Biblia Todo Logo
Bìoball air-loidhne

- Sanasan -




युहन्‍ना 1:13 - ल्होमी

13 को़न्‍ज्‍योक्‍की भीजल युङ्‌गेन् बेत् सीक्‍केन् हीगो मीच्‍च्‍यी़त् छ्‌येप्‍पे लुस डस्‍सी मेम्‍बेत्। कोलीमीगी लुसे लेमु डस्‍सी इक् मेम्‍बेत्। अबी छ्‌योगो़ ॱलो़लङ्‌गी झ्‍यीबे लेगी इक् मेम्‍बेत्। हीगो को़न्‍ज्‍योक् च्‍यानी झ्‍युङे लेगी युङ्‌गेन् बेत्।

Faic an caibideil Dèan lethbhreac




युहन्‍ना 1:13
25 Iomraidhean Croise  

खीत्‍रङ्‌गी ॱसीम्‍ल अब्राहाम् ङीक्‍की पुबु हीन् ॱनो़ब ॱसम्‍बे घन्‍डे घो ओक् मीत् ज्‍यक्‍केन् बेत्। ङे खीत्‍रङ्‌ल ॱस्‍येत् योङ्। हीगी दो हीब अक् को़न्‍ज्‍योक्‍की अब्राहाम्‍गी ज्‍यी़त्‍ल सो छुगेन् बेत्।


ॱनी हुल येशुगी ङे रङ्‌ल गन्‍दीय ॱस्‍येत् योङ्। मी म दीरङ् फीच्‍च्‍य गोनी कीन मेन्‍द, को़न्‍ज्‍योक्‍की ज्‍यागक् ॱमीत् थोङ्‌गेन् बेत्।


ङे ॱसो़न् दीरङ् क तबेन्। अपोल्‍लोस्‍की हुल छ्‌यु ॱलुक्‍प बेत्। ॱनी कीदु दी हस्‍सो़त् को़न्‍ज्‍योक्‍की ची़प्‍प बेत्।


घन्‍ड हीन् सीन्‍न खीत्‍रङ्‌गी ढीक्‍ल को़न्‍ज्‍योक्‍की थुल यो़प्‍प दी खीत्‍रङ्‌ल आक् ॱलोल युङल धङ् हुगो डुप्‍च्‍ये यो़प्‍पल को़न्‍ज्‍योक्‍की सोगेन् बेत्।


हुनी क हज्‍यरङ्‌ल छी थर्व दी इक् झ्‍युङ्‌न यो़क्‍केन् बेत्। हुगो हज्‍यरङ्‌गी ढङ्‌बु झ्‍यीबे ले घयेक्‍की झ्‍युङ मेम्‍ब, खोङ्‌गी थुज्‍यी ॱनङे लम्‍नी धम्‍बे थुगी टी़न फीच्‍च्‍य गोनी कीदु ची़त्‍न ॱसीम् ॱसम्‍ब युङल सो़न यो़क्‍केन् बेत्।


खोङ्‌गी छ्‌यादु ची़प्‍प घयेक्‍की छीक्‍नी हज्‍यरङ् खोङ्‌गी फी़त्‍ल युङ्‌ज्‍ये यो़प्‍पल खोङ्‌गी थुल ॱसम्‍न दीम्‍बे केच्‍च्‍ये लम्‍नी हज्‍यरङ् कीदु ची़प्‍प बेत्।


हज्‍यरङ्‌ल फीच्‍च्‍य ॱसीम् ॱसम्‍ब कीन युङ हीगो फु ॱमीत् तक्‍केङ्‌गी ॱसो़न् तप्‍न कीब मेम्‍ब, फु तक्‍केन्, धी़ ज्‍यी़न्‍दु दो़क्‍केन्, को़न्‍ज्‍योक्‍की ॱसुङ्‌रप् ॱसोम्‍बुनी कीब बेत्।


हज्‍यरङ्‌गी चोव ज्‍यीन्‍दक् येशु ख्रीष्‍ट्‌की यप् को़न्‍ज्‍योक्‍ल यस्‍सो युङ् युङ युङ्‌ज्‍ये यो़प्‍प स्‍योक्‍च्‍यीत्। घन्‍ड हीन् सीन्‍न खोङ्‌गी थुज्‍यी छ्‌यीम्‍मु जेत्‍न येशु ख्रीष्‍ट् ढोङ्‌नरनी ॱसोम्‍बुल ॱलोङ हीम्‍बे लम्‍नी हज्‍यरङ्‌ल रीगो ॱङो़न्‍ने दी थोबल खोङ्‌गी ॱसीम् ॱसम्‍ब झ्‍युङ्‌दु ची़प्‍प बेत्।


भीज च्‍युङेत्‍मु आमे नुम ढेन्‍न थुङ्‌ज्‍येल गन्‍दीक्‍म ॱयेङ्‌गेन् डस्‍सी खीत्‍रङ् नम् थर्न भी़त् भी़त् थुक्‍ल खीत्‍रङ्‌ल ओङ्‌बु ॱलीच्‍च्‍ये यो़प्‍पल होम चङ्‌मदङ् छ्‌येत्‍मीक्‍की ॱसुङ्‌रप्‍ल धेस्‍सीम् झ्‍यीज्‍यीत्।


को़न्‍ज्‍योक् च्‍यानी छ्‌येप्‍पे मी ॱसु यो़दङ् हुल को़न्‍ज्‍योक्‍की लेमु डस्‍सीरङ् थो़त्‍न यो़क्‍केन् झ्‍यीनी, हुगी दीक्‍प झ्‍ये झ्‍येब झ्‍यीत् ॱमीत् छुगेन् बेत्। को़न्‍ज्‍योक् च्‍यानी छ्‌येप्‍पे मी घन्‍दुक् झ्‍यीन दीक्‍प झ्‍ये झ्‍येब झ्‍यीत् छुगेन्?


झ्‍यम्‍बे दगुसो, झ्‍यम्‍बे ढङ् घयेत् को़न्‍ज्‍योक् च्‍येन्‍नी युङ्‌गेन् बेत्। हुगो झ्‍यीनी हज्‍यरङ्‌गी च्‍यीक्‍तङ् च्‍यीक्‍ल झ्‍यम्‍ब झ्‍यीत् गोगेन् बेत्। झ्‍यम्‍ब झ्‍यीक्‍केन् दी को़न्‍ज्‍योक् च्‍यानी छ्‌येप्‍प खोङ् ङु ॱस्‍यीगेङ्‌गी मी बेत्।


येशुल मी ॱसी़ को़न्‍ज्‍योक्‍की को़बे च्‍यप्‍को़न् ख्रीष्‍ट् बेत् सीन्‍न छ्‌य स्‍योक्‍कुक्‍क हुगो को़न्‍ज्‍योक् च्‍येन्‍नी छ्‌येप्‍पे भीजल डोगेन् बेत्। ॱनी यप्‍ल झ्‍यम्‍ब यो़प्‍प च्‍येम्‍मे मी खोङ् च्‍यानी छ्‌येप्‍पे भीजल अक् झ्‍यम्‍ब झ्‍यीक्‍केन् बेत्।


को़न्‍ज्‍योक् च्‍यानी छ्‌येप्‍पे मी ॱसी़ इक् दीक्‍प झ्‍ये झ्‍येब मीत् दो़क्‍केन् हीम्‍ब हज्‍यरङ्‌ल ॱस्‍यो़च्‍च्‍ये यो़क्‍केन् बेत्। को़न्‍ज्‍योक् च्‍यानी छ्‌येप्‍प घयेत्‍ल खोङ्‌गी छ्‌योप्‍केन् झ्‍यीनी, हुगी दी़त्‍ङेन् हुगी हुल च्‍यो़न् घन्‍ड अक् तोङ् ॱमीत् छुगेन् बेत्।


को़न्‍ज्‍योक् च्‍येन्‍नी छ्‌येप्‍पे भीज घयेत् कुरीक् जम्‍बुलीङ्‌ले ज्‍यला थो़न्‍न युङ्‌गेन् बेत्। जम्‍बुलीङ्‌ले ज्‍यला थो़न्‍ज्‍ये दी हज्‍यरङ्‌गी छ्‌य स्‍यक्‍प दीगी थो़न् छुगेन् बेत्।


Lean sinn:

Sanasan


Sanasan