युहन्ना 15:4 - ल्होमी4 खीत्रङ् ङदङ् मत् ढेब दो़त्। हुनी ङ खीत्रङ्दङ् मत् ढेब दो़क्केन्। यल्लक् दोङ्बुल थी़त्न मेन्द, डलु ॱमीत् छ्यागेन् बेत्। ॱनी हीगो डस्सी खीत्रङ् ङदङ् मत् ढेब देत्न मेन्द, डलु ॱमीत् छ्यागेन् बेत्। Faic an caibideil |
युहन्ना 15:4
29 Iomraidhean Croise
ॱनी ङ हुबदङ् मत् ढेब, नीज्यरङ् ङदङ् मत् ढेब यो़प्प डस्सी हुब घयेत् एत् कुरीक् ॱसीम् च्यीक् ली़ च्यीक् डस्सील युङ्ज्ये यो़प्प तोङ्। हुगो झ्युङ्नी क, नीज्यरङ्गी ङ तङ हीम्ब दी धङ् नीज्यरङ्गी ङल झ्यम्ब जेप्प डस्सी हुबल अक् नीज्यरङ्गी झ्यम्ब जेक्कुक् ॱनो़ब जम्बुलीङ्गी मी घयेक्की ॱह घो छुगेन् बेत्।
हुगी सार् ॱसुम्बु दीन येशुगी ॱलोप्टुक्ल स्युन यो़प्प घयेत्ल पावल्सो़ ॱलोप्स्यीक् टेत्न छ्य स्यक्पे लम्ल थीरी दो़च्च्यीत् सीन्न ॱस्येप्प बेत्। को़न्ज्योक्की ज्यागक्ल स्युक्पल हज्यरङ्ल दुक्स्यी गज्येन् नोङ्गेन् बेत्। ॱनी हुगी दुक्स्यी हुगो गुर्न डो गोगेन् बेत् सीन्न ॱस्येत्न स्यक्प बेत्।
ॱनी हुगो युङ् छुबल खीत्रङ्गी ॱह घोवे केच्च्य ॱनेम्बुल यो़क्केङ्गी रीगो दील खीत्रङ् थीरीय देत्न छ्य दी तेम्बर् स्यक्न दो़त् गोगेन् बेत्। हीगी केच्च्य ॱनेम्बु हीगो ॱनम्गी होक्ल छ्यादु ची़प्पे मी घयेत्ल ॱस्येत्न धर्न यो़क्केन् बेत्। ॱनी हीगो टोम्गेङ्गी ॱयोक्पु च्यीक् ङ झ्युङ्न यो़त्।
एल्ला ॱमत् तो़म्बे ॱङीङ्बु चा छ्यीम्मी़ केच्च्य हीगो ज्यी़त् ज्यी़त् घयेत्ल तो़न्ज्ये ॱनो़ब को़न्ज्योक्की थुल झ्युङ बेत्। हीगी केच्च्ये ॱङीङ्बु दी ख्रीष्ट् खीत्रङ्गी नङ्ल स्युन यो़क्केन् दी बेत्। हुगो झ्यीनी खीत्रङ्ल आक् इगीगी तो़त्वङ् च्येम्मे ओ़च्च्य झ्यीस्सल ॱलीक्केङ्गी रीगो यो़क्केन् बेत्।
Sanasan