युहन्‍ना 17:4 - ल्होमी

⁴ पबरङ्‌गी को़बे ले ङे डुप्‍न युङेन्। हीन्‍दुक् झ्‍यीन जम्‍बुलीङ् हीनी नीज्‍यरङ्‌ल तो़प्‍प युङे ले ङे झ्‍यीबेन्।

युहन्‍ना 17:4 Iomraidhean Croise

लुका 22:37

ङे खीत्‍रङ्‌ल ॱस्‍येत् योङ्। खोङ् नक्‍पो़न् घयेत्‍तङ् च्‍यीक्‍प ॱसम्‍गेन् बेत् सीरे ॱसुङ्‌रप्‍की केच्‍च्‍य हीगो ङे मीजील डुप् गोगेन् बेत्। (यशैया ५३:१२) घन्‍ड हीन् सीन्‍न ङे ढीक्‍ल ढीन यो़प्‍प घयेत् कुरीक् डुप् डोगेन् बेत् सीन्‍न ॱसुङ बेत्।

युहन्‍ना 12:28

पब, नीज्‍यरङ्‌गी छेल्‍ल तो़प्‍प युङ जेत्‍रो ॱनङ् झ्‍यीब बेत्। ॱनी हीगी लेल्‍ल इगी तेङ् यी़नी मल्‍ल ङे मीङ्‌ल तो़प्‍प युङ एल्‍ला आक् झ्‍यीबेन्। ॱनी हुन्‍दो ओक् झ्‍यीक्‍केन् सीरे केत् च्‍यीक् युङ बेत्।

युहन्‍ना 14:13

हुनी ङे मीङ्‌नी यप्‍ल खीत्‍रङ्‌गी घन्‍ड लीन्‍न अक्, हुगो ॱरेबी़ लम्‍नी यप्‍ल तो़प्‍प छ्‌यीम्‍मु युङ्‌ज्‍येल खीत्‍रङ्‌ल ङे डुप्‍तु ची़त् योङ्।

युहन्‍ना 14:31

ङे यप्‍ल झ्‍यम्‍ब यो़प्‍प दी जम्‍बुलीङ्‌गी मी घयेक्‍की ॱह घोज्‍ये यो़प्‍पल यप्‍की ॱङाबे केच्‍च्‍य घयेत्‍ल ङ नेन्‍न झ्‍यीक्‍केन्। ह हज्‍यरङ् हीनी डो।

युहन्‍ना 15:10

ङे यप्‍की क घयेत्‍ल ङे चीन ङ खोङ्‌गी ॱङीङ्‌दु ॱस्‍योङ झ्‍यीन युङेन्। ॱनी हीगो डस्‍सी खीत्‍रङ् ॱअङ् ङे क घयेत्‍ल चीन युङ्‌न ॱनी, ङे ॱङीङ्‌दु ॱस्‍योङ युङ्‌गेन् बेत्।

युहन्‍ना 19:28

हीनी येशुगी ॱसीम्‍ल ह ङे ले घयेत् जेङ् ढुप्‍सोङ् ॱनो़ब झ्‍युङ्‌नी, ॱसुङ्‌रप्‍ल थो़म्‍बे केच्‍च्‍य ताबल खोङ्‌गी ङ ख कोम्‍सोङ् झ्‍यीब बेत्।

युहन्‍ना 19:30

ॱनी हुगो ज्‍यीप्‍नी, येशुगी ह ढुप्‍सोङ् सीन्‍न गो दी गुक्‍लेत्‍ल छर्न, उ ठोक् छ्‌येत्‍नर बेत्।

युहन्‍ना 4:34

ॱनी येशुगी हुबल ङे सम दी ङ तोङ्‌गेङ्‌गी थुल यो़प्‍पल नेन्‍न डुब झ्‍यीन ॱनी, हुगो बेत्।

युहन्‍ना 5:36

ङ यप्‍की तङ्‌नी युङेन्। हीगो खुङ् हीन् धङ् मेल्‍ल युहन्‍नागी पङ्‌बु झ्‍यीन ॱस्‍येप्‍प बेत्। ॱनी हुले त हरुङ् यप्‍की ङल ॱङान झ्‍यीत्‍तु ची़प्‍पे ले घयेत् दीगी धक्‍पा ॱस्‍यो़क्‍केन् बेत्।

युहन्‍ना 9:3

ॱनी येशुगी लेम्‍बुल हीगो रोरङ्‌गी दीक्‍प झ्‍यीबे एक्, मेम्‍बेत्। हीगी पब आमे दीक्‍प झ्‍यीबे एक्, मेम्‍बेत्। को़न्‍ज्‍योक्‍की हीगोल जेक्‍केङ्‌गी ले घयेत् मी कुरीक्‍की थोङ्‌ज्‍ये यो़प्‍पल हीगो स्‍यर्च्‍योक् कीब बेत्।

ठीक्‍नल 20:24

ङे मीजी यो़स्‍स्‍यीङ् भोर्ल चोव ज्‍यीन्‍दक् येशुगी को़न तङे ले को़न्‍ज्‍योक्‍की थुज्‍यीगी ढीक्‍की केच्‍च्‍य ॱनेम्‍बु ॱस्‍यो़क्‍केन् हीगो डुप्‍च्‍ये ॱनो़बे ॱसम्‍ल दी मेन्‍द, स्‍येन् ङरङ्‌गी ॱरोक्‍ल आक् फङ मीन्‍दुक्।

२ तीमोथी 4:7

ङे घङ् खे खे झ्‍यीन ज्‍युक्‍री चीय दी ज्‍युक्‍तक् च्‍येत् छरेन्। ङे छ्‌य स्‍यक्‍पे लम्‍ल तेम्‍बोक्‍म झ्‍यीन युङेन्।