युहन्‍ना 16:7 - ल्होमी

⁷ ङे खीत्‍रङ्‌ल दीम्‍बरङ् ॱस्‍येत् योङ्। खीत्‍रङ्‌गी ढीक्‍ल ङ फीम्‍ब गा युङ्‌गेन् बेत्। ङ ॱमत् फीन्‍न, खीत्‍रङ् च्‍येल्‍ल ज्‍यप्‍तक् मीत् युङ्‌गेन् बेत्। ङ फीन्‍नी क, खोङ् इगीनी मल्‍ल ङे तङ्‌न युङ्‌गेन् बेत्।

युहन्‍ना 16:7 Iomraidhean Croise

लुका 24:49

तेदे ङे यप्‍की ॱनङे छ्‌यो़त्‍तुम् जेप्‍प दी ङे इगीनी मल्‍ल तङ् योङ्। हुनी खीत्‍रङ्‌ल ॱस्‍यीक् ॱङीक्‍केन् बेत्। ॱनी नम् ॱस्‍यीक् ॱङीत् ॱङीत् थुक्‍ल खीत्‍रङ् हीगी सार् हीदुरङ् दो़च्‍च्‍यीत् सीन्‍न ॱसुङ बेत्।

लुका 4:25

हरुङ्‌द ङे गन्‍दीय ॱस्‍येत् योङ्। धङ्‌बु कलुङ् ॱस्‍यो़क्‍केन् एलीयागी ङोल लो ॱसुम्‌दङ् दव ढुक् थुक् छ्‌येप्‍प थीदोक् च्‍यीक् इक् मत् ज्‍यबल लुङ्‌ब की़ल्‍ल तोरी छ्‌यीम्‍मु ॱस्‍योर बेत्। ॱनी हुगी यङ्‌ल इस्राएल्‍न मोरेङ्‌मु गज्‍येन् यो़प्‍प बेत्।

लुका 9:27

ङे खीत्‍रङ्‌ल दीम्‍बरङ् ॱस्‍येत् योङ्। हुन्‍दो हीन यो़क्‍केन् खीत्‍रङ् यरीगी ॱमत् ॱस्‍यीयलरङ् को़न्‍ज्‍योक्‍की ज्‍यागक् युङ थोङ्‌गेन् बेत्।

युहन्‍ना 14:26

ॱनी तीङ्‌ला यप्‍की ङे मीङ्‌नी ज्‍यप्‍तक् धम्‍बे थु खीत्‍रङ् च्‍याल तङ्‌न युङ्‌नी, हुनी खोङ्‌गी कुरीक् खीत्‍रङ्‌ल ॱलप्‍न टो़क्‍केन् बेत्। हुनी ङे ॱस्‍येप्‍पे तम् घयेत् दी इक् खीत्‍रङ्‌ल ढेन्‍सो़ ॱलोङ्‌गेन् बेत्।

युहन्‍ना 14:28

ङ फीन्‍नी, यङ् फीच्‍च्‍य युङ्‌गेन् सीर खीत्‍रङ्‌गी ॱह घोन यो़क्‍केन् बेत्। ॱनी खीक्‍की ङल झ्‍यम्‍ब यो़त्‍न, ङ यप् च्‍याल डोवल खीत् गुवेत् क ॱनी। घन्‍ड हीन् सीन्‍न ङले यप् छ्‌यीया यो़क्‍केन् बेत्।

युहन्‍ना 14:3

खीत्‍रङ्‌ल दो़स्‍स ॱसेन स्‍यक्‍नी, हुनी ङ खीत्‍रङ् ठीक्‍तु ॱलीत् योङ्। हुनी खीत्‍रङ् ङ झ्‍यीस्‍सदु दो़च्‍च्‍ये ॱनोङ्‌गेन् बेत्।

युहन्‍ना 15:26

खीत्‍रङ्‌ल ज्‍यप्‍तक् दीम्‍बे थु दी यप् च्‍यानी मल्‍ल ङे तङ् योङ्। ॱनी खोङ् यप् च्‍यानी मल्‍ल युङ्‌नी, खोङ् ङे पङ्‌बुल थो़न्‍न ङे धो़ङ्‌गी केच्‍च्‍य घयेत् दी ॱस्‍यो़क्‍केन् बेत्।

युहन्‍ना 16:8

ॱनी खोङ् हीदु युङ्‌नी, हस्‍सो़त् दीक्‍पे ढीक्‍ल धङ् ढङ्‌बी़ ढीक्‍ल धङ् को़न्‍ज्‍योक्‍की ठीम् च्‍येत्‍न छ्‌येप्‍प को़गेङ्‌गी ढीक्‍ल जम्‍बुलीङ्‌गी मी घयेक्‍की ॱसम्‍ल ङीनर दी तो़न्‍न खोङ्‌गी कुरीक् ॱरोङ्‌गेन् बेत्।

युहन्‍ना 7:39

हीगो म दी येशुगी रोरङ्‌ल छ्‌य स्‍योक्‍केन् घयेत्‍ल धम्‍बे थु थोप्‍केङ्‌गी ढीक्‍ल ॱस्‍येप्‍प बेत्। ॱनी हीगी यङ्‌ल येशु खोङ् रोरङ्‌गी तो़त्‍वङ् च्‍येम्‍मे ओ़च्‍च्‍यल मत् लोक्‍पल धम्‍बे थु तङ्‌न मत् युङ बेत्।

ठीक्‍नल 10:34

हीनी पत्रुस्‍की हीन्‍दुक् सीन्‍न ॱस्‍येप्‍प बेत्। को़न्‍ज्‍योक्‍की मी ॱसुल आक् दम्‍ङीत् मीत् झ्‍यीक्‍केन् हीम्‍ब हस्‍सो़त् क ङे ॱह घोज्‍युङ्।

ठीक्‍नल 2:33

हुनी को़न्‍ज्‍योक्‍की येशु हुगो तो़त्‍न खोङ् रोरङ्‌गी ॱये छ्‌योदु स्‍यक्‍प बेत्। हुन्‍दो खीत्‍रङ्‌गी थोङ धङ् घोव घयेत् हीगो यप्‍की खोङ्‌ल धम्‍बे थु ॱनङे छ्‌यो़त्‍तुम् जेप्‍प दी थोप्‍न, खोङ्‌गी ङीत्‍ल इगीनी मल्‍ल योन ॱनङ्‌नी, हीगो झ्‍युङ बेत्।

रोमी 8:28

को़न्‍ज्‍योक्‍ल झ्‍यम्‍ब खुर्केन् खोङ्‌गी ॱनो़बल भो़बे मी घयेत्‍ल घन्‍ड झ्‍युङ्‌न अक्, हुगो कुरीक् फेन् थोगेल्‍ल खोङ्‌गी सोगेन् बेत्। हीगो हज्‍यरङ्‌ल ॱस्‍यो़च्‍च्‍ये यो़क्‍केन् बेत्।

२ कोरीन्‍थी 4:17

हुन्‍दो ॱरीप्‍चो़त् च्‍यीक्‍की ढीक्‍ल नोङे दुक्‍प घयेत् हीगो नन्‍दक्‍की छ्‌यीय मेम्‍बेत्। ॱनी हीगो ङीक्‍की गुर्न युङ्‌न ॱनी, तीङ्‌ला फुगी ढीक्‍ल थोप्‍केङ्‌गी तो़प्‍प दी हुले गज्‍येङ्‌गी ज्‍येबा युङ्‌गेन् बेत्।