युहन्‍ना 10:11 - ल्होमी

¹¹ लुक्‍चीब गङ्‌ज्‍येन् दी ङ हीन्। लुक् घयेक्‍की ढीक्‍ल ङ ङरङ्‌गी ॱरोक् दीरङ् च्‍यो़गेन्।

युहन्‍ना 10:11 Iomraidhean Croise

मत्‍ती 20:28

ॱनी हीगो डस्‍सी कोलीमीगी ॱरेबु उक् स्‍यप्‍च्‍यी़ लीन्‍दु युङ मेम्‍ब, स्‍यप्‍च्‍यी़ ज्‍युक्‍तु धङ् मी गज्‍येन् ॱलुये ढीक्‍ल रोरङ्‌गी ॱरोक् च्‍यो़दु युङ हीन् सीन्‍न ॱसुङ बेत्।

युहन्‍ना 10:2

खोर्चङ्‌गी गोच्‍चनी यल्‍ल स्‍युक्‍केन् दीरङ् लुक्‍चीब दी बेत्।

युहन्‍ना 15:13

ॱनी झ्‍यम्‍ब म दी दगु घयेक्‍की ढीक्‍ल ॱसी़ रोरङ्‌गी ॱरोक् च्‍यो़गुक्‍क हुले ज्‍यीक्‍पागी झ्‍यम्‍ब ॱयोङ् मीत् युङ्‌गेन् बेत्।

एफीसस् 5:2

ख्रीष्‍ट्‌की झ्‍यम्‍ब छ्‌यीम्‍मु जेत्‍न हज्‍यरङ्‌गी धो़न्‍दु खोङ् रोरङ्‌गी ॱरोक् दीरङ् च्‍येब बेत्। ॱनी खोङ्‌गी ॱरोक् दी को़न्‍ज्‍योक् गुवे ढीम स्‍यीम्‍बोक्‍म ॱहीक्‍केङ्‌गी छ्‌यो़प्‍पल झ्‍युङ बेत्। ॱनी खीत्‍रङ्‌गी इक् घन्‍ड झ्‍यीत् गो़ झ्‍युङ्‌न अक्, झ्‍यम्‍बे लम्‍नी झ्‍यीत् गोगेन् बेत्।

तीतस् 2:14

हज्‍यरङ् घयेत् ङीब दीक्‍प छङ्‌मनी ॱलुवे ढीक्‍ल धङ् गये लेल मो़ब झ्‍यीक्‍केन् खोङ् रोरङ्‌गी मीस्‍सीर् हीम्‍ब युङल हज्‍यरङ् घयेत् टी़न धक्‍तु ची़प्‍पे ढीक्‍ल हज्‍यरङ् घयेक्‍की धो़न्‍दु खोङ्‌गी रोरङ्‌गी ॱरोक् च्‍येब बेत्।

हीब्रु 13:20

लुक् घयेत्‍ल तगेन् लुक्‍चीब छ्‌यीम्‍मु हज्‍यरङ्‌गी चोव ज्‍यीन्‍दक् येशु ढोङ्‌नरनी ॱसोम्‍बुल स्‍यीव दीव ॱनङ्‌गेन् को़न्‍ज्‍योक्‍की ॱलोङ बेत्। ॱनी येशु ठक् थो़न्‍न ढोङे धो़न् दी फु तक्‍पे कगो़त् धम्‍स्‍यक् स्‍योक्‍पे ढीक्‍ल बेत्।

१ पत्रुस् 5:4

तीङ्‌ला लुक्‍चीब चो छ्‌यीस्‍स्‍यो इगीनी मल्‍ल झ्‍यो़म्‍बे यङ्‌ल खीत्‍रङ्‌ल तो़प्‍प च्‍येम्‍मे फु तक्‍पे थोप् छ्‌यीम्‍मी़ स्‍यमुङ् थोप्‍केन् बेत्।

१ युहन्‍ना 3:16

येशु ख्रीष्‍ट्‌की हज्‍यरङ्‌गी ढीक्‍ल खोङ् रोरङ्‌गी ॱरोक् दीरङ् च्‍येब बेत्। हुल तेनी क, दीम्‍बरङ्‌गी झ्‍यम्‍ब दी घन्‍दुक् झ्‍यीब युङ्‌गेन् बेक्‍क हुगो हज्‍यरङ्‌गी ॱह घो छुगेन् बेत्। ॱनी हीगो डस्‍सीगी झ्‍यम्‍ब दी क हज्‍यरङ्‌गी इक् पी़न्‍ज्‍या नङ्‌गी पी़ङ्‌गी ढीक्‍ल ॱरोक्‍रङ् ॱसोङ्‌न आक्, च्‍यो़ छुब युङ् गोगेन् बेत्।

ॱसाल्‍केत् 7:17

घन्‍ड हीन् सीन्‍न हीब घयेक्‍की लुक्‍चीब दी स्‍युडी ढुङ्‌न स्‍युगेङ्‌गी लुक्‍टुक् झ्‍यीनी, खोङ्‌गी हीब घयेत् छ्‌यु ॱसोम्‍बु थो़न्‍सल ठीक्‍केन् बेत्। हुनी को़न्‍ज्‍योक्‍की हीबे ॱमीक्‍च्‍यु घयेत् दी फीन तीक्‍केन् बेत् सीन्‍न सीच्‍च्‍युङ्।