युहन्‍ना 10:13 - ल्होमी

¹³ हुगो ॱलल दो़क्‍केङ्‌गी लुक्‍चीब झ्‍यीनी, लुक्‍ल हुगी घन्‍डे फङा आक् मीत् झ्‍यीक्‍केन् बेत्।

युहन्‍ना 10:13 Iomraidhean Croise

युहन्‍ना 10:12

ॱनी ॱलल देत्‍न लुक् तगेङ्‌गी लुक्‍चीब हुगो दक्‍पु ॱङो़म मेम्‍बल लुक्‍ल च्‍यङ्‌गु ज्‍यप्‍न, हुगो रोरङ् ढो़बल ॱसोङ्‌नी, लुक्‍ल ॱमीत् तगेन् बेत्। हुनी लुक् घयेत् दी च्‍यङ्‌गी़ लक्‍ल ढी़त् डोगेन् बेत्। ॱनी मज्‍यु दी थीदोर्ल थोर् डोगेन् बेत्।

युहन्‍ना 10:14

लुक्‍चीब गङ्‌ज्‍येन् दी ङ हीन्। यप्‍की ङ ङु ॱस्‍यीब धङ् ङे यप् ङु ॱस्‍यीब डस्‍सी ङे ङरङ्‌गी लुक् घयेत् ङु ॱस्‍यीगो़त्। ॱनी लुक् घयेक्‍की इक् ङ ङु ॱस्‍यीगेन् बेत्। ॱनी लुक् घयेक्‍की ढीक्‍ल ङ ङरङ्‌गी ॱरोक् दीरङ् च्‍यो़गेन्।

युहन्‍ना 12:6

हुगी टङ्‌बुल फेम्‍बे तम् लब मेम्‍ब, हुगो की़न्‍ज्‍येन् झ्‍यीनी, हीगो लब बेत्। घन्‍ड हीन् सीन्‍न हुगी ङीत् कङ्‌ज्‍यीक्‍पे पयीसक्‍की बेक् दी हुगी खुर्नी, हुगी हुनी अच्‍च्‍येत् री कुगो़प्‍प बेत्।

ठीक्‍नल 18:17

हुनी हुब कुरीक्‍की यहुदीगी छ्‌यो़ छोगी गोयो़प्‍प सोस्‍थेनेस् सुङ्‌न हुगी पो़ङ्‌गङ्‌गी दोङ् दीदु हुल दुङ बेत्। ॱनी गल्‍लीयो दीगी हुल आम्‍न मत् झ्‍यीब स्‍यक् तङ बेत्।

१ कोरीन्‍थी 7:32

खीत्‍रङ्‌ल च्‍युगा मीप्‍प झ्‍युङ्‌न ॱनी, ङ अक् गुगुक्। ॱनी छ्‌युङ्‌म मीप्‍पे मी चोव ज्‍यीन्‍दक्‍ल घन्‍दुक् झ्‍यीन गुदु ची़च्‍च्‍ये ब अक्? ॱनो़न चोव ज्‍यीन्‍दक्‍की ढीक्‍ल च्‍युगा खुर्केन् बेत्।

१ कोरीन्‍थी 7:33

छ्‌युङ्‌म यो़प्‍प च्‍येम्‍मे मी यङ् रोरङ्‌गी छ्‌युङ्‌म घन्‍दुक् झ्‍यीन गुदु ची़च्‍च्‍ये ब अक्? ॱनो़न सज्‍यी़ डोज्‍यी़गी ढीक्‍ल च्‍युगा खुर्केन् बेत्।

फीलीप्‍पी 2:20

तीमोथी हुगो डस्‍सी खीत्‍रङ्‌गी ढीक्‍ल गन्‍दीक्‍म च्‍युगा झ्‍यीन गेन् खुर्केङ्‌गी मी ङदङ् दल ॱयोङ्‌मा मीन्‍दुक्।