युहन्ना 5:44 - ल्होमी44 खीत्रङ् घयेक्की को़न्ज्योक् च्यीगी च्यीक् हीम्ब च्येन्नी थोप्केङ्गी ॱस्यङ्ज्युङ् यक्च्युङ् दी ॱमीत् ॱयेङ, मी च्यीक्तङ् च्यीक्की च्यानी तो़प्प ॱयेङ्गेन् बेत्। हुगो झ्यीनी, घन्दुक् झ्यीन छ्य स्योक् छुगेन्? Faic an caibideil |
युहन्ना 5:44
26 Iomraidhean Croise
ॱनी नङ्ल खोक्पल यो़प्प च्येम्म दी क हस्सो़त् दीम्बरङ्गी यहुदी दी बेत्। छ्यो़डीम्गी कल यो़प्प, सी़ल ज्यबे दक् हुगो मेम्बेत्। धम्बे थुगी झ्यीन ॱसीम्ल ज्यबे दक् दी क हस्सो़त् खुङ्देन् दी बेत्। ॱनी हुन्दुक् झ्यीबे मील हस्सो़त् मी च्यानी मेम्ब, को़न्ज्योक् च्यानी तो़प्प युङ्गेन् बेत्।
चोव ज्यीन्दक् झ्यो़न् झ्यो़न् थुक्ल खीत्रङ् ॱयोङ्गी गोल थो़न्न च्यो़न्स्यो़त् ॱमत् तो़न्ज्यीत्। हुगी यङ्ल मेन्नक्ल केत्मीत्ल झ्यीब घयेत् चोव ज्यीन्दक्की मेङ्गल तो़ङ्गेन् बेत्। मी ॱसीम्बे यीक्ल यो़प्पे केच्च्य घयेत् ॱह घोवल तो़ङ्गेन् बेत्। हुनी मी रीदङ् रील ओ़बे तो़प्प को़न्ज्योक्की ॱनङ्गेन् बेत्।
ये डोगेङ्गी ॱसीर् त धक्तेन् हीन् धङ् मेन् स्यी़न् तङ्न तगुक् सीन्न ॱनी, खीत्रङ्गी छ्य स्यक्प दी ॱसुम्ब हुले चा छ्यीया बेत्। हुगी छो़त्लीन् तये यङ्ल खीत्रङ्गी छ्य स्यक्प दी धक्तेल्ल थो़न्न ॱनी, ख्रीष्ट् कुरीक्की थोङ्सल झ्यो़न्नी, खोङ् च्यानी खीत्रङ्ल यस्सो, तो़प्प धङ् इगीनी मक्की ओ़च्च्ये तो़प्प छ्यीम्मु थोप्केन् बेत्।
हज्यरङ्गी च्यप्को़न् को़न्ज्योक् च्यीगी च्यीक्ल हज्यरङ्गी चोव ज्यीन्दक् येशु ख्रीष्ट्की लम्नी तो़त्वङ् छ्यीम्मी़ ओ़च्च्य, ॱवङ्दा छ्यीम्मु, ॱस्यीक् धङ् ॱवङ् ॱङो़न् धङ्बी़ धी़गी एल्लानी झ्यीनी हुन्दो धङ् ॱनी धी़ नम ज्यी़न्दु युङ् युङ युङ्ज्ये यो़प्प स्योक्च्यीत्। आमेन्।
Sanasan