युहन्‍ना 4:21 - ल्होमी

²¹ येशुगी लेम्‍बुल रङ् ङे तम् हील छ्‌य स्‍योक्। ह हीन्‍दुक् झ्‍यीबे धी़ ॱसम्‍ब च्‍यीक् युङ्‌गेन् बेत्। हुगी धी़ हुनी झ्‍यीनी यप्‍ल खीत्‍रङ्‌गी छ्‌यक् छ्‌यो़प्‍प पुस हीगी लदोक् हीनी इक् मेम्‍बेत्। यरुशलेम्‍नी इक् मेम्‍बेत्।

युहन्‍ना 4:21 Iomraidhean Croise

मत्‍ती 18:20

ॱनी मीरङ् ॱङी ॱसुम् च्‍यीक् घदु ङे मीङ्‌गी धो़न्‍दु जोम्‍गो़दङ् हुबे घुङ्‌दु ङ युङ्‌गेन् झ्‍यीब बेत्।

मत्‍ती 28:19

हीगो झ्‍यीनी, खीत्‍रङ् ज्‍युक्‍ल ज्‍यी़त् ज्‍यी़त् घयेत् ङे ॱलोप्‍टुक्‍ल सो़लेत्। हुनी हुब यप्, ॱरेबु, धम्‍बे थु झ्‍यीबे मीङ्‌नी बप्‍तीस्‍ल ॱलुक्‍च्‍यीत्।

लुका 21:24

मी यरी ढी पदङ्‌गी लक्‍ल ॱस्‍यीगेन् बेत्। मी यरी ज्‍यी़त् ॱयोङ् ॱयोङ्‌गी लुङ्‌बल सुङ्‌न ठीक्‍केन् बेत्। ॱनी ज्‍यी़त् ॱयोङ् ॱयोङ्‌गी मी घयेक्‍की ढीक्‍ल स्‍यक्‍पे धी़ दी नम् जो जो थुक्‍ल यरुशलेम् हीगो हुबे कङ्‌लीप् दोलीप् झ्‍यीक्‍केन् बेत्।

युहन्‍ना 14:6

ॱनी येशुगी हुल लम्, दीम्‍ब धङ् छीये खुङ् दी ङ हीन्। ङ च्‍यानी फीन्‍न मेन्‍द, स्‍येन् ॱसु उक् यप् च्‍याल ॱलीत् ॱमीत् छुगेन् बेत्।

युहन्‍ना 16:2

खीत्‍रङ् ह यहुदीगी छ्‌यो़ छोनी पी़त्‍न दीक्‍केन् बेत्। ह धी़ युङ्‌गेन् बेत्। हुगी यङ्‌ल मी ॱसी़ खीत्‍रङ् ॱसो़त्‍तु युङ्‌गुक्‍क हुगी ॱसीम्‍ल हीगो को़न्‍ज्‍योक् गुवे ले ङे झ्‍यीक्‍को़त् ॱनो़ब ॱसम्‍गेन् बेत्।

युहन्‍ना 16:32

ह धी़ ॱलीच्‍च्‍येम ॱयेङ्‌सोङ्। ॱलीत् दीरङ् छर्सोङ्। ह खीत्‍रङ् कुरीक् थोर्न, ॱसोस्‍सोरङ्‌गी खीम्‍ल लोक् डोगेन् बेत्। ङरङ् च्‍यीगी च्‍यीक्‍पु ॱलो़ तोङ्‌गेन् बेत्। ॱनी हीन्‍न अक्, ङ च्‍यीगी च्‍यीक्‍पु मीत् लेब, ङे दल यप् यो़क्‍केन् बेत्।

युहन्‍ना 4:23

ह हीगी धी़ दी ॱलीत् छर बेत्। यप्‍ल ॱसीम्‍बे यीक्‍नी छ्‌यक् छ्‌यो़प्‍प पुगेन् घयेक्‍की धम्‍बे थुगी ॱस्‍यीक्‍की दीम्‍बे लेमी़ झ्‍यीन झ्‍यीक्‍केन् बेत्। ॱनी को़न्‍ज्‍योक्‍की थुल आक् हीगोरङ् यो़क्‍केन् बेत्।

युहन्‍ना 5:25

ङे खीत्‍रङ्‌ल हरुङ्‌द गन्‍दीय ॱस्‍येत् योङ्। ह हीन्‍दुक् झ्‍यीबे धी़ च्‍यीक् युङ्‌गेन् बेत्। हुगो हीन ॱलीत् छर बेत्। ॱस्‍यीनर डस्‍सील यो़क्‍केन् घयेक्‍की को़न्‍ज्‍योक्‍की ॱरेबी़ ॱसुङ्‌स्‍येत् ॱह घोगेन् बेत्। ॱनी हील नेन्‍न युङ्‌गेन् घयेत् दी ॱसो़न ॱसोम्‍बु युङ्‌गेन् बेत्।

युहन्‍ना 5:28

खीत्‍रङ् ॱह लेब मत् झ्‍यीत्। हीन्‍दुक् झ्‍यीबे धी़ च्‍यीक् युङ्‌गेन् बेत्। ॱरेबी़ केत् ज्‍यबल मी ॱस्‍यीन खुर घयेत्

ठीक्‍नल 6:14

ॱनी नासरत्‍की येशु हुगी हज्‍यरङ्‌गी छ्‌यो़गङ् हीगो ॱरुम्‍न धङ्‌बु मोशागी ॱनङे टो घयेत् ज्‍युर्केन् बेत् सीन्‍न च्‍योर आक् ङीक्‍की ॱह घोज्‍युङ् सीन्‍न ॱस्‍येप्‍प बेत्।

एफीसस् 2:18

खोङ्‌गी कुट्‌टीङ्‌गी हज्‍यरङ् ज्‍यी़त् ॱङीक्‍कर् यप्‍की ढुङ्‌दु धम्‍बे थु च्‍यीक्‍की लम्‍नी डो छुगेल्‍ल झ्‍युङ बेत्।

एफीसस् 3:14

हुगो झ्‍यीनी तेङ् यी़ धङ् ॱस जम्‍बुलीङ्‌न यो़प्‍पे ज्‍यी़त् रीदङ् रील मीङ् ॱनङ्‌गेन् यप्‍की ढुङ्‌दु पीमुङ् चुन ङ ॱसुव तोप्‍को़त्।

१ तीमोथी 2:8

अबी छ्‌योगो घयेत् घदु जोम्‍न अक्, खोङ्‌डोक् धङ् ठुक्‍प मीप्‍प, ॱसीम् चङ्‌म खुर्न लक्‍प ॱनम्‍ल छ्‌यर्न ॱसुव तप्‍न ॱनी, गस्‍सी युङेत् ॱनो़गुक्।

१ पत्रुस् 1:17

मी रीदङ् रीगी मीजील घङ् झ्‍यीबल पीब दम्‍ङीत् मीप्‍प ठीम् च्‍यो़क्‍केङ्‌गी को़न्‍ज्‍योक्‍ल खीत्‍रङ्‌गी ॱवे पब सीन्‍न सीर् छुगेन् बेत्। हुगो झ्‍यीनी खीत्‍रङ् हुन्‍दो हीदु छ्‌योबादङ् छ्‌येत्‍मीत् झ्‍यीन दो़स्‍स्‍यीङ् भोर्ल खीत्‍रङ् को़न्‍ज्‍योक्‍ल ज्‍यीब खुर्न दो़च्‍च्‍यीत्।

ॱसाल्‍केत् 21:22

ॱनी उन छ्‌यो़गङ् थोङ्‌मोङ्। घन्‍ड हीन् सीन्‍न छ्‌यो़गङ्‌गी छप्‍पुल ॱवङ् की़न् च्‍येम्‍मे चोव ज्‍यीन्‍दक् को़न्‍ज्‍योक् धङ् लुक्‍टुक् दुक्।