छङ्म थम्ज्येत् कुरीक् ङे लक्ल ङे यप्की टेत्न यो़क्केन् बेत्। ॱनी ॱरेबु दीम्बरङ् ङु ॱस्यीगेन् दी यप् मेन्द, ॱयोङ् ॱसु उक् मीप्प बेत्। ॱनी यङ् यप् दीम्बरङ् ङु ॱस्यीगेन् दी इक् ॱरेबु धङ् ॱरेबी़ ॱसुल ङोस्स्यीन् टो़च्च्ये ॱनो़न टेत् यो़दङ् हुगी मेन्द, ॱयोङ् ॱसी़ इक् ङु ॱमीत् ॱस्यीगेन् बेत् सीन्न ॱसुङ बेत्।
युहन्ना 1:10 - ल्होमी10 ॱस धङ् ॱनम् म दीरङ् जेङ् धङ्बु खोङ्गी लम् ज्यी़त्नी छ्यादु ची़प्प बेत्। ॱनी हीन्न अक्, खोङ् जम्बुलीङ्ल युङ्नी, मी घयेक्की खोङ् ङु ॱमत् ॱस्यीब बेत्। Faic an caibideil |
युहन्ना 1:10
23 Iomraidhean Croise
ॱनी स्यक्न अक्, को़न्ज्योक् घन्दुक्मे गय यो़प्प बेक्क हुगो कुरीक्ल ॱह घोदु ची़च्च्येल खोङ्गी छीगङ् गङ्ज्येन् झ्यीक्केन् बेत्। ॱनम्नी ॱसल छ्येप्प ज्यक्तु ची़क्केन्, ॱअन्न घयेत् धी़दोक्ल कीदु ची़क्केन्, हज्यरङ्गी ढोप्प डङ्दु ची़क्केन्, ॱसीम् गव युङ्दु ची़क्केन् बेत् सीन्न ॱस्येप्प बेत्।
ॱनी यो़त्न अक्, म दी हज्यरङ्ल यप् को़न्ज्योक् दी च्यीगी च्यीक् मेन्द, ॱयोङ्म मीप्प बेत्। ॱनी खोङ् च्यानी क हस्सो़त् छङ्म थम्ज्येत् झ्युङ्न यो़क्केन् बेत्। ॱनी हज्यरङ् घयेत् एत् खोङ्गी ढीक्ल खो़त्न यो़क्केन् बेत्। हज्यरङ्ल चोव ज्यीन्दक् दी च्यीगी च्यीक्रङ् यो़क्केन् बेत्। हुगो येशु ख्रीष्ट् बेत्। ॱनी खोङ्गी लम्नी क हस्सो़त् छङ्म थम्ज्येत् झ्युङ्न, हज्यरङ् घयेत् एत् खोङ्गी लम् ज्यी़त्नीरङ् झ्युङ्न यो़क्केन् बेत्।
घन्ड हीन् सीन्न जम्बुलीङ् धङ् तेङ् यी़न घङ् यो़प्प ॱमीक्की थोङ्गेन् धङ् ॱमीत् थोङ्गेङ्गी ढङ् छङ्म को़न्ज्योक्की खोङ्गी लक्नी जेत्न छ्यादु ची़प्प बेत्। ॱनी ॱवङ् च्येम्मे स्युडील दो़क्केन्, ॱवङ् च्योङ्गेन्, चो छ्यीया घयेत् धङ् ॱवङ् च्येम्म घयेत् एत् कुरीक् खोङ्गी लक्नीरङ् छ्यादु ची़प्प बेत्। ॱनी हुगो जेङ् खोङ्गी लक्नी खोङ्गी धो़ल्ल छ्यादु ची़प्प बेत्।
तेदे हज्यरङ्ल को़न्ज्योक्की घन्दुक्मे झ्यम्ब छ्यीय जेत्न हज्यरङ् खोङ्गी भीज बेत् सीक्केल्ल सो़न यो़क्केन् बेत्। ॱनी हीगो दीम्बरङ् हज्यरङ् खोङ्गी भीज दीरङ् बेत्। हुगो झ्यीनी जम्बुलीङ्गी मी घयेक्की खोङ् ङु ॱमीत् ॱस्यीबल हुनी हज्यरङ् अङ् घन्दुक् झ्यीब बेक्क हुबल ॱस्यो़च्च्ये मीप्प बेत्।
Sanasan