युहन्‍ना 10:12 - ल्होमी

¹² ॱनी ॱलल देत्‍न लुक् तगेङ्‌गी लुक्‍चीब हुगो दक्‍पु ॱङो़म मेम्‍बल लुक्‍ल च्‍यङ्‌गु ज्‍यप्‍न, हुगो रोरङ् ढो़बल ॱसोङ्‌नी, लुक्‍ल ॱमीत् तगेन् बेत्। हुनी लुक् घयेत् दी च्‍यङ्‌गी़ लक्‍ल ढी़त् डोगेन् बेत्। ॱनी मज्‍यु दी थीदोर्ल थोर् डोगेन् बेत्।

युहन्‍ना 10:12 Iomraidhean Croise

मत्‍ती 10:16

तेदे च्‍यङ्‌गु घयेक्‍की छीक्‍ल लुक् तङ डस्‍सी खीत्‍रङ् तोङ्‌गेनो। हीगो झ्‍यीनी डी़ डस्‍सी च्‍यङ्‌जो़त् झ्‍यीज्‍यीत्। पुक्‍मु डस्‍सी ॱयुङ्‌बोक्‍म झ्‍यीज्‍यीत्।

मत्‍ती 7:15

कलुङ् जी़म ॱस्‍यो़क्‍केन् घयेत्‍नी धोजीम् झ्‍यीन दो़च्‍च्‍यीत्। घन्‍ड हीन् सीन्‍न हुब लुक्‍की सोप्‍ताल लुक्‍पक् घो़न्‍न, छ्‌यी दी लुक् डस्‍सी झ्‍यीन खीत्‍रङ् च्‍याल युङ्‌गेन् बेत्। ॱनी नङ् दी च्‍यङ्‌गु ॱमङ्‌ङम् लङ्‌नर डस्‍सी यो़क्‍केन् बेत्।

युहन्‍ना 10:13

हुगो ॱलल दो़क्‍केङ्‌गी लुक्‍चीब झ्‍यीनी, लुक्‍ल हुगी घन्‍डे फङा आक् मीत् झ्‍यीक्‍केन् बेत्।

युहन्‍ना 10:2

खोर्चङ्‌गी गोच्‍चनी यल्‍ल स्‍युक्‍केन् दीरङ् लुक्‍चीब दी बेत्।

युहन्‍ना 10:3

हुल हुगी गोराब दीगी गोच्‍च पीक्‍न तीक्‍केन् बेत्। हुनी लुक्‍चीब दीगी रोरङ्‌गी लुक् घयेत् दील मीङ् तो़न्‍न केत् ज्‍यक्‍केन् बेत्। ॱनी लुक् दीबे रोरङ्‌गी दक्‍पी़ केत् दील नेन्‍न कुरीक् छ्‌यील थो़न्‍न युङ्‌गेन् बेत्।

ठीक्‍नल 20:29

ङ ॱसोङ्‌नी, खीत्‍रङ्‌गी घुङ्‌दु च्‍यङ्‌गु ॱमङ्‌ङम् लङ्‌नर घयेत् युङ्‌न लुक् घयेत् ढी़त्‍न चीमीत् फङ्‌मीत् झ्‍यीक्‍केन् बेत्।

१ तीमोथी 3:3

च्‍युर्ल ॱनक्‍प मीत् झ्‍यीक्‍केन्, दुङ्‌री मीत् ज्‍यक्‍केन्, घी़न् थेक्‍पोक्‍म झ्‍यीक्‍केन्, डीक्‍पोक्‍म झ्‍यीक्‍केन्, लोप् मीत् झ्‍यीक्‍केन्,

१ तीमोथी 3:8

ॱनी हुगो डस्‍सी छ्‌यो़ छोगी छ्‌यो़योक्‍प घयेत् एत् ॱम तेम्‍बोक्‍म, ख च्‍यीक्‍नी च्‍यीला ॱङी ॱमीत् तो़ङ्‌गेन्, च्‍युर्ल दङ मीत् झ्‍यीक्‍केन्, नोर्ल लोप् मीत् झ्‍यीक्‍केन् युङ् गोगेन् बेत्।

२ तीमोथी 4:10

डेमास् हुगो ॱनी जम्‍बुलीङ् ङो़ल ॱसीम् ॱस्‍योर्न, ङ ॱलो़ तङ्‌न थीस्‍सलोनीकाल टप्‍सोङ्। ॱनी क्रेसेन्‍स् गलातील धङ् तीतस् दाल्‍मातीया लुङ्‌बल टप्‍सोङ्।

तीतस् 1:7

हुगी गोयो़प्‍प दी को़न्‍ज्‍योक्‍की मीजङ्‌गी गेन् खुर्केङ्‌गी मी झ्‍यीनी, हुल ङीबे च्‍यो़न् मीप्‍प, रङ्‌मो़ ॱमीत् ॱस्‍यो़क्‍केन्, फोदोरोक् मीत् लङ्‌गेन्, च्‍युर्ल दङ मीत् झ्‍यीक्‍केन्, खेरक् ॱमीत् तोङ्‌गेन् धङ् लोप् मीत् झ्‍यीक्‍केन् युङ् गोगेन् बेत्।

१ पत्रुस् 5:2

खीत्‍रङ्‌गी गेल्‍ल यो़प्‍पे को़न्‍ज्‍योक्‍की लुक् घयेत् ॱसो़ज्‍यीत्। हीगो खेरक्‍की झ्‍यीत् गोगो़त् ॱनो़ब मेम्‍ब, को़न्‍ज्‍योक्‍की थुल यो़प्‍पल ॱसम्‍न ॱलो़लङ्‌गी झ्‍यीज्‍यीत्। लोप् झ्‍यीन पयीसक् ॱसक्‍च्‍ये ॱनो़बे ढीक्‍ल मेम्‍ब, ॱसीम्‍बे यीक्‍नी झ्‍यीच्‍च्‍ये ॱनो़ब ॱसम्‍न झ्‍यीज्‍यीत्।

२ पत्रुस् 2:3

हुब लोप्‍की ॱवङ्‌ल ॱस्‍योर्न, नोर् ॱसक्‍च्‍येल हुबे ॱएलम ज्‍यप्‍न खीत्‍रङ् ॱयो कोर्केन् बेत्। हुबल हुन्‍दुक् झ्‍यीबे ढीक्‍ल फोक्‍केङ्‌गी छ्‌येप्‍प दी एल्‍लानी ठोक्‍क झ्‍यीन यो़क्‍केन् बेत्। हुब खरप्‍ल डोवल हीगो मत् ज्‍युर फोक्‍केन् बेत्।