युहन्‍ना 13:5 - ल्होमी

⁵ हुनी ॱनो़च्‍च्‍य च्‍यीक्‍ल छ्‌यु योन ॱलोप्‍टुक् दीब रीदङ् रीगी कङ्‌ब दी टी़न रुमल् दीगी फीन टेप्‍प बेत्।

युहन्‍ना 13:5 Iomraidhean Croise

लुका 7:38

ॱनी हुगो येशुगी तक् ङो़गी कङ्‌स्‍यम्‍दु देत्‍न ङी़ब बेत्। हुगी ॱमीक्‍च्‍यु दी येशुगी कङ्‌बल घप्‍न खुर्नी, हुगी भुमु दीगी रोरङ्‌गी ट दीगी फीन च्‍युप् झ्‍यीन हुगी ॱनुम् दी खोङ्‌गी कङ्‌बल ॱही़न्‍न टेप्‍प बेत्।

लुका 7:44

हुनी येशु भुमु दी ङो़ल दोङ् ज्‍युर्न शीमोन् दील हीन्‍दुक् ॱसुङ बेत्। तो़दे, हीगी मी हील। खोक्‍की खीम्‍ल स्‍युक्‍पे यङ्‌ल ङल कङ्‌ब टी़च्‍च्‍येमे छ्‌यु च्‍यीक् इक् टेत्‍मोङ्। हीगी भुमु हीगी क ङे कङ्‌ब रोरङ्‌गी ॱमीक्‍च्‍यी़ टी़न रोरङ्‌गी टे फीज्‍युङ्।

युहन्‍ना 13:10

ॱनी येशुगी लेल्‍ल सी़बु जेङ् टी़ छरे मील कङ्‌ब मेन्‍द, टी़त् मीत् गोगेन् बेत्। ॱयोङ् जेङ् चङ्‌म युङ्‌गेन् बेत्। खीत्‍रङ् घयेत् धक्‍पोक्‍म यो़क्‍केन् बेत्। ॱनी म दी खीत्‍रङ् कुरीक् मीन्‍दुक् झ्‍यीब बेत्।

युहन्‍ना 13:6

ॱनी शीमोन् पत्रुस्‍की लोल ॱलीत्‍नी, शीमोन्‍गी खोङ्‌ल चोव ज्‍यीन्‍दक् नीज्‍यरङ्‌गी घन्‍दुक् झ्‍यीन ङे कङ्‌ब टी़न टो़क्‍केन् सीक्‍केन्? झ्‍यीब बेत्।

युहन्‍ना 13:8

हील पत्रुस्‍की नीज्‍यरङ्‌गी हीगो ॱस्‍युली मीत् युङ्‌गेङ्‌गी ले बेत् झ्‍यीब बेत्। हील येशुगी ङे टी़न ॱमत् टेत्‍न, रङ् ङे छ्‌यल मीत् डोगेन् बेत्।

युहन्‍ना 19:34

ॱनी हीन्‍न अक्, ॱमक्‍मी च्‍यीक्‍की येशुगी ॱलोदोङल दुङ् चु तङ बेत्। हुनी ठक् धङ् छ्‌यु थो़न्‍न युङ बेत्।

ठीक्‍नल 22:16

ह घन्‍डल थोब यो़प्‍प। लोङ्‌ल खोङ्‌गी छेन् डेन् ज्‍योप्। हुनी बप्‍तीस्‍ल स्‍यु। हुनी रङ्‌गी दीक्‍प धक्‍केन् बेत् सीन्‍न ॱस्‍येच्‍च्‍युङ्।

१ कोरीन्‍थी 6:11

एल्‍ला खीत्‍रङ् यरी हुगो डस्‍सी झ्‍यीक्‍केन् यो़क्‍केन् बेत्। ॱनी हीन्‍न अक्, ह खीत्‍रङ् चोव ज्‍यीन्‍दक् येशु ख्रीष्‍ट्‌की छेन्‍नी धङ् हज्‍यरङ्‌गी को़न्‍ज्‍योक्‍की थुगी चङ्‌मल टी़न धक्‍पर्ल सो़न ॱनम्‍बर् धक्‍पल तो़न्‍न यो़क्‍केन् बेत्।

एफीसस् 5:26

ॱनी खोङ्‌गी ॱरोक् च्‍यो़ज्‍येगी धो़न् दी खोङ्‌गी मीस्‍सीर् छ्‌यो़ छो हुगो छ्‌यी़ टी़न खोङ्‌गी ॱसुङ्‌रप्‍की धक्‍पर् युङल सो़न,

१ तीमोथी 5:10

ॱनी हुगी गय झ्‍यीबे ले घयेत् दी कुरीक्‍की ॱह घोव, रोरङ्‌गी भीज घयेत् गन्‍दीक्‍म ॱसो़बे ॱलम्, डोम्‍बुल थोङ् झ्‍यीबे ॱलम्, को़न्‍ज्‍योक्‍की मी चङ्‌म घयेत्‍ल कङ्‌ब टी़न टेप्‍पे ॱलम्, मी दुक्‍च्‍या घयेत्‍ल दगु झ्‍यीबे ॱलम् धङ् गये ले झ्‍यीच्‍च्‍ये ॱनो़बे ॱवङ्‌ल छीगङ् तङ्‌न दो़क्‍केङ्‌गी भुमु युङ् गोगेन् बेत्।

हीब्रु 10:22

हुगो झ्‍यीनी ह हज्‍यरङ् ॱसीम् ढङ्‌बु खुर्न को़न्‍ज्‍योक्‍ल ॱलो केन येशुगी ठक्‍की ॱसीम्‍ल ॱनोङ् मीप्‍प धक्‍पर्ल सो़नी, छ्‌यु चङ्‌मे सी़बु टी़न को़न्‍ज्‍योक्‍की ढुङ्‌दु डोज्‍यीत्।

१ युहन्‍ना 1:7

को़न्‍ज्‍योक् मेङ्‌ग झ्‍यीनी ॱनी, हज्‍यरङ् अङ् मेङ्‌गल डोगो़त्‍न ॱनी, हज्‍यरङ् च्‍यीक्‍तङ् च्‍यीक् इक् कङ्‌ज्‍यीक्‍प युङ्‌गेन् बेत्। हुनी खोङ्‌गी ॱरेबु येशुगी ठक्‍की हज्‍यरङ्‌गी दीक्‍प घयेत् टी़न धक्‍तु ची़क्‍केन् बेत्।

१ युहन्‍ना 5:6

येशु ख्रीष्‍ट् छ्‌यु धङ् ठक्‍की लम्‍नी झ्‍यीन युङ बेत्। छ्‌यु छ्‌युवक्‍की लम्‍नी मेम्‍ब, छ्‌यु धङ् ठक् ॱङीक्‍कर्की लम्‍नी झ्‍यीन युङ बेत्। ॱनी हीगो खुङ् हीम्‍बल धम्‍बे थुगी पङ्‌बु जेक्‍केन् बेत्। धम्‍बे थु दीम्‍ब बेत्।

ॱसाल्‍केत् 7:14

ॱनी हीगी लेल्‍ल ङे नीज्‍यरङ्‌ल क ॱस्‍यो़च्‍च्‍ये यो़ट्‌टो, हुब ॱसु क बेक्‍क झ्‍यीबेन्। ॱनी हुगी लेल्‍ल ङल हीब घयेत् दुक्‍प छ्‌यीम्‍मु गुर्न थो़म्‍बे मी घयेत् बेत्। हीबे एल्‍लादु रोरङ्‌सो़ घो़ दी लुक्‍टुक्‍की ठक्‍ल टी़न, धक् छर घयेत् बेत्।