युहन्‍ना 5:7 - ल्होमी

⁷ ॱनी हुगी लेम्‍बुल छ्‌यु हीगो नम् योक् तोङ्‌गुक्‍क योक् तङ् छचो़र्त्‍ल ङल दगु मीप्‍पल ङ डोज्‍याल ॱयोङ्‌मा ॱएङ्‌गोर् ज्‍यप्‍न स्‍यु डोगुक् झ्‍यीब बेत्।

युहन्‍ना 5:7 Iomraidhean Croise

युहन्‍ना 5:2

ॱनी यरुशलेम् सार्ल स्‍युक्‍से च्‍यारीगी गोच्‍च च्‍यीक्‍ल मीङ् दील लुक्‍की गोच्‍च सीगो़प्‍प बेत्। हुगी छीग ॱनमुल का गज्‍येन् च्‍येम्‍मे खीम् डस्‍सी झ्‍यीब ॱङ यो़प्‍प बेत्। हुगी घुङ्‌न क हस्‍सो़त् हीब्रु केच्‍च्‍यल बेथस्‍दा सीक्‍केन् छ्‌यु लुम च्‍यीक् यो़प्‍प बेत्।

युहन्‍ना 5:3

ॱनी मी स्‍यर्च्‍योक् धङ् घोङ्‌रीय कङ्‌ब लक्‍प ॱस्‍योर्न खुर धङ् नेप्‍प ॱयोङ्‌म आक् गज्‍येन् उन दो़क्‍को़प्‍प बेत्। [ॱनी हुब घयेत् हुगी लुम दील नम् योक् तोङ्‌गो़दङ् ॱनो़न रीगो झ्‍यीन दो़क्‍को़प्‍प बेत्।

युहन्‍ना 5:4

ॱनी हुदु छम् छम् चोव ज्‍यीन्‍दक्‍की भङ्‌ज्‍येम्‍ब इगीनी मल्‍ल युङ्‌न हुगी छ्‌यु लुम दील योक् तोङ्‌गो़प्‍प बेत्। ॱनी हुगी योक् तङ् छचो़र्त्‍ल हुल मी ॱसु ॱएन्‍स्‍युक्‍ल स्‍युक्‍कुक्‍क हुल घन्‍दुक्‍मे नजरङ् यो़त्‍न अक्, हुगो ढक् डोगो़प्‍प बेत्।]

युहन्‍ना 5:6

ॱनी हुदु येशुल हुगी मी दी ना देप्‍पदङ् ठेप्‍प बेत्। ॱनी हुगो नजे सीन्‍नी, लो गज्‍येन् ॱसोङ येशुगी ॱह घोनी, हुल खो़त् ढक्‍च्‍ये ॱनो़गुक्‍क? सीन्‍न ढीब बेत्।

रोमी 5:6

हज्‍यरङ् थरे ढीक्‍ल हज्‍यरङ्‌गी घन्‍ड अक् ॱअल ॱमीत् छगेल्‍ल यो़प्‍पे यङ्‌ल छ्‌यक्‍चो़त् देम्‍बे धी़ल को़न्‍ज्‍योक् ॱमीत् ॱसम्‍गेन्, दीक्‍च्‍येन् घयेक्‍की ढीक्‍ल ख्रीष्‍ट् ढोङ बेत्।

१ कोरीन्‍थी 9:24

ज्‍युक्‍रील दुर्री चीये यङ्‌ल ज्‍युक्‍प त कुरीक् ज्‍युक्‍केन् बेत्। ॱनी च्‍यीक्‍रङ् क ज्‍यला थो़न्‍न, हुलरङ् ज्‍ये दी थोप्‍केन् बेत्। हीगो कुरीक्‍ल ॱस्‍यो़च्‍च्‍ये यो़ट्‌टो। ॱनी हीगो डस्‍सीरङ् खीत्‍रङ् ॱअङ् ज्‍युन ज्‍ये थोप् छुब झ्‍यीज्‍यीत्।