युहन्‍ना 5:16 - ल्होमी

¹⁶ ॱनी येशुगी ङीत्‍तुवल हुन्‍दुक् झ्‍यीन मी ढक्‍तु ची़क्‍केङ्‌गी ले झ्‍यीनी, यहुदी छ्‌यीया घयेक्‍की हुनी झ्‍यीनी खोङ्‌गी डल लोङ्‌न खोङ्‌ल अयेक्‍प झ्‍यीच्‍च्‍येल झ्‍यी़ तेब बेत्।

युहन्‍ना 5:16 Iomraidhean Croise

मत्‍ती 12:13

खोङ्‌गी हुगी लक्‍प ॱस्‍योर्नर दील रङ्‌गी लक्‍प दी च्‍योङ् झ्‍यीब बेत्। हुनी हुगी लक्‍प दी च्‍यङ्‌नी, लक्‍प ज्‍याबोक्‍म दी डस्‍सीरङ् हुगो ॱस्‍युम् थोगी ढक्‍नर बेत्।

मर्कुस् 3:6

हुनी हुगी फरीसी दीब छ्‌यील थो़न्‍न हेरोद् छ्‌योगी मी घयेत् च्‍याल फीन्‍न येशु घन्‍दुक् झ्‍यीन ॱसो़क्‍केन्? सीन्‍न ढो़ झ्‍यीब बेत्।

लुका 6:11

हुनी हुब घयेत् खोङ्‌डोक्‍की मी बर्न, रोरङ्‌सो ॱनम्‍बु ह हज्‍यरङ् हुल घन्‍ड झ्‍यीक्‍केन्? सीन्‍न ढो़ झ्‍यीब बेत्।

युहन्‍ना 1:19

यरुशलेम्‍गी यहुदी छ्‌यीया घयेत् दीबे छ्‌यो़प्‍पो़न् यरीब धङ् लेवीगी ज्‍यी़त् यरीबल हुगी युहन्‍ना हुगो ॱसु हीन् सीगुक्‍क हुल तम् ढीलेत् सीन्‍न तङ बेत्। ॱनी हुब फीन्‍न हुबे युहन्‍नाल खो़त् ॱसु हीन् सीगो़प्‍प? सीन्‍न ढीब बेत्।

युहन्‍ना 10:39

हुनी हुबे यङ् येशु सुङ्‌ज्‍येम झ्‍यीब बेत्। हुनी हुब घयेक्‍की घुङ्‌नी खोङ् ॱसीर् थो़न्‍न टप्‍नर बेत्।

युहन्‍ना 15:20

खीत्‍रङ्‌ल ङे एल्‍लादु ज्‍यीन्‍दक्‍ले ॱयोक्‍पु छ्‌यीया मीत् युङ्‌गेन् बेत् सीन्‍न ॱस्‍येप्‍प दी ढेन्‍सो़ झ्‍यीज्‍यीत्। ङल हुबे अयेक्‍प झ्‍यीन ॱनी, खीत्‍रङ्‌ल आक् हुबे अयेक्‍प झ्‍यीक्‍केन् बेत्। ॱनी मी ॱसी़ ङे केच्‍च्‍यल नेङ्‌गुक्‍क हुगी खीत्‍रङ्‌गी केच्‍च्‍यल आक् नेङ्‌गेन् बेत्।

युहन्‍ना 5:10

ॱनी यहुदी छ्‌यीया यरीबल हुगो लम्‍ल डोव ठेत्‍नी, हुल खो़त् ङीत्‍तुवल घन्‍डल हुन्‍दुक् झ्‍यीन तेन् खुर्न डोगेन्? खो़त्‍ल ॱस्‍यो़च्‍च्‍ये मीप्‍प? झ्‍यीब बेत्।

युहन्‍ना 5:13

ॱनी येशु ॱसु हीम्‍ब हुगोल ॱस्‍यो़च्‍च्‍ये मीप्‍पल हुगी हुबल ॱस्‍यो़त् ॱमत् छुब बेत्। घन्‍ड हीन् सीन्‍न हुगो ढक्‍स दीदु मी मङ् ढाब झ्‍यीनी, येशु स्‍योक् च्‍यीक्‍ल टप्‍नर हीङ्‌गो़प्‍प बेत्।

युहन्‍ना 5:15

हुनी हुगो यहुदी छ्‌यीया घयेत् च्‍याल फीन्‍न, ङ ढक्‍तु ची़क्‍केन् दी येशु बेत् सीन्‍न ॱस्‍येप्‍प बेत्।

युहन्‍ना 5:17

ॱनी येशुगी हुबल ङे यप्‍की ले छीगङ् जेक्‍केन् बेत्। ॱनी ङे एक् छीगङ् झ्‍यीक्‍को़त् झ्‍यीब बेत्।

युहन्‍ना 5:18

ॱनी हीगो ॱह घोनी, ॱसुम्‍ब हुब घयेक्‍की येशु ॱसो़च्‍च्‍येमल गीम्‍ब बेत्। घन्‍ड हीन् सीन्‍न येशुगी ङीत्‍तुवे कल ॱमत् चीय छ्‌युवक् मेम्‍ब, को़न्‍ज्‍योक्‍ल ङे पब सीन्‍न रोरङ् को़न्‍ज्‍योक्‍तङ् डस्‍सील सोगुक् झ्‍यीब बेत्।

युहन्‍ना 7:21

ॱनी येशुगी लेल्‍ल ङीत्‍तुवल ङे मी च्‍यीक् ढक्‍तु ची़प्‍पे ले झ्‍यीबल खीत्‍रङ् ॱह लेबे ॱस्‍यीसोङ्।

युहन्‍ना 7:25

ॱनी उन यो़क्‍केन् यरुशलेम्‍गी मी यरीगी रोरङ्‌सो ॱनम्‍बु हज्‍यरङ्‌गी लुङ्‌बे ॱवङ् च्‍येम्‍म चो छ्‌यीया घयेक्‍की ॱसो़च्‍च्‍येल ॱयेङ्‌गेङ्‌गी मी दी हुगो मेम्‍बेक्‍क ॱनी?