युहन्‍ना 2:23 - ल्होमी

²³ ॱनी हुगी धी़रीम्‍गी यङ्‌ल यरुशलेम्‍दु येशुगी यीक् छ्‌यीम्‍मी़ लेगी ता गज्‍येन् झ्‍यीन तो़म्‍ब थोङ्‌नी, मी गज्‍येङ्‌गी खोङ्‌ल छ्‌य स्‍यक्‍प बेत्।

युहन्‍ना 2:23 Iomraidhean Croise

लुका 8:13

ॱस ओ़दोरोक्‍ल ॱसो़न् खीबे धो़न् दी केच्‍च्‍य दी गोम ॱह घोवे यङ्‌ल हुल गेस लङ्‌न ॱसम्‍गेन् बेत्। हुनी धोबा च्‍यीक् थुक् हुबे छ्‌य स्‍योक्‍केन् बेत्। ॱनी छो़त्‍लीङ्‌गी दुक्‍प युङ्‌न ॱनी, हुबे चव ढादक् दी डम्‍ज्‍ये मीप्‍पल ॱएङ्‌गी लम् दीलरङ् लोक् डोगेन् बेत्।

युहन्‍ना 11:45

हीगो थोङ्‌नी, मरीयम्‍गी दल यो़प्‍पे यहुदी छ्‌यीया गज्‍येङ्‌गी येशुल छ्‌य स्‍यक्‍प बेत्।

युहन्‍ना 2:11

येशुल तो़त्‍वङ् छ्‌यीम्‍मु यो़प्‍प हीम्‍ब दी खोङ्‌गी हीगी ले हीगी तो़म्‍ब बेत्। हुनी क ॱलोप्‍टुक् दीबे एक् खोङ्‌ल छ्‌य स्‍यक्‍प बेत्। गालीलागी कानादु जेप्‍पे येशुगी यीक् छ्‌यीम्‍मी़ लेगी ता हीगो ॱएन्‍स्‍युक्‍म दी बेत्।

युहन्‍ना 2:13

ॱनी यहुदी घयेत् छ्‌यीबे धी़रीम् ॱलीच्‍च्‍येम ॱयेङ्‌नी, येशुसो यल्‍ल यरुशलेम्‍ल फीम्‍ब बेत्।

युहन्‍ना 3:2

हुगो गोङ् च्‍यीक् येशु च्‍याल युङ्‌न हुगी येशुल रब्‍बी नीज्‍यरङ् को़न्‍ज्‍योक्‍की को़न तङे चयेलम हीम्‍ब ङीक्‍की ॱह घोज्‍युङ्। चयेलमरङ्‌गी ज्‍यप्‍तक्‍ल को़न्‍ज्‍योक् मीत्‍न ॱनी, नुक्‍मे यीक् छ्‌यीम्‍मी़ लेगी ता मी ॱसी़ इक् झ्‍यीत् ॱमीत् छुगेन् बेत् झ्‍यीब बेत्।

युहन्‍ना 4:45

ॱनी हीन्‍न अक्, गालीलाल स्‍युनी, हीगी यङ्‌ल मी घयेक्‍की येशुल ॱसुमी़ झ्‍यीब बेत्। घन्‍ड हीन् सीन्‍न हुब घयेत् एत् यरुशलेम्‍ल यहुदी घयेत् छ्‌यीबे धी़रीम् ॱसम्‍दु फीन्‍नी, हुबे हुदु येशुगी घङ् झ्‍यीब घयेत् दी थोङ हीङ्‌गो़प्‍प बेत्।

युहन्‍ना 5:36

ङ यप्‍की तङ्‌नी युङेन्। हीगो खुङ् हीन् धङ् मेल्‍ल युहन्‍नागी पङ्‌बु झ्‍यीन ॱस्‍येप्‍प बेत्। ॱनी हुले त हरुङ् यप्‍की ङल ॱङान झ्‍यीत्‍तु ची़प्‍पे ले घयेत् दीगी धक्‍पा ॱस्‍यो़क्‍केन् बेत्।

युहन्‍ना 6:14

ॱनी हुगी मी घयेत् दीबे हीन्‍दुक् झ्‍यीबे यीक् छ्‌यीम्‍मी़ लेगी ता झ्‍यीप्‍प थोङ्‌नी, हुब रोरङ्‌सो नङ्‌दु जम्‍बुलीङ्‌ल को़न्‍ज्‍योक्‍की कलुङ् ॱस्‍यो़क्‍केन् च्‍यीक् तोङ्‌गेन् सीक्‍केन् दी हीगो हीङ्‌गो़प्‍पेत् सीन्‍न लप्‍री चीय बेत्।

युहन्‍ना 6:2

ॱनी येशुगी नेप्‍प ढक्‍तु ची़त्‍न, यीक् छ्‌यीम्‍मी़ लेगी ता गज्‍येन् झ्‍यीप्‍प मी घयेक्‍की थोङ्‌नी, हुदु उक् येशुगी तीङ्‌ल मी छेत्‍मीत् युङ बेत्।

युहन्‍ना 7:31

ॱनी हीन्‍न अक्, उन यरी गज्‍येङ्‌गी येशुल छ्‌य स्‍यक्‍प बेत्। हुबे रोरङ्‌सो नङ्‌दु को़न्‍ज्‍योक्‍की को़बे च्‍यप्‍को़न् ख्रीष्‍ट् दी हीगो मेम्‍ब, तीङ्‌ला ॱयोङ् च्‍यीक् युङ्‌गो़त्‍न ॱनी, हीगी झ्‍यीबले एक् ॱल्‍हक्‍मागी यीक् छ्‌यीम्‍मी़ लेगी ता घयेत् त हुगी तो़न् ॱमीत् छुगो़ट्‌टो झ्‍यीब बेत्।

गलाती 5:6

ख्रीष्‍ट् येशुदङ् मत् ढेब यो़क्‍केन् ङीत् घयेत्‍ल यहुदीगी दक् हुगो ज्‍यप्‍न अक् बेत्। मत् ज्‍यप्‍न अक् बेत्। हुगी फेन् घन्‍ड अक् ॱमीत् थोगेन् बेत्। ॱनी फेन् थोस्‍योल छ्‌य स्‍यक्‍प दी धङ् छ्‌य स्‍यक्‍पे लम्‍नी झ्‍यीन युङे झ्‍यम्‍ब हुगो ॱनेगेन् बेत्।

१ युहन्‍ना 3:23

खोङ्‌गी ॱनङे क दी हीगो बेत्। खोङ्‌गी ॱरेबु येशु ख्रीष्‍ट्‌की छेन् डेन्‍न खोङ्‌ल छ्‌य स्‍योक् गोगेन् धङ् ख्रीष्‍ट्‌की ॱनङे कल यो़प्‍पल च्‍यीक्‍तङ् च्‍यीक्‍ल झ्‍यम्‍ब झ्‍यीत् गोगेन् बेत्।