युहन्‍ना 1:41 - ल्होमी

⁴¹ हुनी अन्‍द्रीयस् ॱस्‍यरी रोरङ्‌गी पी़न् शीमोन् दी च्‍याल फीन्‍न, ङीत्‍ल मसीहा दी ठेच्‍च्‍युङ् सीन्‍न ॱस्‍येप्‍प बेत्। ॱनी मसीहागी धो़न् दी को़न्‍ज्‍योक्‍की को़बे च्‍यप्‍को़न् ख्रीष्‍ट् बेत्।

युहन्‍ना 1:41 Iomraidhean Croise

मत्‍ती 1:23

भुमु नज्‍युङ्‌म च्‍यीक्‍ल भुजीम थो़न्‍न, भु च्‍यीक् कीगेन् बेत्। हुगी मीङ् दील इम्‍मानुएल् सीक्‍केन् बेत्। (यशैया ७:१४) हीगी धो़न् दी को़न्‍ज्‍योक् हज्‍यरङ्‌दङ् दल यो़क्‍केल्‍ल सीक्‍केन् बेत्। ॱनी हीगो डुबल हुगो झ्‍युङ बेत्।

लुका 2:17

ॱनी भीज दीगी ढीक्‍ल तेङ् यी़गी भङ्‌ज्‍येम्‍बे ॱस्‍येप्‍पे तम् दी डोक्‍पा दीबे कुरीक् ॱस्‍येत्‍न टेप्‍प बेत्।

लुका 2:38

ॱनी हुदु येशु च्‍यारीगी नङ्‌ल खुर्न स्‍युजो़त्‍ल हुगोल ठेत्‍नी, हुगी इक् को़न्‍ज्‍योक्‍ल थु छ्‌यी पुब बेत्। हुनी यरुशलेम् हीगो को़न्‍ज्‍योक्‍की नम् ॱली़न थर्वल तो़ङ्‌गो़दङ् ॱनो़न रीगो झ्‍यीक्‍केन् घयेत्‍ल हन्‍ना दीगी हीगी भीज हीगी ढीक्‍की केच्‍च्‍य ॱस्‍येत्‍न टेप्‍प बेत्।

युहन्‍ना 1:45

ॱनी यङ् तीङ्‌ला फीलीप्‍ल नथानेल् सीक्‍केन् मी च्‍यीक् ठेप्‍प बेत्। हुल फीलीप्‍की ख्रीष्‍ट्‌की ढीक्‍ल मोशागी ढीबे छ्‌यो़डीम्‍ल धङ् कलुङ् ॱस्‍यो़क्‍केन् घयेक्‍की यीगील यो़प्‍प दी ह तादुक्। हुगो ङीत्‍ल ठेच्‍च्‍युङ्। हुगो नासरत् सार्की युसुफ्‌की ॱरेबु येशु बेत् सीन्‍न ॱस्‍येप्‍प बेत्।

युहन्‍ना 4:25

ॱनी भुमु दीगी मसीहा को़न्‍ज्‍योक्‍की को़बे च्‍यप्‍को़न् ख्रीष्‍ट् सीक्‍केन् दी गन्‍दीय झ्‍यो़ङ्‌गेन् बेत्। हीगो ङल ॱस्‍यो़च्‍च्‍ये यो़त्। खोङ् झ्‍यो़न्‍नी, ङीत्‍ल धो़न् कुरीक् ॱस्‍येत्‍न टो़क्‍केन् बेत्।

ठीक्‍नल 10:38

नासरत्‍की येशु हुगो को़न्‍ज्‍योक्‍की धम्‍बे थु धङ् ॱस्‍यीक् ॱनङ्‌न को़न तङ बेत्। ॱनी खोङ्‌गी दगुल को़न्‍ज्‍योक् झ्‍यीनी, खोङ्‌गी म दीरङ् गये ले गज्‍येन् झ्‍यीन दी़क्‍की चो हुगी ॱवङ्‌यो़त्‍ल ॱस्‍योर्नर घयेत् ढक्‍तु ची़त्‍न घल अक् गीर बेत्। हीगो ओक् कुरीक् खीत्‍रङ्‌ल ॱस्‍यो़च्‍च्‍ये यो़ट्‌टो।

ठीक्‍नल 4:27

ॱनी हुगो डस्‍सी गन्‍दीयरङ् हीगी सार् हीदु हेरोद्, पोन्‍तीयस् पीलातस्, ज्‍यी़त् ॱयोङ् ॱयोङ्‌गी मी घयेत् धङ् इस्राएली घयेत् छ्‌य झ्‍यीन नीज्‍यरङ्‌गी को़न तङे धक्‍पर् च्‍येम्‍मे ॱयोक्‍पु येशुगी डल लोङ बेत्।

१ युहन्‍ना 1:3

यप् धङ् खोङ्‌गी ॱरेबु येशु ख्रीष्‍ट्‌तङ् ङीत् कङ्‌ज्‍यीक्‍प हीन्। ॱनी हीगो डस्‍सी खीत्‍रङ्‌दङ् ङीत् कङ्‌ज्‍यीक्‍प युङे ढीक्‍ल ङीक्‍की घङ् थोङ धङ् घङ् घोवे केच्‍च्‍य हुगो खीत्‍रङ्‌ल ॱस्‍यो़क्‍केन् हीन्।