युहन्‍ना 3:14 - ल्होमी

^14-15 कोलीमीगी ॱरेबुल मी ॱसी़ छ्‌य स्‍योक्‍कुक्‍क हुल फु तक्‍पे छी थोप्‍च्‍ये यो़प्‍पल धङ्‌बु मोशागी पक्‍क झ्‍यङ्‌दङ्‌दु डी़ सो़न ॱस्‍यीङ्‌ल ॱनम्‍ल ताब डस्‍सी कोलीमीगी ॱरेबु उक् हुगो डस्‍सीरङ् तक् गोगेन् बेत्।

युहन्‍ना 3:14 Iomraidhean Croise

मत्‍ती 26:54

ङे हुन्‍दुक् झ्‍यीन ॱनी, ङल हीन्‍दुक् झ्‍यीब युङ् गोगेन् बेत् सीरे ॱसुङ्‌रप्‍ल ढीन यो़प्‍प घयेत् दी घन्‍दुक् झ्‍यीन डुप्‍केन् ॱनी? झ्‍यीब बेत्।

मत्‍ती 8:20

ॱनी हुल येशुगी चीप्‍च्‍यङ्‌ल आक् दो़स्‍से धोङ् यो़क्‍केन् बेत्। ॱनम्‍गी झ्‍यल अक् छङ् यो़क्‍केन् बेत्। कोलीमीगी ॱरेबुलरङ् ॱङे ज्‍यक्‍से ॱसने च्‍यीक् इक् मीप्‍प बेत् सीन्‍न ॱसुङ बेत्।

लुका 24:20

हज्‍यरङ्‌गी हीगी छ्‌यो़प्‍पो़न् चो छ्‌यीया घयेत् धङ् लुङ्‌बे चो छ्‌यीया घयेक्‍की खोङ् ठीम्‍सल च्‍येन ॱसो़त् गोगेङ्‌गी छ्‌येप्‍प केन कुरुस्‍ल तान ॱसो़त्‍तु ची़प्‍प बेत्।

युहन्‍ना 18:32

येशु रोरङ् घन्‍दुक् झ्‍यीन ढोङ् गोगेन् बेक्‍क हुगी ढीक्‍ल खोङ्‌गी एल्‍ला ॱस्‍येप्‍पे तम् दी ताबल हुगो झ्‍युङ बेत्।

युहन्‍ना 6:51

तेङ् यी़नी मल्‍ल युङे सम ॱसोम्‍बु दी ङ हीन्। ॱनी हीगो ॱसी़ सगो़दङ् हुगो फुगी ॱसोम्‍बु दो़क्‍केन् बेत्। ॱनी हीगी सम दी ङे सी़बु हीगो हीन्। हीगो जम्‍बुलीङ्‌गी मी घयेत् ॱसोम्‍बुल युङ्‌ज्‍ये यो़प्‍पे ढीक्‍ल तीक्‍केन् सीन्‍न ॱसुङ बेत्।

युहन्‍ना 8:28

हुगो झ्‍यीनी, येशुगी यङ् हुबल कोलीमीगी ॱरेबु खीत्‍रङ्‌गी ॱनम्‍ल तानी क, हस्‍सो़त् ङ ॱसु बेक्‍क हुगो धङ् ङरङ् च्‍यीक्‍पी़ घन्‍ड अक् मीत् झ्‍यीप्‍प, यप्‍की ङल घङ् ॱङाब दीरङ् ॱस्‍यो़क्‍को़त् झ्‍यीब दी हुगी यङ्‌ल क खीत्‍रङ्‌गी ॱह घोगेन् बेत्।

ठीक्‍नल 2:23

खोङ् खीत्‍रङ् च्‍याल तोङ्‌ज्‍ये दी को़न्‍ज्‍योक्‍की एल्‍लानी थुल यो़प्‍पल ॱसम्‍न खोङ्‌गी तङ बेत्। ॱनी खीत्‍रङ् घयेक्‍की को़न्‍ज्‍योक् ॱमीत् ॱसम्‍गेन् ज्‍यी़त् ॱयोङ् ॱयोङ्‌गी मी घयेक्‍की लक्‍ल खोङ् ची ज्‍यप्‍न कुरुस्‍ल तान ॱसो़त्‍तु ची़प्‍प बेत्।