युहन्‍ना 7:10 - ल्होमी

¹⁰ खोङ्‌गी मीङ्‌बु दीब ॱसोङ्‌नी, हुनी येशु उक् हुबे तीङ्‌ल ॱमत् थोङाल यरुशलेम्‍ल फीम्‍ब बेत्।

युहन्‍ना 7:10 Iomraidhean Croise

मत्‍ती 10:16

तेदे च्‍यङ्‌गु घयेक्‍की छीक्‍ल लुक् तङ डस्‍सी खीत्‍रङ् तोङ्‌गेनो। हीगो झ्‍यीनी डी़ डस्‍सी च्‍यङ्‌जो़त् झ्‍यीज्‍यीत्। पुक्‍मु डस्‍सी ॱयुङ्‌बोक्‍म झ्‍यीज्‍यीत्।

मत्‍ती 12:46

येशुगी हुन्‍दुक् झ्‍यीन नङ्‌दु मी घयेत्‍ल केच्‍च्‍य ॱस्‍यो़प्‍पे यङ्‌ल खोङ्‌गी आम धङ् पी़न् दीब युङ बेत्। ॱनी हुब येशुदङ् केच्‍च्‍य लप्‍च्‍ये ॱनो़न छ्‌यी दीन यो़प्‍प बेत्।

मत्‍ती 3:15

ॱनी हील येशुगी ॱअल हन्‍देङ्‌गी हीगो रङ्‌गीरङ् झ्‍यीत्‍रो झ्‍यी। हीन्‍दुक् झ्‍यीन हज्‍यरङ्‌गी को़न्‍ज्‍योक्‍की कल यो़प्‍प घयेत् डुब झ्‍यीदोङ्। हुनी हुल युहन्‍नागी नेन्‍न येशु बप्‍तीस्‍ल ॱलुक्‍प बेत्।

मर्कुस् 3:21

ॱनी येशुगी ढीक्‍की केच्‍च्‍य घयेत् दी खोङ् रोरङ्‌गी फम पी़न् घयेत् दीगी ॱह घोनी, खोङ् ठीक्‍तु हुब युङ बेत्। घन्‍ड हीन् सीन्‍न मी घयेक्‍की खोङ्‌ल हुगो ॱनोबु हीम्‍ब न? सीन्‍न झ्‍यीब हीङ्‌गो़प्‍प बेत्।

युहन्‍ना 11:54

हुगो झ्‍यीनी, येशु यहुदी छ्‌यीया घयेक्‍की थोङ्‌सल ॱमत् थो़म्‍ब, एफ्रैम् सीक्‍केन् सार् च्‍यीक्‍ल फीन्‍न ॱलोप्‍टुक् दीबदङ् हुदु देप्‍प बेत्। हुगो पक्‍क झ्‍यङ्‌दङ्‌गी लोल ॱनेगो़प्‍प बेत्।

युहन्‍ना 7:3

ॱनी येशुगी मीङ्‌बु दीबे खोङ्‌ल रङ् यहुदीयागी लुङ्‌बल ज्‍युक्, हुदु उक् रङ्‌गी झ्‍यीप्‍पे ले घयेत् दी रङ्‌गी ॱलोप्‍टुक् घयेक्‍की थोङ्‌ज्‍येल।

युहन्‍ना 7:5

ॱनी म दी येशुगी मीङ्‌बु दीबे एक् येशुल छ्‌य मीत् स्‍योक्‍को़प्‍प बेत्।

युहन्‍ना 7:9

हुनी येशु गालीलादुरङ् देप्‍प बेत्।

गलाती 4:4

हुनी को़न्‍ज्‍योक्‍की एल्‍ला स्‍यक्‍पे हुगी धी़जो़त् दी ॱलीत्‍नी, को़न्‍ज्‍योक्‍की खोङ्‌गी ॱरेबु इगीनी मल्‍ल तङ बेत्। हज्‍यरङ् छ्‌यो़डीम्‍गी होक्‍नी ॱली़न, को़न्‍ज्‍योक्‍की भीजल युङ् छुज्‍ये यो़प्‍पल को़न्‍ज्‍योक्‍की ॱरेबु कोलीमीगी भुमुल कीन, छ्‌यो़डीम्‍गी होक्‍ल देप्‍प बेत्।