युहन्ना 2:19 - ल्होमी19 ॱनी येशुगी हुबल हीगी छ्यो़गङ् हीगो खीत्रङ्गी ॱरुम्लोङ्दे त। ङे हीगो ङीम ॱसुम्ल सो़ तङ्गी झ्यीब बेत्। Faic an caibideil |
युहन्ना 2:19
23 Iomraidhean Croise
हीनी झ्यीब दी येशुगी रोरङ्गी ॱलोप्टुक् दीबल हीन्दुक् झ्यीबे केच्च्य ॱस्येत्न युङ बेत्। ङ यरुशलेम्ल डो गोगेन् बेत्। ॱनी हुगी लुङ्बे गेम्बा चो छ्यीया घयेक्की, छ्यो़प्पो़न् चो छ्यीया घयेक्की धङ् छ्यो़डीम्गी चयेलम घयेक्की ङल दुक्प तङ्न ॱसो़क्केन् बेत्। हुनी स्यक्पु ॱसुम् ॱसोङे ङीन् दी यङ् ङ ॱसोम्बुल लोङ्गेन् सीन्न ॱस्येप्प बेत्।
हीनी झ्यीनी खोङ्गी रोरङ्गी ॱलोप्टुक् दीबल हीन्दुक् सीन्न ॱस्येप्प बेत्। कोलीमीगी ॱरेबुल दुक्स्यी गज्येन् नोङ्गेन् बेत्। लुङ्बे गेम्बा चो छ्यीया घयेत्, छ्यो़प्पो़न् चो छ्यीया घयेत् धङ् छ्यो़डीम्गी चयेलम घयेक्की ॱलोल मीत् झ्यीप्पल ॱसो़क्केन् बेत्। हुनी स्यक्पु ॱसुम् ॱसोङ्नी, यङ् खोङ् ॱसोम्बुल लोङ्गेन् बेत्
हुगो डस्सी ख्रीष्ट्की इक् दुक्स्यी गुर्न, हज्यरङ् मी घयेक्की दीक्पे ढीक्ल धङ् हज्यरङ्ल फु काब तोङ्ल फेम्ब युङे ढीक्ल खोङ् लेन् च्यीक् ढोङ बेत्। हीगो हज्यरङ् को़न्ज्योक् च्याल ठीक् छुज्ये यो़प्पल खोङ् ढङ्बु हीन्ज्यङ्, हज्यरङ् मत् ढङा घयेक्की छप्पुल ढोङ बेत्। खोङ् ॱस्यस्सी़ल यो़प्पे यङ्ल मी घयेक्की ॱसेत्न आक्, यङ् धम्बे थुगी खोङ् ॱसोम्बुल ॱलोङ बेत्।
Sanasan