युहन्‍ना 21:9 - ल्होमी

⁹ हुनी हुब छो़ छीगल थो़न्‍नी, उन ढोप्‍ची च्‍यीक् धङ् मी तङे मीरोक् च्‍यीक्‍ल न च्‍यीक् कप्‍न यो़प्‍प ठेप्‍प बेत्।

युहन्‍ना 21:9 Iomraidhean Croise

मत्‍ती 4:11

हुनी दी़क्‍की चो दीगी येशु ॱलो़ तङ्‌न टप्‍नर बेत्। हुनी इगीनी मल्‍ल तेङ् यी़गी भङ्‌ज्‍येम्‍ब घयेत् युङ्‌न येशुल स्‍यप्‍च्‍यी़ ज्‍युब बेत्।

मर्कुस् 8:3

हीब यरी थक्‍रीङ्‌मी़ मी बेत्। हीब नुक्‍रङ् ॱलोक्‍न तङ्‌न ॱनी, लम्‍ल डोये यङ्‌ल तोबे ङेस्‍यीक्‍प च्‍यक्‍को़ट्‌टो झ्‍यीब बेत्।

युहन्‍ना 18:18

हुगी यङ्‌ल छ्‌याबोक्‍म यो़क्‍केन् झ्‍यीनी, हुगी ॱयोक्‍पु घयेत् दीब धङ् गोराब घयेत् दीब उन मी तङ्‌न दीगीन् यो़प्‍प बेत्। ॱनी पत्रुस् हुबदङ् दल मी दीदु युङ बेत्।

युहन्‍ना 21:10

ॱनी येशुगी ॱलोप्‍टुक् दीबल खीत्‍रङ्‌गी न सीम्‍ब हुनी इक् यरी खुर्लेत् झ्‍यीब बेत्।

युहन्‍ना 21:13

हुनी येशुगी ढोप्‍ची दी धङ् न दी खोङ्‌गी छ्‌यक्‍ल ॱनम्‍न हुबल गो़न टेप्‍प बेत्।

युहन्‍ना 21:8

छो़ छीगल थो़म्‍बल ठु ज्‍यब ॱङीगी ची यो़प्‍प बेत्। ॱनी ॱयोङ्‌म घयेत् दी ढु ज्‍यक्‍कील्‍ल नदङ् डक्‍च्‍यक् च्‍येम्‍मे जाली दी ढी़त्‍न युङ बेत्।

युहन्‍ना 6:11

ॱनी हुगी भीज दीगी ढोप्‍ची ॱङबु दी येशुगी छ्‌यक्‍ल ॱनम्‍न को़न्‍ज्‍योक्‍ल थु छ्‌यी पुन, हुनी हस्‍सो़त् हुगी मी घयेत् दील च्‍यक्‍न टेप्‍प बेत्। ॱनी न ॱङीबु दी इक् हुन्‍दुक् दीरङ् झ्‍यीन घङ् स्‍यङ् स्‍यङ् च्‍यक्‍न टेप्‍प बेत्।

युहन्‍ना 6:9

हीन भीज च्‍यीक्‍ल नेगी ढोप्‍ची ॱङ धङ् न ॱङी त दुक्। ॱनी नुक्‍मे मी मङल उजो़त् च्‍यीक्‍की घन्‍ड च्‍यीक् युङ्‌ज्‍ये झ्‍यीब बेत्।