युहन्‍ना 6:2 - ल्होमी

² ॱनी येशुगी नेप्‍प ढक्‍तु ची़त्‍न, यीक् छ्‌यीम्‍मी़ लेगी ता गज्‍येन् झ्‍यीप्‍प मी घयेक्‍की थोङ्‌नी, हुदु उक् येशुगी तीङ्‌ल मी छेत्‍मीत् युङ बेत्।

युहन्‍ना 6:2 Iomraidhean Croise

मत्‍ती 12:15

ॱनी हुगी ढो़ दी येशुगी ॱह घोनी खोङ् ॱयोङ्‌ल झ्‍यो़न्‍नर बेत्। ॱनी खोङ्‌गी तीङ्‌ल मी गज्‍येन् तीङ् दीत्‍न युङ्‌नी, हुबे घुङ्‌न यो़प्‍पे नेप्‍प घयेत् दी खोङ्‌गी कुरीक् ढक्‍तु ची़प्‍प बेत्।

मत्‍ती 13:2

ॱनी हुदु खोङ् च्‍येल्‍ल मी छेत्‍मीत् जोम्‍न युङ बेत्। ॱनी मी मङ् ढानी, खोङ् छो़ थोक्‍तु ढुल स्‍युन देप्‍प बेत्। मी घयेत् दी छो़ छीगदु देप्‍प बेत्।

मत्‍ती 14:14

ॱनी येशुसो पारीगी हुगी ॱसने दील ॱलीत्‍न ढु दीनी छ्‌यील थो़न्‍न फीन्‍नी, उन मी छेत्‍मीत् ॱलीत्‍न यो़प्‍प ठेप्‍प बेत्। ॱनी खोङ् हुब घयेत्‍ल ॱङीङ् छन उन घङ् यो़प्‍पे नेप्‍प घयेत् दी ढक्‍तु ची़प्‍प बेत्।

मत्‍ती 8:1

हुनी येशु लदोक् दीनी मल्‍ल भप्‍न युङ्‌नी, हुनी खोङ्‌गी तीङ्‌ल मी छेत्‍मीत् युङ बेत्।

मर्कुस् 1:45

ॱनी तङ्‌न आक्, हुगी मी दीगी हुनी फीन्‍नी हीगी केच्‍च्‍य हीगो घल अक् ॱस्‍येत्‍न टम्‍ब बेत्। हुनी म दीरङ् येशु मीमङ्‌गी थोङ्‌सल सार् घयेत्‍ल स्‍युक् ॱमत् छुब, रीगल डो गो़ ॱस्‍यर बेत्। ॱनी रीगदु उक् खोङ् च्‍याल मी गज्‍येन् घनी इक् च्‍यीनी इक् जोम्‍न युङ बेत्।

मर्कुस् 6:33

हुनी मी घयेत् दीगी खोङ्‌जोसो ढुल स्‍युन डोव थोङ्‌न खोङ् ङु ॱस्‍यीनी, हुनी सार् घयेत्‍नी मी गज्‍येन् युङ्‌न हुब कङ्‌दङ् छो़ छीगनी फल्‍ल ज्‍युन फीन्‍न हुगी ॱसने दील खोङ्‌जोसोले मी घयेत् दी एल्‍ला ॱलीब बेत्।

युहन्‍ना 11:47

हीगो ॱस्‍येत्‍नी, फरीसी घयेत् धङ् छ्‌यो़प्‍पो़न् चो छ्‌यीया घयेत् ॱयप्‍न छ्‌यो़गी छोक्‍तेन् छ्‌यीम्‍मु छुन, हुबे हीन्‍दुक् झ्‍यीबे ढो़ झ्‍यीब बेत्। हज्‍यरङ् ह घन्‍ड झ्‍यीक्‍केन्? हुगी मी हुगी ॱनी यीक् छ्‌यीम्‍मी़ लेगी ता गज्‍येन् तो़ङ्‌गुक्।

युहन्‍ना 12:18

ॱनी हुन्‍दुक्‍मे यीक् छ्‌यीम्‍मी़ लेगी ता तो़म्‍ब ॱह घोनी, हुनी मी घयेत् येशुल ॱसुमी़ झ्‍यीत्‍तु युङ हीङ्‌गो़प्‍प बेत्।

युहन्‍ना 12:37

मी घयेक्‍की थोङ्‌सल येशुगी यीक् छ्‌यीम्‍मी़ लेगी ता गज्‍येन् झ्‍यीन तो़न्‍न आक्, हुब गज्‍येङ्‌गी खोङ्‌ल छ्‌य मत् स्‍यक्‍प बेत्।

युहन्‍ना 2:11

येशुल तो़त्‍वङ् छ्‌यीम्‍मु यो़प्‍प हीम्‍ब दी खोङ्‌गी हीगी ले हीगी तो़म्‍ब बेत्। हुनी क ॱलोप्‍टुक् दीबे एक् खोङ्‌ल छ्‌य स्‍यक्‍प बेत्। गालीलागी कानादु जेप्‍पे येशुगी यीक् छ्‌यीम्‍मी़ लेगी ता हीगो ॱएन्‍स्‍युक्‍म दी बेत्।

युहन्‍ना 2:23

ॱनी हुगी धी़रीम्‍गी यङ्‌ल यरुशलेम्‍दु येशुगी यीक् छ्‌यीम्‍मी़ लेगी ता गज्‍येन् झ्‍यीन तो़म्‍ब थोङ्‌नी, मी गज्‍येङ्‌गी खोङ्‌ल छ्‌य स्‍यक्‍प बेत्।

युहन्‍ना 20:30

ॱनी हील ढीन मत् स्‍यक्‍प, येशुगी यीक् छ्‌यीम्‍मी़ लेगी ता गज्‍येन् रोरङ्‌गी ॱलोप्‍टुक् दीबे थोङ्‌सल जेत्‍न तो़म्‍ब बेत्।

युहन्‍ना 3:2

हुगो गोङ् च्‍यीक् येशु च्‍याल युङ्‌न हुगी येशुल रब्‍बी नीज्‍यरङ् को़न्‍ज्‍योक्‍की को़न तङे चयेलम हीम्‍ब ङीक्‍की ॱह घोज्‍युङ्। चयेलमरङ्‌गी ज्‍यप्‍तक्‍ल को़न्‍ज्‍योक् मीत्‍न ॱनी, नुक्‍मे यीक् छ्‌यीम्‍मी़ लेगी ता मी ॱसी़ इक् झ्‍यीत् ॱमीत् छुगेन् बेत् झ्‍यीब बेत्।

युहन्‍ना 6:14

ॱनी हुगी मी घयेत् दीबे हीन्‍दुक् झ्‍यीबे यीक् छ्‌यीम्‍मी़ लेगी ता झ्‍यीप्‍प थोङ्‌नी, हुब रोरङ्‌सो नङ्‌दु जम्‍बुलीङ्‌ल को़न्‍ज्‍योक्‍की कलुङ् ॱस्‍यो़क्‍केन् च्‍यीक् तोङ्‌गेन् सीक्‍केन् दी हीगो हीङ्‌गो़प्‍पेत् सीन्‍न लप्‍री चीय बेत्।

युहन्‍ना 6:22

ॱनी छो़ फज्‍योगी छीगदु देत् तङे मी घयेत् दीगी उन ढु च्‍यीगी च्‍यीक् यो़प्‍प दील येशु मेम्‍ब, ॱलोप्‍टुक् दीबरङ् क स्‍युन डोव थोङ हीङ्‌गो़प्‍प बेत्।

युहन्‍ना 6:26

ॱनी येशुगी लेम्‍बुल खीत्‍रङ्‌ल ङे गन्‍दीय ॱस्‍येत् योङ्। खीत्‍रङ् घयेक्‍की यीक् छ्‌यीम्‍मी़ लेगी ता तो़म्‍ब थोङ्‌नी, ङ ॱयेङ्‌गेन् मेम्‍ब, ङ च्‍यानी सम डङ् डङ् ॱनोङ्‌गुक् ॱनो़न ॱयेङ्‌गेन् बेत्।

युहन्‍ना 6:30

ॱनी हुगी मी दीबे ङीत् घन्‍डल तेन, खो़त्‍ल छ्‌य स्‍योक्‍च्‍ये? धङ्‌बु हज्‍यरङ्‌गी पुबु ॱमुमु घयेत् पक्‍क झ्‍यङ्‌दङ्‌दु गीरे यङ्‌ल हुबे सम दील मन्‍न सेदुक्। हुगो खोङ्‌गी तेङ् यी़नी मल्‍ल पप्‍न टेप्‍प बेत् सीन्‍न ॱसुङ्‌रप्‍ल ढीन दुक्। (ॱसुङ्‌रप्‍की गुल्‍लु ७८:२४) ॱनी हुले एक् यीक् छ्‌यीबागी लेगी ता खोक्‍की घन्‍ड झ्‍यीक्‍केन्? झ्‍यीब बेत्।