युहन्‍ना 7:30 - ल्होमी

³⁰ हीगो ॱह घोनी, हुगी मी दीबे येशु सुङ्‌ज्‍येम गीम्‍ब बेत्। ॱनी को़न्‍ज्‍योक्‍की थुल यो़प्‍पे धी़ दी ॱमत् ॱलीबल ॱसी़ इक् येशुल लक् ज्‍यक् ॱमत् छुब बेत्।

युहन्‍ना 7:30 Iomraidhean Croise

मत्‍ती 12:14

हुनी फरीसी दीब छ्‌यील थो़न्‍न फीन्‍न येशु घन्‍दुक् झ्‍यीन ॱसो़क्‍केन्? सीन्‍न ढो़ झ्‍यीब बेत्।

मत्‍ती 21:46

ॱनी हुबे येशु सुङ्‌ज्‍ये ॱनो़ब झ्‍यीब बेत्। ॱनी हीन्‍न अक्, मी घयेत्‍ल हुब ज्‍यीब बेत्। घन्‍ड हीन् सीन्‍न मी घयेक्‍की येशु कलुङ् ॱस्‍यो़क्‍केन् बेत् सीन्‍न ॱसम्‍गो़प्‍प बेत्।

मर्कुस् 11:18

हीगी केच्‍च्‍य हीगो छ्‌यो़प्‍पो़न् चो छ्‌यीया धङ् छ्‌यो़डीम्‍गी चयेलम घयेक्‍की ॱह घोनी हुबे येशु ॱसो़च्‍च्‍येमे झ्‍यी़ तेब बेत्। ॱनी यङ् खोङ्‌ल ज्‍यीब बेत्। घन्‍ड हीन् सीन्‍न मीमङ् घयेत् दी खोङ्‌गी ॱलोप्‍स ज्‍यबल गन्‍दीक्‍म ॱह लेसी छोको़र्प्‍प बेत्।

लुका 20:19

ॱनी छ्‌यो़डीम्‍गी चयेलम घयेत् धङ् छ्‌यो़प्‍पो़न् चो छ्‌यीया घयेत् दीबे हुगी यङ्‌लरङ् हुबे येशु सुङ्‌ज्‍ये ॱनो़ब झ्‍यीब बेत्। ॱनी हीन्‍न अक्, हुब मी घयेत्‍ल ज्‍यीब बेत्। खोङ्‌गी ॱलीङ्‌दम् हुगो हुबे रोरङ्‌सो़ ढीक्‍ल ॱस्‍येच्‍च्‍युङ् ॱनो़ब ॱह घोव बेत्।

लुका 22:53

ङ छीगङ् ङीन् रीम फो़स्‍स्‍यी छ्‌यो़गङ्‌गी च्‍यारीदु दो़प्‍पे यङ्‌ल खीक्‍की ङ घन्‍डल मत् सुङ? हुन्‍दो क मेन्‍नक्‍की ॱवङ् दी युङ्‌न खीत्‍रङ्‌गी धी़ दी ॱलीब बेत् सीन्‍न ॱसुङ बेत्।

युहन्‍ना 10:31

हीगो ॱह घोनी, यहुदी छ्‌यीया दीबे येशु ॱसो़च्‍च्‍येमल दोर्तुङ् बेन्‍ज्‍येम डुब बेत्।

युहन्‍ना 10:39

हुनी हुबे यङ् येशु सुङ्‌ज्‍येम झ्‍यीब बेत्। हुनी हुब घयेक्‍की घुङ्‌नी खोङ् ॱसीर् थो़न्‍न टप्‍नर बेत्।

युहन्‍ना 11:57

छ्‌यो़प्‍पो़न् चो छ्‌यीया घयेत् धङ् फरीसी घयेक्‍की येशु सुङ्‌ज्‍येल मीमङ् घयेत्‍ल येशु घन यो़त्‍न अक्, यो़प्‍प दी ॱह घोन ॱस्‍यो़त् गोगेन् बेत् सीरे क एल्‍लादु टेत्‍न यो़प्‍प बेत्।

युहन्‍ना 7:19

छ्‌यो़डीम् हुगो खीत्‍रङ्‌ल धङ्‌बुदु मोशागी ॱनङ मेम्‍बेक्‍क ॱनी? ॱनी हुल खीत्‍रङ् ॱसी़ इक् मीत् नेङ्‌गेन् बेत्। हरुङ्‌द खीत्‍रङ्‌गी ङ ॱसो़क्‍केन् सीगुक्। घन्‍डे ढीक्‍ल ॱसो़क्‍केन्? झ्‍यीब बेत्।

युहन्‍ना 7:32

ॱनी हीगो डस्‍सी येशुगी ढीक्‍ल मी गज्‍येङ्‌गी केत्‍मीत्‍ल तम्‍स्‍यु लब फरीसी घयेक्‍की ॱह घोव बेत्। ॱह घोनी, हुब घयेत् धङ् छ्‌यो़प्‍पो़न् चो छ्‌यीया घयेक्‍की छ्‌यो़गङ्‌गी गोराब यरीबल येशु सील्‍लेत् सीन्‍न तङ बेत्।

युहन्‍ना 7:6

ॱनी येशुगी हुबल हुन्‍दो ङ हुदु डो मत् रेम्‍ब बेत्। खीत्‍रङ् घयेत् नम् फीन्‍न आक्, डीक्‍केन् बेत्।

युहन्‍ना 7:8

खीत्‍रङ् धी़रीम्‍ल ज्‍युक्। ङ हुन्‍दो डोये धी़ ॱमत् ॱलीबल मीत् डो सीन्‍न

युहन्‍ना 8:20

हीगी तम् हीगो छ्‌यो़गङ्‌गी च्‍यारीदु पयीसक् पुसे लोदु येशुगी ॱलोप्‍स ज्‍यप्‍न ॱस्‍यो़प्‍पे यङ्‌ल झ्‍यीब बेत्। ॱनी हुदु कुरीक्‍की थोङ्‌सल ॱस्‍येत्‍न आक्, खोङ्‌गी धी़ दी ॱमत् ॱलीबल ॱसी़ इक् मत् सुङ बेत्।

युहन्‍ना 8:37

खीत्‍रङ् अब्राहाम्‍गी ज्‍यी़त् हीम्‍ब ङल ॱस्‍यो़च्‍च्‍ये यो़त्। ॱनी हीन्‍न अक्, खीत्‍रङ्‌गी ॱसीम्‍ल ङे केच्‍च्‍य दीरङ् मीत् स्‍युक्‍पल ङ ॱसो़च्‍च्‍येमल झ्‍यी़ तगेन् बेत्।

युहन्‍ना 8:59

हीगो सीन्‍नी, हुब घयेक्‍की येशुल दोर्तुङ् बेन्‍ज्‍येम दो डुब बेत्। हुनी येशु मी घयेक्‍की छीक्‍नी फल्‍ल इप्‍तामु झ्‍यीन च्‍यारीनी छ्‌यील थो़न्‍न टप्‍नर बेत्।

युहन्‍ना 9:4

ङ तोङ्‌गेङ्‌गी ॱङाबे ले ङीन् यो़त्‍तोक्‍ल हज्‍यरङ्‌गी झ्‍यीत् गोगेन् बेत्। नम् ॱरो़नी, छेम्‍मु ॱसी़ इक् ले झ्‍यीत् ॱमीत् छुगेन् बेत्।