युहन्‍ना 11:8 - ल्होमी

⁸ ॱनी हुबे लेम्‍बुल रब्‍बी नीज्‍यरङ्‌ल हुदु खच्‍चङ्‌रङ् यहुदी छ्‌यीया घयेक्‍की ॱसो़च्‍च्‍येल दोर्तुङ् बेन्‍ज्‍येम झ्‍यीसोङ् न ॱनी। ॱनी हुन्‍दो फीच्‍च्‍य यङ् हुदुरङ् डोगेन् सीक्‍केन्? झ्‍यीब बेत्।

युहन्‍ना 11:8 Iomraidhean Croise

मत्‍ती 23:7

ॱनी ठोम् छुसदु मी घयेक्‍की ॱसे स्‍यी़न युङल धङ् रब्‍बी सीन्‍न युङल हुब मो़सी झ्‍यीक्‍केन् बेत्।

मत्‍ती 23:8

खीत्‍रङ्‌ल मी ॱयोङ्‌गी रब्‍बी सीन्‍न युङ्‌न ॱनी, हुगो सीत्‍तु ॱमत् ची़त्। घन्‍ड हीन् सीन्‍न खीत्‍रङ्‌ल चयेलम दी च्‍यीगी च्‍यीक्‍रङ् यो़क्‍केन् बेगो। खीत्‍रङ् जेङ् पी़न्‍ज्‍या हीम्‍बल डोगेन् बेगो।

युहन्‍ना 10:31

हीगो ॱह घोनी, यहुदी छ्‌यीया दीबे येशु ॱसो़च्‍च्‍येमल दोर्तुङ् बेन्‍ज्‍येम डुब बेत्।

युहन्‍ना 10:39

हुनी हुबे यङ् येशु सुङ्‌ज्‍येम झ्‍यीब बेत्। हुनी हुब घयेक्‍की घुङ्‌नी खोङ् ॱसीर् थो़न्‍न टप्‍नर बेत्।

युहन्‍ना 11:19

हुगो झ्‍यीनी, यरुशलेम्‍नी इक् यहुदी छ्‌यीया गज्‍येन् मार्था धङ् मरीयम्‍ल ॱसीम्‍स तोङ्‌दु युङ्‌न यो़प्‍प बेत्।

युहन्‍ना 4:31

भुमु दी खोङ्‌दङ् घीन ॱसोङ्‌नी, ॱलोप्‍टुक् दीबे येशुल रब्‍बी ह सम स्‍यीरो झ्‍यी झ्‍यीब बेत्।

युहन्‍ना 8:59

हीगो सीन्‍नी, हुब घयेक्‍की येशुल दोर्तुङ् बेन्‍ज्‍येम दो डुब बेत्। हुनी येशु मी घयेक्‍की छीक्‍नी फल्‍ल इप्‍तामु झ्‍यीन च्‍यारीनी छ्‌यील थो़न्‍न टप्‍नर बेत्।

ठीक्‍नल 20:24

ङे मीजी यो़स्‍स्‍यीङ् भोर्ल चोव ज्‍यीन्‍दक् येशुगी को़न तङे ले को़न्‍ज्‍योक्‍की थुज्‍यीगी ढीक्‍की केच्‍च्‍य ॱनेम्‍बु ॱस्‍यो़क्‍केन् हीगो डुप्‍च्‍ये ॱनो़बे ॱसम्‍ल दी मेन्‍द, स्‍येन् ङरङ्‌गी ॱरोक्‍ल आक् फङ मीन्‍दुक्।