‌टो ॱनो़न ज्‍यीबे हुबे ज्‍यम्‍गी झ्‍यीन ठीक्‍प बेत्।