छङ्म थम्ज्येत् कुरीक् ङे लक्ल ङे यप्की टेत्न यो़क्केन् बेत्। ॱनी ॱरेबु दीम्बरङ् ङु ॱस्यीगेन् दी यप् मेन्द, ॱयोङ् ॱसु उक् मीप्प बेत्। ॱनी यङ् यप् दीम्बरङ् ङु ॱस्यीगेन् दी इक् ॱरेबु धङ् ॱरेबी़ ॱसुल ङोस्स्यीन् टो़च्च्ये ॱनो़न टेत् यो़दङ् हुगी मेन्द, ॱयोङ् ॱसी़ इक् ङु ॱमीत् ॱस्यीगेन् बेत् सीन्न ॱसुङ बेत्।
युहन्ना 1:18 - ल्होमी18 को़न्ज्योक् मी ॱसी़ इक् थोङ् ॱमत् ॱनोङ बेत्। यप् रोरङ्दङ् दल यो़क्केन् ॱरेबु च्यीगी च्यीक्पु दीगीरङ् को़न्ज्योक् घन्दुक् झ्यीब यो़प्प बेक्क हुगो मी घयेत्ल तो़न्न युङ बेत्। Faic an caibideil |
युहन्ना 1:18
41 Iomraidhean Croise
छङ्म थम्ज्येत् कुरीक् ङे यप्की ङे लक्ल टेत्न यो़क्केन् बेत्। ॱनी ॱरेबु दीम्बरङ् ङु ॱस्यीगेन् दी यप् मेन्द, ॱयोङ् ॱसु उक् मीप्प बेत्। ॱनी यङ् यप् दीम्बरङ् ङु ॱस्यीगेन् दी इक् ॱरेबु धङ् ॱरेबी़ ॱसुल ङोस्स्यीन् टो़च्च्ये ॱनो़न टेत् यो़दङ् हुगी मेन्द, ॱयोङ् ॱसी़ इक् ङु ॱमीत् ॱस्यीगेन् बेत् सीन्न ॱसुङ बेत्।
ॱनी हुगी ॱसुङ्स्येत् दी क कोलीमील कीन युङ्न हज्यरङ् मी घयेक्की घुङ्दु स्युब बेत्। खोङ् म दीरङ् यप् को़न्ज्योक्की ॱरेबु च्यीगी च्यीक् हीम्ब खोङ्ल यप्की तो़त्वङ् छ्यीम्मु ॱनङ्न यो़प्प ङीक्की थोङ्ज्युङ्। खोङ्ल यप् च्यानी झ्युङे थुज्यी धङ् दीम्ब छङ्न यो़प्प ङीक्की ॱस्यीज्युङ्।
मी ॱसी़ ख दीगी ङे ॱसीम्नी को़न्ज्योक्ल झ्यम्ब यो़त् सीगुक्क ॱनी हुगी यङ् नङ्गी पी़न्ज्याल ड झ्यीक्को़त्न ॱनी, हुगो ॱएजङल डोगेन् बेत्। ॱमीक्की थोङ्गेन् पी़न्ज्या नङ्गी मील त हुगी झ्यम्ब मीत् झ्यीप्पे, ॱमीक्की ॱमत् थोङे को़न्ज्योक्ल ॱसुम्ब हुगी घन्दुक् झ्यीन झ्यम्ब युङ् छुगेन्?
को़न्ज्योक्की ॱरेबु झ्यो़न्नी क, हस्सो़त् हज्यरङ्ल दीम्बरङ्गी को़न्ज्योक् ङु ॱस्यीज्ये यो़प्पे ॱसीम् ॱनङ हीम्ब हज्यरङ्ल ॱस्यो़च्च्ये यो़क्केन् बेत्। हज्यरङ् दीम्ब ङो़ल खोङ्गी ॱरेबु येशु ख्रीष्ट्तङ् मत् ढेब यो़क्केन् बेत्। ॱनी खोङ् क दीम्बरङ्गी को़न्ज्योक् दी धङ् फु तक्पे छी दी बेत्।
Sanasan